jer 29_11

Уулыг ч хөдөлгөх итгэл

2011-09-17T19:41:00.002Z

Энэ тухай би одоо судалж байгаамлдаа, амьдралд маань тохиолдож байгаа зүйлүүдээс болж итгэлийн тухай эрж хайж, сурагладаг боллоо. Нэгэн номлогчийн бичсэнээс иш татмаар санагдлаа.

"Итгэлийн салшгүй 2 чухал хүчин зүйл бол итгэх болон тушаах. Хүмүүс залбирахдаа гаргадаг нийтлэг алдаа бол тэд тушаах биш зүгээр л залбирдаг. Бидний залбирал заримдаа асуудлын тухай ярьж залбирдаг байхад зарим үед асуудалд тушааж залбирах ёстой байдаг. Таны амьдралд байгаа асуудал амьдралд чинь үргэлж л байгаад байгаа мэтээр бүү залбир, бүү тунхагла. Асуудал бэрхшээлийг төгсгөлөөс нь эхэлж залбир, өөрөөр хэлбэл төгсгөл, үр дүн нь ямар байхыг та хүсч байгаагаар тунхаглан залбир."

Тиймээ, итгэл бол асуудал, бэрхшээл уруу хардаггүй. Итгэл бол таны амнаас үг гарсан л бол тэр үг биелэнэ гэдэгт итгэж, гарах үр дүнг тэсэн ядан хүлээж буй Бурханаас өгөгдсөн сүнслэг хүч чадал юм.

Freedom

2011-09-05T11:22:00.001Z

Awake My Soul

2011-08-31T11:43:00.001Z

One thing I ask from the LORD,
this only do I seek:
That I may dwell in the house of the LORD
all the days of my life,
To gaze on the beauty of the LORD
and to seek him in his temple. (Psalm 27:4)

Тэнгэр шиг бай

2011-05-10T20:15:00.000Z

Хамаг бүгдээр чамайг

Харааж нулимж байвч, тэнгэр шиг бай!

Хамгийн сайн хүмүүс гэж

Хашгирч ерөөж байвч, тэнгэр шиг бай!

Тэвчээр барагдаж, нөхөд чинь орхивч

Тэнгэр шигбай, мөнхөд амгалан…

Тэргэнд суулгаж, алтан титэм өмсгөвч

Тэнгэр шиг бай, юу ч болоогүй юм шиг…

Хамгийн хайртай хүн чинь хаяж одсон ч

Хан тэнгэр нурчхаагүй цагт, бүү зов!

Гүтгэж, доромжилж бахаа ганц хангавч

Гүн тэнгэр хэмхрээгүй цагт, бүү ай!

Өвчин зовлонд нэрвэгдэж, тартагтаа тулавч

Өнө мөнхийн тэнгэр шиг бай, чи ялна

Өрөөл бусдад тоогдохоо байж, мартагдавч

Өндөр тэнгэр дээр чинь цэлийж буйг бүү март!

Яг л амьдрал чинь дуусаж, явах замгүй болсон ч

Яадгаан алдалгүй хүлээ, тэнгэр шиг бай!

Яруухан санаа мехөсдөж, хулгай зэлгийд өртсөн ч

Ядмагхан амьтдыг бүү тоо, тэнгэр шиг бай

Олз омог чамд үүдээ хаасан ч тэнгэр шиг бай

Олон түмэн нүүрээ буруулсан ч тэнгэр шиг бай

Одод гялалзаж, наран саран ээлжлэх цагт

Орчлон дээр аавын хүү шантрах ёсгүй!…

Уур омог урин мунхгийг мартаж, тэнгэр шиг бай

Уйтан хорвоогоос илүү гарч, жигүүрээ дэлгэ…

Цөхрөл чамайг багалзуурдаж, цөлийн чоно шиг болгосон ч

Цөс ихтэй хүний үр гэдгээн бүү мартаарай!…

Цорын ганц хүү минь, бас охид минь, хүүхдүүд минь

Цохолж ирэх үйлийн үрээс бүү зугт, бүү ай!…

Хувь заяатай ямагт эвлэрч, тэвчээртэй бай…

Хуучин цагийн мэргэд хүлээж сурсан юм шүү!…

Орох оронгүй болсон цагтаа орчлонг бүхэлд нь олно, чи!

Онцлох нөхөргүй болсон цагтаа , хүнийг бас ойлгоно чи !

Аз жаргал ирнэ гэвч , удалгүй алга болдог юм

Аюул зовлон тохионо гэвч , төдөлгүй арилдаг юм …

Жамаараа ертөнцөд юм бүхэн өдөр , шөнө шиг ээлжилнэ

Жаргал зовлонгийн алинд ч , мөнх тэнгэр шиг бай !…

Атаатан түмэндээ мууг үйлдэвч , хариуд нь сайныг бүтээ .

Ариун сэтгэлийн нугад буяны цэцэгс дэлгэрдэг юм …

Ямагт чиний зөв байх албагүй , сайтар тунгаа

Ярьж хэлэх , хөдлөх бүхнээ өерөө хяна , сэтгэ

Хүсэл бүхэн биелэх албагүй , чандалж хорь,

Хүрэхийн эцэсгүй тэнгэр шиг бай, үнэнийг тэмтэр!…

Юм бүхэнд өөрийн цаг буй, сөрөөд нэмэргүй

Юлд атгасан хүн тулаанд хэрэгтэй, хуриманд нэмэргүй

Нохой болохоос нь өмнө гөлгийг хазаж хэмлэдэг юм…

Ноён болохоос нь өмне хөвгүүнийг басаж доромжилдог юм

Самуун дэгдээгчид үйлээн тайван хийг

Сандарч тэвдэх хэрэггүй тэнгэр шиг бай !

Салхи цагаан болохоор бүхнийг хийсгэдэг юм

Саваагүй амьтдын зиндаанд бүү уна !…

Эрх мэдэлтэй хүн хилэнц нүглээс зайлахгүй

Эд баялагтай хүн хүсэл шуналаас хагацахгүй

Ертөнцийн бүх юм хэмжээтэйг бүү март

Ер цагаа болохоор хумхийн тоос шиг сарнина

Энгийн хүн ардад ээлтэй бай, хайртай бай

Элдэв бусармаг явдалд бүү орооцолд!…

Үнэтэй цайтай бүхнээ бусдад өгч сур, бүү харамс

Үүрд оршихгүйн учир тус болох үйл бүтээ!…

Гаднаан ямагт бусдаас доорд бай, даруу бай

Гайхуулах хэрэггүй, дотроон тэнгэр мэт агуу бай!

Үг яриа хэрэггүй газарт харцаараа өгүүлж сур,

Үнэн худлыг ялгах аргагүй цагт бурхандаа залбир!

Өнөөдөр чамайг маргааш бусдыг хуурах хүмүүст

Өөр шигээ бүү итгэ, мөрийг хөөж чигийг барь!…

Хүү минь, хамгийн эцэст хэлэхэд нохой явдлыг дээдэл

Хүлцэн тэвчихээс илүү гавьяаг би мэдэхгүй!…

In your presence

2011-02-05T20:22:00.002Z

Hold me near hold me near to You

2011-01-31T09:57:00.002Z

Keep Me

2010-12-11T18:30:00.003Z

Keep me, keep me.... No matter where I am, No matter where I go

I know you will never be far away from me…..

Angels are near guiding my way, Your promise still remains, I am yours….

Keep me, keep me.... Your love never fails

Харанхуйн хүчнээс чөлөөлөгдсөн нь 4-р бүлэг

2010-11-08T00:09:00.000Z

4-р бүлэг: Сатан Христэд итгэгчдийн эсрэг хэрхэн тэмцдэг вэ «Эцэст нь Эзэн дотор ба Түүний чадлын агуу хүч дотор бэхжигтүн. Та нар диаволын заль мэхний эсрэг бат зогсох чадвартай байхын тулд Бурханы бүрэн хуяг дуулгыг өмс. Учир нь бидний тэмцэл бол махан бие ба цусны эсрэг биш, харин захирагчид, эрх мэдэл, энэхүү харанхуй ертөнцийн хүчнүүд, тэнгэр дэх бузар муугийн сүнслэг хүчний эсрэг билээ.»
Eph. 6: 10-12
Христэд итгэгчидтэй тэмцсэн нь
Христэд итгэгчидтэй тэмцэх Лусиферийн тушаалыг хүлээн авсны дараа бид хамтдаа цуглан тэдний эсрэг ямар арга замаар тэмцэж болох төлөвлөгөө гаргав. Үүнд:
1. Өвчтэй болгох
2. Үргүй болгох
3. Сүмд хүмүүсийг нойрмог болгох
4. Сүмд төөрөгдөл бий болгох.
5. Сүмд итгэгчдийг бүлээн итгэлтэй болгох.
6. Тэднийг Бурханы үгийг ойшоодоггүй, хайхрамжгүй болгох.
7. Орчин үеийн дизайн, файшн хөөх, файшны тэмцээн явуулах
8. Материаллаг зүйлсээр тэмцэл явуулах
Эдгээрээс би 2 зүйлийг тайлбарламаар байна.
1.Материаллаг зүйлсээр тэмцэл явуулах
Эхлээд би, надад өгсөн телевизээр дахин төрсөн итгэгчдийг мэдэж авдаг байв. Бид хоёр нүүртэй итгэгчидтэй тэмцдэггүй, тэд аль хэдийн биднийх болсон байдаг. Дараа нь бид томоохон сүмүүд уруу өөрсдийнхөө охидоос илгээнэ. Тэд сүм дотор хүмүүсийг бохь зажлуулах юм уу эсвэл хүүхдүүдийг уйлуулах, ер нь хүмүүсийг Бурханы үгнээс сарниулахын тулд ямар нэгэн зүйл хийнэ. Тэд мөн хүмүүст сүнслэгээр нөлөөлж хүмүүсийг сургаалын үеэр нойрмог болгоно. Хэрэв ямар нэгэн итгэгч сургаалыг маш соргогоор хүлээн авбал манай охидын нэг түүнийг сүмийн гадна амдан хүлээж байгаад гарч ирэнгүүт нь түүнтэй мэндэлж, найрсагаар харилцах эсвэл бүр заримдаа бэлэг өгдөг байв (ихэвчлэн түүний дуртай зүйлийг өгдөг). Дараа нь тэр итгэгчийг сургаалаас сурсан зүйлийг мартуулахын тулд бүхий л зүйлийг хийдэг байв. Хэрэв жинхэнэ итгэгч байвал манай охидын нэг сүмийн дараа түүнийг хүлээж байгаад уулзах бөгөөд хотод өөр таньж мэдэх итгэгч найз байхгүй учраас түүний гэрийг мэдэхийг хүснэ. Дараа нь гэр уруу нь хамт явж байхдаа түүнд шоколад, амттан худалдаж авч өгөхөд тэр хүн нөхөрлөлийн үүднээс хүлээн авахаас өөр аргагүй. Дараа нь түүний гэрт байнга зочилж, түүний зүрхэнд ассан Христийн галыг бөхөх хүртэл нь нөхөрлөж байгаад орхидог байв. Амьд сүм чуулган, нөхөрлөл уруу хандсан сатаны гол үйл ажиллагаанууд бол Христэд итгэгчдийг Бурханы Үгийг уншиж, судлах урам зориггүй болгосноор тэдэнд өгөгдсөн Бурханы амлалт ба эрх мэдлийг ойшоолгүй өнгөрөхөд хүргэдэг юм. Мөн энд тэнд сайн мэдээний компанит үйл ажиллагаа болж байвал тэдний дунд хэрүүл маргааныг өдөөж үймээн самуун гаргадаг.
Христэд итгэгчдийг яаж таних вэ?
Дахин төрсөн итгэгчид гартаа үргэлж авч явдаг библи юм уу эсвэл цуглаан нөхөрлөлд хир их хамрагддагаараа танигддаггүй. Харин тэднийг сүнслэг биеэр нь өөрөөр хэлбэл тэдний зүрхэнд гэрэлтэж буй тод гэрлээр эсвэл толгойных нь эргэн тойронд дугуйран гэрэлтэх гэрлээр эсвэл тэдний биеийн эргэн тойронд ассан галан ханаар таньж мэддэг. Тийм итгэгч гудамжинд явж байх үед түүний эргэн тойронд баруун, зүүн, өмнө, хойд талд нь тэнгэр элч нар явж байдаг. Энэ нь биднийг түүн уруу дайрах боломжгүй болгодог.
Хэрэв бид тэр итгэгчийг гэм хийлгэвэл түүний амьдрал уруу нэвтрэн орох боломжтой болдог. Хэрэв тэр машинаа жолоодон явж байвал бид осолд оруулахыг хичээдэг боловч түүний машин дотор тэнгэр элч үргэлж хамт явж байдаг. Аяа, хэрэв бүх Христэд итгэгчид Бурхан тэдний төлөө ямар их зүйл хийдгийг мэдэхийн бол гэм нүгэлтэй хутгалдан хайхрамжгүй амьдрахгүйсэн!
2. Христэд итгэгчдийг итгэлээс нь буцаах
Лусиферийн томилсон дарга болсон би өөрийн багт буй охидуудыг амьд сүм чуулган, нөхөрлөл уруу илгээдэг байв. Эдгээр охидууд маш гоё хувцаслаж сүмд очихдоо сургаалийн дараа Есүст амьдралаа зориулах шийдвэр гаргасан мэт дүр үзүүлж сүмийн өмнө гарч залбируулдаг байв. Дараа нь тэд сүм тарсны дараа шинэ итгэгч нарт ихэвчлэн найрсаг хандах сургаал номлогчийг хүлээн энд тэнд хүмүүстэй уулзаж явна. Дараа нь сургаал номлогчийг хүлээсээр уулзахдаа ихэвчлэн гэр уруу нь хамт дагалдан явна. Хэрэв сургаал номлогч сүнсний ялгах чадваргүй бол тэр охидын уруу таталт, завхайрал, хүсэл тачаалалд нь автагддаг. Энэ зүйл зөвхөн, сургаал номлогч оюун санаандаа тэр охиныг хэсэг зуур шохоорхон хүлээн авснаас эхлэнэ. Дараа нь тэр охин түүнийг завхайрал руу уруу татан татсаар, Бурханы Сүнс сургаал номлогчийг орхих хүртэл нь уруу татна. Дараа нь даалгавар амжилттай хэрэгжиж дуусахад сургаал номлогчийг орхин явдаг байв.
Энд би нэг пасторын гэрчлэлийг хуваалцмаар байна. Сатаны ертөнцөд энэ пастор хүн Бурханы хүн гэггддэг байв. Энэ пастор өвдөг сөгдөн залбирч эхлэхэд л муу сүнснүүдийн дунд үймээн самуун төөрөгдөл бий болдог байв. Тиймээс бид түүн уруу хэсэг охидыг явуулсан. Хэдийгээр энэ пастор тэр охидуудыг хооллож тэжээж байсан боловч уруу таталтад нь нэг ч удаа автаагүй. Охидууд чадах бүхнээ хийсэн боловч амжилт олж чадаагүй. Эцэст нь эдгээр охид даалгавраа биелүүлж чадаагүй учраас алагдсан учраас би эмэгтэй хүний дүрд хувирч түүн дээр очсон. Би үг яриа, үйл хөдлөлөөрөө түүнийг уруу татахыг оролдсон боловч тэр хөдөлсөн ч үгүй. Энэ нь миний хувьд дэндүү хүнд даалгавар байсан учраас түүнийг би ямар нэг ослоор алахаар шийдсэн. Нэгэн өдөр тэр зах уруу явж байв. Би түүнийг ажигласаар, нэгэн хүнтэй үнэ тохиролцохоор доош бөхийх үед нь түүн уруу чиглэн явж байсан, тос ачсан ачааны машиныг онхолдуулав. Ачааны машин онхолдохдоо ойр байсан өндөр хүчдэлийн шонг тас дайрч, олон хүн дээр унасан. Олон хүн осолдож үхсэн боловч тэр пастор амьд гарсан. Тэр яаж амьд үлдсэн нь үнэхээр гайхамшиг байсан. Бас нэгэн өдөр тэр Нкпор хот уруу явганаар аялж байв. Би дахин түүн уруу төмс ачсан ачааны машиныг чиглүүлэн онхолдуулсан. Ачааны машин замаасаа гарч олон хүнийг дайрч алсан боловч энэ пастор дахиад л амьд үлдсэн. Амжилтгүй энэ 2 оролдлогын дараа бид түүнийг зөнд нь орхихоос өөр арга байгаагүй. Тэр өнөөдөр ч хүртэл амьд байгаа!
Зөвхөн нэг итгэгчээс болж диавол олон хүний амийг устгадаг, учир нь диавол түүнийг алж чадна гэж боддог боловч тэр үргэлж ялагддаг. Иймэрхүү үйл явдал олон Христэд итгэгчдэд тэднийг мэдээгүй байхад нь тохиолддог байсан, гэвч Бурхан тэднийг үргэлж авардаг байсан. Диавол тэдэнд бууж өгөхгүй гэдэг. Тэр бодохдоо, энэ удаад би амжилттай байх болно гэж боддог. Гэвч тэр хэзээ ч амжилт олж байгаагүй. Хэрэв Христэд итгэгч хүн Бурханы хайраар алхан, Түүн дотор алхсан хэвээр байж, энэ амьдралын бузар муу зүйлүүдтэй хутгалдалгүй байхын бол диавол хэзээ ч амжилт олж чадахгүй, тэр яаж ч оролдоод дийлж чадахгүй. Зөвхөн Бурханд үл итгэгчид л түүний гарт байдаг.
Христэд итгэгчдийн эсрэг үзүүлэх дарамт зовлон
Энэ зүйл ихэвчлэн тэдний зүүдээр дамжуулан хэрэгждэг. Хэрэв итгэгч хүн зүүдэндээ дараахь зүйлүүдийг зүүдэлвэл:
1.Зүүдэнд чинь нас барсан хамаатны хэн нэгэн ирэх
2. Багтай хүн араас чинь хөөх
3. Эхнэр, нөхрийн аль нэг нь голд сэлэх.
4. Эхнэр, нөхрийн аль нэг нь зүүдэнд чинь хоол авчирч, идүүлэхийг хүсэх.
5. Ганц бие эмэгтэй хүн бэлгийн харилцаанд орж байна гэж зүүдлэх юм уу эсвэл гэрлэсэн ч гэсэн өөр хүнтэй сексийн харилцаанд орж байна гэж зүүдлэх. Энэ зүүдээ шийдэж чадахгүй бол үргүйдэлд хүргэдэг. Хэрэв жирэмсэн хүн бэлгийн харилцаанд орж байна гэж зүүдэлвэл, энэ зүүдээ шийдэж чадахгүй бол үр зулбадаг. Хэрэв та дээрх зүүдүүдийг зүүдэлдэг бол ойшоолгүй өнгөрч болохгүй, харин сэрсэн даруйдаа өөрийгөө Бурханы өмнө нягтлан шалгаж, ямар нэг гэмшээгүй гэм нүгэл байвал Бурханы өмнө гэмшиж, муу сүнснүүдийг Есүсийн нэр дээр хүлж зайлуулж, дарамтлагдан зовж буй зүйлийг сэргээж өгөхийн төлөө залбирах хэрэгтэй. Түүнчлэн төлөвшсөн сүнслэг итгэгчтэй уулзаж зөвлөгөө авч болно.
Сүнснүүдийг авардаг диаволын арга
Есүс Христ энэ дэлхийгээс явахдаа дагалдагч нартаа “Явж, миний тухай бүх үндэстэнд тунхаглаж, дагалдагч болго” гэж тушаасан. Зарим Христэд итгэгчид энэ тушаалыг биелүүлэх илүү таатай цаг, боломжийг хүлээж байх зуур диавол энэ тушаалыг ч бас өөрийн дагалдагч нартаа өгдөг. Нэг ялгаа нь диаволын элч төлөөлөгчид Христэд итгэгчдээс илүү “сүнснүүдийг аврах” ажилдаа хичээнгүйлэн зүтгэдэг!
Сүнснүүдийг аврах диаволын ажлын нэг талбар бол дунд сургууль буюу охидын сургууль юм. Бидний охидын зарим нэг хэсэг энэ сургууль уруу илгээгддэг. Бид тэдэнд сүүлийн үеийн загвар дизайн бүхий дотуур хувцсуудыг өгдөг. Яагаад гэвэл охидууд дотуур байрандаа хамтдаа амьдардаг учраас тэд дотуур хувцсыг маш их сонирхож үздэг. Охидын сургуульд буй манай элч төлөөлөгч охин гоо сайхны хэрэгсэл, юбка, платье, дотуур хувцас, ном, хангамж, мөнгөөр байнга хангагдах бөгөөд түүнд бас нэгэн төрлийн онцгой банны саванг өгдөг. Тэр сургуулийн бусад охидуудад зээлэхийг хүссэн үед нь өгдөг бөгөөд хэрэв ямар нэгэн охин түүний эд материалд татагдаж түүнтэй нөхөрлөхийг хүсвэл найз болцгоодог. Аажимдаа манай элч төлөөлөгч охин найз охиноо бидэнд танилцуулсны дараа бид найз охин дээр нь байнга зочлон очих болж, янз бүрийн бэлэг сэлтээс авахуулаад түүнд хэрэгцээтэй гэсэн зүйлүүдээр нь хангаж эхэлнэ. Үүгээр тэр бидэнтэй сайн дураар нэгдэж эхэлдэг. Дараа нь тэр, өөрийн найз охидууддаа хэлэх зэргээр бид “сүнснүүдийг аврах” ажлаа хийнэ. Энэ нь бүхэл бүтэн үйл ажиллагаа болон явагддаг бөгөөд бид бүгдээрээ энэ даалгаврыг хичээнгүйлэн гүйцэтгэдэг.
Энд нэг зүйлийг тодруулмаар байна. Сатан хэнийг ч хүчилдэггүй. Түүний хийдэг ажил бол эхлээд тэр хүнийг уруу татсаны дараа хүнийг өөрийнх нь сайн дурын хүслийн дагуу хийлгүүлдэг. Тийм учраас библид “Бурханд захирагдагтун. Диаволыг эсэргүүц. Тэгвэл тэр та нараас зайлна” Иаков 4:7 гэж хэлсэн байдаг. Сүнснүүдийг аврах диаволын бас нэг арга бол машиндаа хүн дайж авч явах. Бид өөрсдийн охидуудыг зам дээр зогсоодог бөгөөд ихэвчлэн тэд маш дур булаам хувцасласан байдаг. Мөн зочид буудлын хажууд зогсоох гэх мэт. Энэ аргаар бид олон эрэгтэй, эмэгтэй хүмүүсийг олж авдаг. Өнөөдөр сонины булангууд дээр алга болсон хүнийг хайж байна гэсэн зарлал олон байдаг, яагаад гэвэл тэд танихгүй охидыг машиндаа дайж авч явснаас болдог. Тиймээс та машиндаа хүн суулгаж авч явахдаа болгоомжлох хэрэгтэй.

Харанхуйн хүчнээс чөлөөлөгдсөн нь 2, 3-р бүлэг

2010-11-06T17:39:00.000Z

Далайн хатантай хийсэн гэрээ

Нэгэн орой би гадаа салхилахаар гарав. Ебуте Метта автобусны буудлын хажууд би нэгэн үзэсгэлэнтэй эмэгтэй зогсож байгааг харсан. Түүний хажуугаар өнгөрөхдөө би юм дуугарсангүй. Дараачийн өдөр би түүнийг дахин олж харав. Гурав дахь өдөр бас л харав. Энэ удаад түүний хажуугаар өнгөртөл тэр намайг дуудав. Би түүнтэй мэндэлж нэрээ Емманүел Амос гэж хэлсэн боловч тэр надад өөрийгөө танилцуулахаас татгалзав.

Би түүний нэр болон хаана амьдардгийг нь асуухад тэр зөвхөн инээж байлаа. Миний хаягийг асуухад нь би зөвхөн гудамжаа хэлэв. Бид салцгаах болоход тэр хэзээ нэг өдөр манайд зочлон очино гэв. Би түүнд хаягаа бүрэн өгөөгүй учраас манай байрыг яаж олох юм бол доо гэж би бодож байв. Гэтэл тэр хэлсэн амандаа хүрч 7 хоногийн дараа хаалга тогших чимээг би сонсов. Тэнд нөгөө нууцлаг эмэгтэй зогсож байв! Би түүнийг гэртээ урин оруулав (дотроо би энэ эмэгтэй ямар аюултай хүнтэй уулзаж байгаагаа мэдэхгүй байгаа даа гэж бодож байлаа). Би түүнийг дайлсны дараа тэр шууд яваад өгөв. Анхны энэ уулзалтаас хойш тэр манайд байнга ирдэг болов. Гэвч бидний хооронд ямар нэгэн харилцаа байсангүй.

Гэхдээ би нэг зүйлийг ажигласан, тэр тодорхой цагт манайд ирэхдээ нэг ч минут хоцролгүй бас эрт ирдэггүй байлаа! Би түүнийг заримдаа гадуур Лагосын наран шарлагын газар дахь баар, Paramount зочид буудал, Ambassador зочид буудал гэх мэт газруудаар дагуулан явж хооллодог байв. Гэвч тэр надад нэрээ хэлэхгүй л байлаа. Нэгэнт бидний энэ харьцаа гүнзгийрэхгүй учраас би энэ талаар санаагаа зовохоо болив. Намайг эмэгтэй хүнд хүрэхийг хориглосон байлаа.

Гэнэт тэр шөнөөр манайд зочилдог болов. Нэгэн шөнө тэр ирэхдээ “Одоо чи манайд очих цаг болсон” гэв. Тэр шөнө тэрээр манайд өглөөний 8 цаг хүртэл байж байгаад дараа нь бид хамтдаа гадагш гарав. Бид автобусанд суухад эмэгтэй жолоочид биднийг наран шарлагын баарны хажууд буулгахыг хүсэв. Би түүнээс хаашаа явж байгааг асуув. “Битий санаа зов. Чи манай гэр хаана байдгийг мэдэх болно” гэв. Тэр намайг баарны хажуу дахь нэгэн булан уруу аваачиж нэгэн бүс шиг зүйлээр намайг өөртэйгээ хамт холбон уяв. Гэнэт бидний араас ямар нэгэн үл мэдэгдэх хүч биднийг далай уруу түлхэв. Эхлээд бид хэсэг далайн гадаргуу дээгүүр нисэв, дараа нь шууд далай уруу орчив. Эрхэм уншигч минь, энэ зүйл надад сүнслэг биеэр тохиолдоогүй харин бодит биетэйгээ байхад надад тохиолдсон юм шүү! Далайн гадаргууг нэвтлэн орох тэр агшинд бид гэнэт олон хүнд хөлхөлдсөн нэгэн их зам дээр зогсож байгаагаагаа мэдээд би их гайхав. Дараа нь бид олон хүн бүхий нэгэн завгүй хот уруу орж ирэв.

Сүнсний ертөнц

Би тэнд лабораториуд, судалгааны танхим, зохион бүтээх төв, театруудыг олж харав. Хотоос гадна хойд зүгт би үзэсгэлэнтэй олон залуу охид, хөвгүүд байгааг харав, тэнд ямар ч хөгшин хүн байсангүй. Эмэгтэй намайг тэдгээр залуучуудтай танилцуулахад тэд намайг уриалгаханаар хүлээн авав. Дараа нь бид “харанхуй өрөө”, “хатаах өрөө”, “баглаа боодлын өрөө”-гөөр явав. Дараа нь гол үйлдвэр болон агуулахуудаар явсны дараа түүний гэр болох нэгэн том харшид ирцгээв. Тэнд бид тухлан сууцгаахад эмэгтэй надад өөрийгөө танилцуулж “Би бол далайн хатан, би чамтай хамтарч ажилламаар байна. Би чамд эд баялаг түүнтэй хамт ирэх бүх зүйлийг, хамгаалалт, түүнтэй хамт ирэх бүх зүйлийг, амь болон чамайг хамгаалах “тэнгэр элч”-ийг өгнө” гэв.

Тэр нэгэн товчлуур дарахад хүний махыг хэсэглэн хэрчиж тавьсан нэгэн тавиур гарч ирж, бид хамтдаа хооллоцгоов. Дараа нь тэр нэгэн могойг гаргаж ирж, намайг бүтнээр нь залги гэв. Би чадсангүй. Тэр намайг шахсаар байв, би яагаад ч амьд могойг залгиж чадсангүй. Гэтэл тэр ямар нэгэн хүч чадлаар надаар могойг залгиулж дөнгөв. Эдгээр бүх зүйлс, хүний мах ба цус, аварга могой, муу сүнсний хүч чадал буюу тэнгэр элч бол нэгэн зүйлийг билэгдсэн утгатай байлаа, энэ нь тэнд болж буй бүх нууцат зүйлсийг задруулахгүй гэсэн утга бүхий гэрээ байлаа.

Тэнгэр элчийн үүрэг бол намайг замаасаа хазайх үед намайг удирдан чиглүүлж, зааварлах үүрэгтэй бөгөөд түүнчлэн миний хүссэн үед далайгаас надад хоол авчрах үүрэгтэй байлаа. Би далайн хатныг үргэлж дагахаа амлав. Тэр миний амлалтыг авсны дараа намайг далайн өөр нэгэн хэсэг уруу нэгэн арал уруу авчрав. Тэр арал дээр моднууд байсан бөгөөд мод бүр өөр өөрийн үүрэг чадалтай байв.

- Хордуулагч мод

- Алагч мод

- Өдөөгч мод

- Эдгээгч мод гэх мэт

Дараа нь далайн хатан надад хирс, далайн могой, матар гэх мэт далайн амьтанд хувирах хүч чадлыг өгсний дараа хаа нэг тийшээ алга болов. Би далайд 7 хоносны дараа дээр дурдсан амьтдуудаас матрын дүрд хувилан матрын дүрийн тусламжтайгаар дэлхий уруу буцаж ирэв.

Далай дахь лабораториуд

Би Лагост 7 хоносныхоо дараа далай уруу энэ удаа 2 сараар эргэж ирэв. Би судалгааны лабораторид чухам юу хийдгийг нь мэдэх гэж очив. Тэнд физикч, эрдэмтэд, судлаачид маш их хичээл зүтгэлтэйгээр ажиллаж байхыг харав. Эдгээр эрдэмтдийн үүрэг бол янз бүрийн тансаг дээд зэрэглэлийн машин бүтээх, хүчтэй зэр зэвсэг бүтээх, энэ дэлхийн нууцлаг гоц үзэгдлүүдийг судлаж, танин мэдэх гэх мэт зүйлүүдийг хийж байв. Хэрэв тэдний санаагаар болдог бол энэ дэлхийн тулах цэгийг хүртэл олчих юмсан гэсэн санаа байв. Гэвч Бурханы минь аврал гэж, тийм зүйлийг зөвхөн Бурхан мэддэг билээ.

Дараа нь би зохион бүтээх төв уруу явав. Тэнд янз бүрийн даавуу материал, тансаг үнэртэн танартан, гоо сайхны хэрэгслүүд байхыг харсан. Эдгээр бүх зүйл нь хүнийг Агуу Хүчит Бурханаас нь холдуулах гэсэн Лусиферийн хэрэглэж буй арга байлаа. Би бас тэнд цахилгаан бараанууд, компьютерууд, техник хэрэгслүүд байгааг харсан. Түүнчлэн тэнд, бас нэгэн төрлийн онцгой телевиз байсан ба энэ телевиз нь дахин төрсөн итгэгчдийг бусад дэлхийн хүмүүсээс ялган таньж харуулдаг телевиз байв. Энэ телевизийн тусламжтайгаар та ямар ч хүнийг дахин төрсөн итгэгч байна уу эсвэл жирийн сүмд явдаг итгэгч байна уу гэдгийг ялган таньж чадна.

Дараа нь би “харанхуй өрөө” болон “хатаах өрөө”-өөр явав. “Харанхуй өрөө” бол дуулгаваргүй дагалдагчдыг алдаг газар ажээ. Энэ газар тэд эхлээд хүний бүх цусыг нь юүлсний дараа биеийг нь махны машин бүхий өрөөнд аваачиж машиндаж, нунтаглаж хатаана. Дараа нь “баглаа боодлын өрөө” уруу явуулж домч хүмүүст зориулан домын эм болгон хадгална. Энд миний тайлбарлаж үл чадах олон зүйлс байсан. Би далайд эдгээр бүх хүч чадлуудыг хүлээн авсны дараа Лусиферийн элч төлөөлөгчийн эрх мэдэлтэй болов, гэвч надад Лусифертай уулзах эрх мэдэл өгөгдөөгүй байлаа. Би дотроо маш их сэтгэл хангалуун болж, одоо ямар ч зүйлийг өөрийнхөө хүссэнээр өөрчилж, устгаж, сүйрүүлж чадах чадалтай болов. Миний хүсч чаддагаас илүү өөр ямар нэгэн хүч чадал одоо байна уу?

3-р бүлэг 3: Бузар хаанчлал

«Хулгайч зөвхөн хулгайлан, алж, сүйтгэхээр ирдэг. Би тэднийг амьтай, бялхсан амьтай байлгахын тулд ирсэн юм. » Иохан 10:10

Би Лагост буцан ирж 2 долоо хоног өөрийн бизнесээ явуулж байгаад далай уруу эргэж ирэв. Далайн хатан надад миний эхний даалгаврыг өгөв. Энэ бол далайн хатны хэлснээр миний эцэг эхийн үхэлд буруутай миний авга ах болох тосгондоо хамгийн нэртэй домчийг би алах ёстой болов.

Хэдийгээр би даалгаврыг биелүүлсэн боловч авга ахаа алах зүрх зориг байгаагүй учраас зөвхөн түүний эмүүдийг устгаж, түүнийг хүч чадалгүй болгож орхисон. Үүний үр дүнд тэр өнөөг хүртэл өөрийн үйлчлүүлэгч нараа алдсан юм. Дараа нь би далайн хатан дээр эргэн ирж, юу хийснээ нэгт нэгэнгүй тоочив. Тэр маш ихээр уурлав. Авга ахаа алаагүй миний энэ дуулгаваргүй байдал намайг үхэлд хүргэж болох байсан боловч түүний хэлснээр намайг хайрлаж буй түүний хайрын улмаас надад дахин нэг даалгавар өгнө гэв. Энэ нь миний эцэг эхийн үхэлд тусалсан тосгоны 2 ахлагчийг алах байв. Энэ нь намайг шийтгэх гэсэн шийтгэл байсан уу үгүй юу би мэдэхгүй.

Би тосгон уруу эргэн очиж, тосгоны 2 ахлагчийг алж дөнгөсөн бөгөөд цусыг нь далайн хатан уруу илгээв. Тосгоны 2 ахлагч нууцлагаар алагдсан энэ явдал тосгоны бусад ахлагч нарыг энэ хэргийн талаар хамтдаа хэлэлцэн шийдвэрлэж, улмаар хүч чадалтай мэргэ төлөгчөөс асуулгахад хүргэв. Тэр мэргэ төлөгч бол алуурчин уруу аянга цахилгаан илгээдэг хүч чадалтай хүн байв. Гэвч тэдний аз дутахад энэ төлөгчийг сүнслэг ертөнцөд муу сүнстэй ярилцаж зөвлөгөө авч байх үед нь би тааралдаж, хэрэв аминдаа хайртай л юм бол энэ хэргийн талаар илчлэхгүй байхыг анхааруулав. Тэр төлөгч муу сүнстэй зөвлөлдөж дууссаныхаа дараа түүнийг хүлээж байсан тосгоны ахлагч нар уруу очиж, тэдний нэг нь хүүгээ гомдоосон учраас ийм зүйл болсон гэж тайлбарлав. Тэр намайг илчилсэнгүй.

Тиймээс төлөгчийн илгээсэн аянга цахилгаан ахлагч нар дээр бууж, тэднээс олонх нь гэмтэв. Энэ явдлын дараагаас миний дотор байсан хүч чадал бодитойгоор амьдрал дээр хэрэгжиж эхлэв. Үүнд надтай үерхэхээс татгалзаж байсан эмэгтэйг тахир дутуу болгох гэх мэт.

Сатантай уулзсан нь

Би Лагост буцаж ирэв. Нэгэн өдөр би Нина гэдэг охинтой уулзав. Нина, Анамбра мужаас гаралтай бөгөөд маш үзэсгэлэнтэй охин байв. Тэр ихэвчлэн далайд, усан дорх ертөнцөд амьдардаг байв. Тэр далайн хатны маш идэвх зүтгэлтэй хорон элч төлөөлөгч байв. Тэр Христэд итгэгчдийг үнэн голоосоо үзэн яддаг тэдэнтэй бүх хүч чадлаараа тэмцэлддэг нэгэн байв. Би түүнтэй өмнө нь далайд очихдоо нэгэн удаа уулзаж байв. Нина далайн хатны даалгавраар над дээр ирсэн байв.

Бид хамтдаа хаа нэг тийшээ явав. Удалгүй би Лусифертэй уулзах уулзалт уруу явж байгаагаа мэдэв. Энэ уулзалтан дээр Сатан бидэнд нэгэн үүрэг даалгаврыг өгсөн нь: бид дэлхийн хүмүүстэй биш харин Христэд итгэгчидтэй тэмцэх хэрэгтэй. Яагаад гэвэл Христийг мэддэггүй дэлхийн хүмүүс аль хэдийн биднийх болсон гэв. Бидний дундаас хэн нэгэн хүн яагаад гэж асуув. Сатан хэлэхдээ “Бурхан түүнийг тэр газраас (Сатан тэнгэрийн улсыг нэрээр нь дууддагүй харин тэр газар гэж үргэлж ярьж байсан) гаргасан шалтгаан бол бардам зан. Тиймээс Христэд итгэгчдээс хэн нь ч тэр газарт очихыг хүсэхгүй байна” гэв.

Тэр бас биднийг “хоёр нүүртнүүдтэй тэмцэлдэх хэрэггүй. Тэд бол яг л бидэнтэй адил. Бид зөвхөн жинхэнэ итгэгчидтэй тэмцэх хэрэгтэй. Түүний цаг одоо ойрхон байгаа учир бүх хүч чадлаа дайчлан тэмцэх хэрэгтэй. Тэр газарт хэн ч орохыг бүү зөвшөөр” гэж хэлж байв. Биднээс нэг нь “Бурхан хүн төрөлхтнийг аврахын тулд нэгэн хүнийг илгээсэн гэж би дуулсан” гэхэд Сатан “хэнийг илгээсэн гэж?” гэж асуухад тэр хүн “Есүс гэсэн” гэж хэлэхэд Лусифер гэнэт суудлаасаа газарт ухасхийн уначив. Лусифер өнөөх хүн уруу хашгирч хэрэв аминдаа хайртай л юм бол тэр нэрийг уулзалтан дээр дахиж хэлж болохгүй гэж хатуу анхааруулав. “Бүх зүйлс Есүсийн нэрт сөхрөх ёстой” гэж үнэхээр үнэн үг (Филипой 2:10).

Үүний дараа тэр биднийг урамшуулж, Христэд итгэгчдээс болж урам хугарах хэрэггүй, учир нь Лусифер тун удахгүй энэ дэлхийг удирдан захирах бөгөөд элч төлөөлөгч болсон бидэнд энэ дэлхийн хамгийн сайхан газруудыг өгч, биднийг захирагчид болгоно гэв. Тэр цааш нь, хүн төрөлхтөн сонин гойд, чамин тансаг зүйлүүдэд дуртай учраас ийм зүйлүүдийг үйлдвэрлэн гаргах ажлаа үргэлжлүүлэх хэрэгтэй, хүмүүст Бурхан уруу хандах боломжийг олгож болохгүй гээд дараахь зүйлүүдээр дамжуулан сүм болон Христэд итгэгчид уруу дайрах ёстой гэв: 1. Мөнгө,
2. Эд баялаг,
3. Эмэгтэй хүн.

Үүний дараа хурал төгсч, биднээс зарим нь ямар нэгэн ёслолд хамрагдав. Энэ бол Сатантай уулзсан миний анхны уулзалт байлаа. Биднийг тарж байх үед далайн хатан над дээр ирэв, тэр өөр дүрд хувилсан байлаа. Бид далайн хатны харшид ирцгээхэд тэр миний 2 хөлний ясанд хүний чандруу хийж, миний хуруунд ер бусын нэг чулуу, миний баруун гарын ясанд бас нэгэн зүйл хийв.

Эдгээр зүйлс тус тусын хүч чадал агуулсан зүйлс байлаа. Миний хуруун дахь ер бусын чулуу бол миний эсрэг хандсан хүний бодол санааг унших чадалтай байв. Миний баруун гар дахь зүйл бол устгаж, сүйрүүлэх чадалтай байсан бөгөөд миний 2 хөлөн дэх зүйлс миний зүрхийг хатууруулж, улам аюултай болгох чадалтай тэгснээрээ би эмэгтэй хүн, араатан, шувуу, муур гэх мэт амьтдын дүрд хувилах чадалтай байв. Далайн хатан намайг нэгэн лаборатори уруу аваачиж, надад телескоп, телевиз, видео өгөв. Эдгээр зүйлс жирийн биш зүйлс байсан бөгөөд жинхэнэ Христэд итгэгчдийг таньж илрүүлдэг, тэднийг дахин төрсөн итгэгчид байна уу эсвэл сүмд явдаг жирийн итгэгчид байна уу гэдгийг ялган таньдаг багаж байлаа.

Эцэст нь тэр надтай хамтарч ажиллах 16 охидыг өгөв. Нина тэдний нэг байлаа. Би Лагос уруу дээрх бэлгүүдийг авсаар буцаж ирэв.

Сатаны элч болон хувирсан нь

Надад хүнийг өрөвдөж хайрлах сэтгэл гэж байхаа болив. Би шууд л ажилдаа шамдан орж, нэг удаа 5 давхар барилгыг нураав. Тэр барилга, түүн доторх оршин суугчидтайгаа хамт газартай тэгшлэгдэв. Энэ үйл явдал Лагост 1982 оны 8 сард болсон. Барилгыг барьсан гэрээт компани барилгын суурийг муу тавьсан гэсэн шалтгаанаар буруутгагдаж, асар их төлбөрт унав. Энэ дэлхий дээр өнөөдөр хүний хүчин зүйлээс шалтгаалалгүй олон муу зүйлүүд тохиолдсоор байна. Диаволын үүрэг бол хулгайлж, алж, устгах юм. Сатанд үнэгүй ямар ч бэлэг байхгүй гэдгийг би дахин хэлмээр байна.

Би зам дээр машины осол гаргах гэх мэт зүйлүүдийг бас хийж байв. Би нэгэн үйл явдлын тухай хуваалцмаар байна. Нэгэн Христэд итгэгч залуу хөвүүн өөрийнхөө амьдралд тохиолдсон гэрчлэл, чөлөөлөлтийн тухай гэрчлэн ярьж явдаг байв. Тэр залуу сүнслэг ертөнцөд бидэнд маш их гай зовлон тарьж байсан учраас бид түүнийг машины ослоор устгахаар төлөвлөв. Нэгэн өдөр тэр маш сайхан тансаг автобусанд суун Лагос уруу явж байв. Тэр Лагост өөрийнхөө гэрчлэлийг хуваалцах ёстой байв. Автобус маш хурдтай явах үед би автобусыг замаас нь гаргасан бөгөөд автобус эрчээрээ давхисаар мод мөргөн осолдсон. Автобусанд байсан бүх хүн үхсэн боловч ганцхан тэр залуу амьд үлдсэн.

Түүний амьд үлдсэн шалтгаан үнэхээр учир битүүлэг байсан бөгөөд тэр автобусны ачааны хэсгээс гарч ирэхдээ“Би амьд байна”, “Би амьд байна” гэж хашгирсаар гарч ирсэн. Бид түүнийг зогсоож чадаагүй учраас төдөлгүй орхисон.

Бидэнд байдаг телевизээр бид Христэд итгэсэн шинэ итгэгчдийг таньж илрүүлэн, тэднийг буруу замаар оруулахын тулд хойноос нь мөшгидөг байв. Хэрэв бид 6 сарын турш түүнийг замаас нь гаргаж чадахгүй бол түүний ажил болон бизнес уруу нь довтолж, дампууралд оруулдаг байв. Хэрэв тэр хүн нийгмийн аль нэг салбарт ажилладаг бол бид түүнийг дарга, захирлаар нь дамжуулан дарамталж, хэрэв боломжтой бол ажлаас нь халуулах гэх мэт ямар нэг байдлаар ажлаас нь гаргадаг байлаа. Хэрэв тэр хүн энэ бүх зүйлийн дараа Есүсийг дагасан хэвээрээ байхын бол бид үндсэндээ бууж өгдөг байлаа. Гэвч тэр хүн Есүсийг орхихын бол бид түүнд 2 дахь боломжийг өгөхгүйн тулд ямар нэг аргаар устгадаг байв.

Би хүний амь бүрэлгэсээр байсан учир Лусифер надад сэтгэл хангалуун байх болж, намайг төлөгчдийн даргаар томилов. Төлөгчдийн дарга болсноос 1 сарын дараагаар дахин нэг хурал болов. Бид энэ уулзалтан дээр шувуу, муур, могойны дүрд хувилан ирцгээв. Эдгээр амьтад нь дараахь учир шалтгаантай байлаа:

1. Шувууны дүр нь маш аюултай төлөгчид тооцогддог.
2. Муурны дүр нь хүн ба сүнсний аль алинд нь хүрч ажиллах чадвартай.

3. Хархны дүр нь ямар нэг байшин уруу нэвтрэн ороход амархан байдаг бөгөөд шөнөөр сүүдэр болон хувирч дараа нь хүний дүрд хувилан хохирогчийн цусыг сорж алдаг.

Энэ хурлын уриа лоозон “Христэд итгэгчид” гэсэн нэг л зорилго чиглэлтэй байлаа. Дараа нь бид дараачийн ээлжит хурлаа Африкийн Нигериа улсад Төлөгчдийн бага хурал гэсэн нэрийн дор хийхээр төлөвлөв. Бид бүхий л хэвлэл мэдээллийн хэрэгсэл, сонин сэтгүүлүүдийг ашиглан сурталчлав. Харанхуйн бүх хүчнүүд энэ хуралд бэлтгэн хөдөлцгөөж, хурлыг юу ч зогсоож чадахгүй гэсэн бүрэн итгэлтэй байв. Бид бүх зүйлийг маш нарийн чанд бэлдэж, анхаарал сэрэмжтэй байлаа.

Гэнэт Нигериад Христэд итгэгчид Бурхан уруу хандан хашгирцгааж, бидний төлөвлөгөө саадтай учрав. Бидний төлөвлөгөө саадтай учраад зогсохгүй харанхуйн ертөнцөд жинхэнэ төөрөгдөл, үймээн самуун дэгдэв. Үр дүнд нь Төлөгчдийн бага хурал Нигериад болохоо хойшлогдов. Христэд итгэгчид нэг зүйлийг сайтар ойлгох хэрэгтэй, хэрэв итгэгчид бид дуу хоолойгоо нэгтгэн Агуу Хүчит Бурхан уруу хандан хашгирч, магтан хүндэлвээс харанхуйн ертөнцөд, далайд ч, тэнгэрт ч тэр Сатаны төлөөлөгчид орж байх газраа олж ядан гай зовлон, үймээн сандралд автдагийг ойлгох хэрэгтэй. Залбирал бол дайснуудынхаа дунд хаяж буй тэсрэх бөмбөг бөгөөд тэд амьд үлдэхийн тулд ийш тийш тарж зугтацгаадаг.

Христэд итгэгчид бид бүхэн Бурханаас бидэнд өгөгдсөн энэ эрх мэдлийг таньж мэдэн, хэрэглэхийн бол улс орноо удирдан авч явахсан! Зөвхөн Христэд итгэгчид улс орныг аварч чадна.

Хожим нь Өмнөд Африкт болсон энэ хурлын дараа би далай уруу эргэн дуудагдав. Тэнд, надад, үүнээс хойш далайд тогтмол амьдарч, зөвхөн томоохон үйл ажиллагааны үеэр дэлхий уруу очиж байх заавар өгөгдөв. Үүнээс хойш би, домчид зориулсан тарни шившлэг бүтээх, хянах өрөөг удирдах, домч нараар дамжуулан хүмүүст янз бүрийн“бэлэг” өгөх, үүнд, цагаан хувцастнуудын (залбирлын) дуган барих, төрөх газар нээх, дэлгүүр нээх, тэдгээрийг амжилттай явуулах, “хүүхэд” ба мөнгөтэй болгох гэх мэт шинэ үүрэг даалгавартай болов.

1.Цагаан хувцастнуудын дуган барих. Хэрэв ямар нэгэн хүн залбирлын дуган барихыг хүсвэл түүнд доорх нөхцөлүүдийн үндсэн дээр хүнийг эдгээх увидасын хамт өгдөг байв.

А. Залбирлын дуган барихыг хүсч буй хүн жилд нэг юм уу хоёр удаа хүнээр тахил өргөхийг зөвшөөрөх

Б. Дуган дотор тодорхой зэрэг дэвд хүрсэн ямар ч хүн манай нийгэмлэгийн гишүүн болох

В. Дуганд гуталтайгаа орохыг хориглох

Хэрэв тэр эдгээр нөхцөлүүдийг хүлээн зөвшөөрөхийн бол түүнд цагаан хайрга, хүний яс, цусыг тарнийн хамт тухайн газар нутагт хийгдсэн саван дотор хийж өгнө. Дараа нь тэр савыг дуганы өмнө талд газарт булж, дээр нь огтлолцсон хэрээс тэмдэг босгож тавина. Дуганы хажууд бас нэгэн цөөрөм, усан сан барих ёстой бөгөөд энэ цөөрөмд сүнснүүд тусгай усаар хангах үүрэгтэй. Энэ усыг “ариун ус” хэмээн дархлан тахидаг. Хүмүүс муу сүнсний нөлөөнөөс болж зовохдоо тэдэн уруу тусламж гуйн ирэх үед тэд зөнчийн үүргийг гүйцэтгэн тэдгээр муу сүнснүүдийг зайлуулдаг мэт харагддаг боловч үнэн хэрэгтээ тэд улам ч олон сүнсийг урин дууддаг. Диавол диаволыгоо хөөж чадна гэж үү? Тэгэхлээр зөнч юу хийдэг гэхлээр эхлээд тусламж хэрэгтэй байгаа хүний төлөө залбирч дараа нь түүнд улаан алчуурыг гэртээ хадгал гэж өгдөг бөгөөд дараа нь үргэлж лаа юм уу утлага асааж залбирахыг зааж өгдөг. Энэ үйлдэл нь уг хүнийг гэртээ муу сүнснүүд биднийг урин оруулах үүд хаалгыг нээж өгдөг. Заримдаа тэд ямаа гэх мэт амьтдаар тахил өргөх хэрэгтэй болдог. Энэ өргөл нь биднийг тэр хүний амьдрал уруу орж ирэх үүд хаалга болдог бөгөөд тэр хүнийг өвчнөөс нь салгадаг. Зөнчид хүнийг эдгээх ямар ч хүч чадал байдаггүй.

2.Төрөх газар нээх. Хэрэв ямар нэгэн хүн төрөх газар нээж, амжилттай явуулахыг хүсвэл дараахь нөхцөлүүдийг хүлээн зөвшөөрдөг байв. Үүнд бидний сонгосон тодорхой нэг сард төрсөн бүх хүүхдүүд үхэх ёстой бөгөөд бусад сард төрсөн хүүхдүүд амьд үлдэх. Хэрэв уг хүн энэ нөхцөлийг хүлээн зөвшөөрвөл төрөх газар уруу нь олон хүнийг татах тарни зааж өгдөг. Лагосын Оницад иймэрхүү олон төрөх газарт гуталтайгаа орохыг зөвшөөрдөггүй.

3.Дэлгүүр нээх. Дэлгүүр нээхийг хүсч буй хүн, эмэгтэй хүн хүрч болохгүй нэгэн бөгжийг биднээс хүлээн авдаг бөгөөд манай нийгэмлэгийн гишүүн болох ёстой байдаг байв. Хэрэв уг хүн дээрх нөхцөлийг хүлээн зөвшөөрвөл түүний дэлгүүр үргэлж сүүлийн үеийн хамгийн сайн, шинэ бараагаар хангагддаг байв.

4.Хүүхэдтэй болох. Хэрэв эмэгтэй хүн хүүхэдтэй болж чадахгүй байвал домчид нэг цагаан тахиа, нэг ямаа, хэсэг шохой авчирна. Дараа нь домч тэдгээр зүйлүүдийг бидэн дээр авчрахад бүх зүйлүүдийг өөр бусад зүйлүүдтэй хамт жишээ нь хүний чандруутай хольж, өөр тайлбарлахын аргагүй олон зүйлүүд байдаг, эмэгтэйд хоолон дотор нь хольж өгдөг. Дараа нь эмэгтэй жирэмслэх бөгөөд ийм аргаар төрсөн хүүхэд хэзээ ч жирийн амьдралтай байдаггүй. Хүүхэд хэрэв эмэгтэй бол насанд хүрсэн хойноо хүнтэй суусан ч хүүхэдтэй болж чаддаггүй, хэрэв эрэгтэй бол насныхаа тодорхой үед нас барах тавилантай байдаг. Тийм хүүхэд хэзээ ч эцэг эхээ оршуулах хувь заяатай байдаггүй. Үргүйдэл ихэвчлэн муу сүнсний үйл ажиллагаатай холбоотой гэдгийг би хэлмээр байна. Хүүсэр эмэгтэй хүн амьдрал дээр хүүхэдгүй мэт харагддаг боловч тэд далайд хүүхэдтэй байх тохиолдол байдаг. Тийм учраас Христэд итгэгч эмэгтэйчүүдэд хандаж хэлэхэд зөвхөн Бурханыг хүлээ, зөвхөн Бурхан танд хүүхэд өгч чадна.

5. Мөнгөтэй болох. Хэрэв ямар нэгэн хүн бидэн дээр мөнгөтэй болохыг хүсч ирвэл дараахь нөхцөлүүдийг зөвшөөрөх ёстой байв. Тэр хүн өөрийн биеийн ямар нэг хэсгийг өгч золиослох юм уу эсвэл гэр бүлийнхээ ямар нэг гишүүнийг золиослох, гэрлэсэн бол хүүгээ золиослох, гэрлээгүй ганц бие бол ах дүү нарынхаа аль нэгийг золиослох. Ямар ч байсан нэг эхийн умайгаас төрсөн хүн байх шаардлагатай. Энд дурдаж хэлэхэд гэр бүлийнхнийхээ хэн нэгнийг золиосолж буй хүнд сэлэм юм уу жад өгдөг. Тэр үед хохирогч хаа нэгтээ ямар нэг толины урдуур явж өнгөрөх үед сигнал хаа нэгтээгээс ирж, золиосыг хийж буй хүнд сэлэм юм уу жадаараа цохих хөдөлгөөн хийхийг хэлдэг, тэр үед хохирогч үхдэг.

Өөр олон төрлийн аргууд байдаг боловч Сатан нэг л зүйлийг зайлшгүй хийдэг. Уг золиослолыг хийж буй хүн ямар нэг байдлаар хохирогчийн үхэлд буруутан болох зүйлийг Сатан заавал хийдэг. Сатанд үнэгүй ямар ч бэлэг байхгүй гэдгийг санах хэрэгтэй! Үргэлжлэл бий.

The Everlasting God

2010-09-14T06:48:00.000Z

Би Таны хүч чадлын тухай дуулна.
Би өглөө Таны хайр энэрлийн тухай баяр хөөртэйгөөр дуулна.
Учир нь Та миний бат цайз,
Зовлон шаналлын өдөр миний хоргодох газар байсаар ирсэн
Хүч чадал минь ээ, Би Таныг магтан дуулна.
Учир нь Бурхан бол миний бат цайз, надад хайр энэрэл үзүүлдэг Бурхан билээ. Дуулал 59:16

Тийм ээ, Эзэн минь ээ, та бол the Everlasting God, таны хүч чадал хэзээ ч сульддаггүй, Та бол сул дорой нэгнийг хамгаалагч, Та бол гашуудаж буй нэгнийг тайвшруулагч
Тийм ээ, та биднийг харанхуйгаас чөлөөлөөч, бидний итгэл найдвар, бүхнийг захирагч, бид бүргэд мэт жигүүр дээрээ элин халих болно.

Харанхуйн хүчнээс чөлөөлөгдсөн нь 1, 2-р бүлэг

2010-09-12T20:00:00.003Z

Емманүел Амосын түүх
1-р бүлэг: “Шинэ амьдрал” уруу зугтсан нь
“Явах ёстой замаар нь замнуулахын тулд хүүхдийг сурга. Тэрээр өтөлсөн ч тэр замыг орхихгүй” (Сургаалт үгс 22: 6).
Энэ бол “Явж, миний чамд хийж өгсөн зүйлсийн тухай гэрчлэгтүн” гэж Есүс Христийн надад тушааж хэлсэн үгсийн биелэл болсон Бурханы гайхамшигтай, хүч чадалтай, нууцлаг үйлсийн тухай түүх юм.
Хүмүүс азгүйтлийг хувь заяаны төөрөг гэж үздэг, бид хувь заяагаа өөрчлөхийн тулд юу ч хийж чадахгүй гэдэг. Зарим талаараа энэ нь үнэн юм. Харин Бурханы хүүхэд болсон бидний хувьд бидний амьдрал Бурханы төлөвлөгөөгөөр явагддаг. Тэр төлөвлөгөө нь Бурхантай хэр зэрэг ойр дотно байхаас, амьдрал дахь тухайн хүний зорилго, тэр хүний нийгэмтэй харилцах харилцаа, сүнсний төвшин зэргээс шалтгаалдаг.
Таны амьдралын үйл явц бас зарим гадаад хүчин зүйлүүдээс шалтгаалдаг. Амьдрал дахь аливаа хямрал бид сайн, мууг сонгох бидний өөрсдийн сайн дурын хүслээс шалтгаалж өрнөдөг. Үүний үр дүнд та хайрлаж эсвэл үзэн яддаг. Та ойлгож эсвэл үл ойлголцолд хүрдэг. Бурханыг дагах хүсэл нь шинээр төрсөн итгэгчдийн хувьд маш том хүчин зүйл, харин эс дагах нь нүгэлтнийг сүйрэлд хүргэдэг маш том хүчин зүйл юм.
Дэлхийд мэндэлсэн хүүхэд энэ дэлхийн сайн, муу, зөв, буруу, Бурхан эсвэл сатан 2 хүчний нөлөөлөл дор ордог. Хүн бүр амьдралын эл 2 хүчний нөлөөгөөр амьдардаг, хүн бүр амьдралдаа алийг нь дагахаа шийддэг. Библид “Явах ёстой замаар нь замнуулахын тулд хүүхдийг сурга. Тэрээр өтөлсөн ч тэр замыг орхихгүй” гэж хэлсэнтэй би санал нэгтэй байдаг. Хүүхдийн хувьд түүний хамгийн ойр дотно, хайртай хүн нь ээж нь байдаг гэдэгтэй та санал нэгтэй байгаа байх. Өнчин хүүхдийн хувьд нэг харамсалтай зүйл нь эцэг эхтэй хүүхдээс илүү диаволын дайралтад өртөмтгий байдаг. Эх хүн гэдэг бол хүүхдийн бие, сүнсийг хамгаалагч бөгөөд хэрэв эцэг, эх хоёулаа ер бусын золгүй байдлаар амиа алдвал тэр хүүхдийн хувьд хоёр дахин зовлонд унаж байгаатай адил юм.
Миний түүх Имо мужийн Бенде орон нутгийн засаг захиргааны мэдэлд хамааралтай Америе Ириегбү Ози Итем хэмээх нэгэн жижиг тосгонд (Африкийн Нигериа улс) төрснөөр 22 жилийн өмнө эхэлсэн билээ. Миний эцэг эх хэдийгээр баян чинээлэг хүмүүс байгаагүй ч миний өвөөгөөс уламжилж ирсэн 42 гектар талбай бүхий газрыг эзэмших хувь завшаан тохиосон. Гэвч энэ нь манай гэр бүлийн түүхэн дэх хамгийн хар мөртэй түүхийг авчирна гэж хэн ч бодоогүй. Миний аавд түүний ойрын болон холын хамаатнууд нь үргэлж атаархаж, хорсдог байсан. Магадгүй энэ нь түүний эзэмшиж байсан том хэмжээний газраас үүдэлтэй байсан байх л даа.
Бид аз жаргалтай гэр бүл байлаа. Бид эхээсээ 4-үүлээ Лове, Маргарет, Емманүел, Чиниере 4 эгч дүүс байлаа. Миний эцэг эх анхны 2 охидоо төрүүлээд 14 жилийн дараа гэрийн ганц хүү болсон намайг болон миний охин дүү Чиниерег төрүүлсэн юм. Бид маш аз жаргалтай гэр бүл байсан, гэвч энэ аз жаргал эхний гай тотгор манай гэр бүлд тохиолдох хүртэл удаан үргэлжилсэнгүй. Миний хайртай ээж гэнэт нас барав. Хүмүүс ярихдаа түүнийг мэрэг төлөгчийн хараалаас болж нас барсан гэдэг. 4 жилийн дараа аав минь бас л жужу хэмээх мэрэг төлгийн хараалаас болж нас барав. 2 жилийн дараа миний том эгч Лове гэнэт нууцлаг байдлаар алга болж, удалгүй хоёр дахь эгч Маргарет маань сэтгэл мэдрэлийн өвчтэй болов. Эмгэнэлт явдлууд манай эгэл жирийн гэр бүлийн минь амьдралд хойно хойноосоо цувран ирсэн юм. Дараа нь би дүүтэйгээ хамт өвөө эмээгийндээ ирэв. Тэнд би бага сургуулиа төгсөж, Итемийн дунд сургуулд элсэн орсон юм. Би 3-р анги хүртлээ уншиж сурсан боловч санхүүгийн гачигдлаас болж аажимдаа сургуулиас гарав. Гэтэл удалгүй эмээ өвөө маань нас барж, оршуулгын дараа охин дүүгийн минь үл таних хүн авч явсан учраас өдийг хүртэл би түүний сургийг гаргаж чадаагүй. Дараа нь би надад хандаж байсан хэрцгий хандлагаас болж аавынхаа гэр уруу 13 настайдаа буцахаас өөр аргагүй болсон юм. 13 настай хүүхэд яаж өөрийн эцгийн дайснуудын дунд өөрийгөө тэжээж авч явж чадах вэ? Би маш их айдас дунд амьдарч байв. Амьдралын минь энэ үе намайг үхэн үхтлээ бусдаас айх айдастай болгосон. Намайг хайхарч тоодог хүн бий юу? Бяцхан хүүгийн эмгэнэлт хувь заяаны талаар санаа тавьдаг хүн байна уу?
Нэгэн өдөр би бага ангидаа хамт сурч байсан Чинедум Онвукветэй дайралдсан юм. Чинедум намайг маш их хайрладаг байсан бөгөөд надад тохиолдсон зүйлийг сонссоны дараа түүний эцэг эх нь намайг өөрсдөд дээрээ авч халамжлахыг зөвшөөрсөн юм. Амьдрал хэвийн байдалдаа эргэн оров. Тэд надад сайхан ханддаг байлаа. Би дахин аз жаргалтай болсон. Би бодохдоо Дарь Эх намайг тэнгэрээс харж үзэж байна, надад шинэ эцэг эх өгсөн юм байна гэж бодож байлаа (орч. өргөж авсан гэр бүл нь католик шашинтай байсан бололтой). Энэхүү аз жаргалтай амьдралдаа би 2 жил жаргасан, гэтэл диавол ахин амьдрал уруу минь довтолж эхлэв.
Чинедум аав ээжтэйгээ хамт Умиахиа хот уруу машинаар аялж явахдаа хүрэн өнгийн хад чулуунууд ачсан машинтай мөргөлдөж газар дээрээ бүгд нас барав. Энэ мэдээг сонсоод би ухаан алдан унасан. Миний уй гашуу үгээр илэрхийлэхийн аргагүй байлаа. Оршуулгын ёслол дээр мод хагалах, ойр зуурын юманд туслах гэх мэтээр арайхийн оршуулгын ёслолыг өнгөрөөсний дараа аавынхаа гэр уруу дахин буцан очив. Тэнд би амьд үлдэхийн тулд энэ тэндхийн аар саар ажил олж хийж эхлэв.
Би ногооны талбай, загасны ферм гэх мэт янз бүрийн ажил хийж байв, нэгэн өдөр манайхтай ойролцоо амьдардаг нэгэн хүн намайг ферм дээрээ хөлслөн ажиллуулахаар тохиров. Ферм дээр байхад тэр надаас янз бүрийн асуултаар зовоодог байв. Эхлээд тэр надаас эцгийнхээ газрыг үзүүлээч гэв, дараа нь тэр өөртэй нь ямар ч садан төрлийн холбоогүй хүнд газраа өгөхийг хүсэв. Мэдээж би хоёуланд нь татгалзсан хариу өгсөн учраас тэр надад маш их гомдсон. Дараа нь тэр намайг ойд байхад ална гэж сүрдүүлэв. Би айсандаа тусламж дуудан хашгирсаар зугтав. Гэвч шигүү ойд Бурханаас өөр надад туслачихаар өөр хэн ч байсангүй. Тэр миний хойноос хутгаа барьсаар элдэн хөөж, түүнээс би нас залуу байсан тулдаа хурдан зугтсан. Тэгж байтал би санамсаргүй 1.82 метрийн гүнтэй нүх уруу унаж миний дээрээс өвс далдалсан байсан учраас хэн ч олж харахааргүй байлаа. Тэр намайг нилээн хайж байснаа олж чадахгүйгээ мэдээд буцав. Түүнийг явсны дараа би арайхийн нүхнээс гарч, өөр замаар тосгон уруугаа буцав. Би тосгоны ахлагч нарт энэ тухай хэлсэн боловч хайхарч халамжлах хүнгүй өнчин хүүгийн хэргийг хэн ч хэрэгссэнгүй. Энэ явдал миний зүрхэнд маш их үзэн ядалтыг төрүүлсэн. Хэн ч намайг хайрладаггүй, хэн ч намайг хайхардаггүй, намайг эцэг эхгүй өнчин гэдгийг мэдсээр байж яагаад намайг алахыг хүсч байгааг би оюун бодолдоо түмэн удаа бодов, амьдрал гэдэг бол тэр чигээрээ гамшиг зовлон. Тэр үед Бурхан намайг амиа хорлохоос хамгаалж байсныг би мэдсэн. Би Христийн сүмд явж эхлэн тосгондоо байдаг Assemblies of God church сүмийн бүрэн гишүүн болсон боловч \одоо ч хүртэл\ миний амьдралын тухай мэдсэн зарим хүмүүсийн хэн нь ч намайг хайхардаггүй байлаа. Би Есүс Христийн авралын тухай мэдэлгүйгээр энэ сүмийн бүрэн гишүүн болсон байснаа би хэлэх хэрэгтэй. Би Сүнсээр дахин төрөх гэж юу байдгийг мэддэггүй байлаа. Хэрэв та надтай адил ийм байдалд орж байсан бол Есүс Христэд амьдралаа өгөөрэй. Учир нь библид “Тэр та нарын төлөө санаа тавьдаг учраас бүх зовнилоо Түүнд үүрүүл” гэж хэлсэн байдаг (1Петр 5:7).
Энэ бүх зовлон бэрхшээлийн дундаас Алис гэнэт гарч ирэв! Алис бол надтай хамт нэг ангид сурч байсан охин бөгөөд тэр надаас 5 насаар эгч байсан юм. Бид сургуульд байхдаа хамт нэг ширээнд суудаг, цагийг хамт өнгөрүүлдэг сайн найзууд байсан. Бид сургуулийнхаа энэ үерхлийн үед хэзээ нэгэн цагт том болохоороо гэрлэцгээнэ гэж бие биедээ ам тангараг өргөсөн юм. Ёстой хүүхдийн гэнэн цайлган сэтгэл байж! Эцэг эхгүй өнчин, ямар ч боловсролгүй, амиа зогоох хоол хүнсээр дутмаг 11 настай хүүхэд өөрөөсөө 5 эгч хүнтэй сууна гэж амлаж байдаг! Алис сүүлд сургуульд байхдаа Акуре уруу нүүсэн учраас над уруу “хайрын” захиа үргэлж явуулдаг байлаа.
Энэ удаа Алистай уулзахад би 15-тай, Алис 20-той байлаа. Тэр сургуулиа төгссөнийхөө дараа эцэг эхийнхээ амьдран суудаг Лагос хотын Стандарт Банкинд ажилд орсон байлаа.
Алис надад тохиолдсон бүх зүйлийн тухай мэдсэний дараа миний гай зовлон надад ахин нэг боломжийг өгөв. Тэр надад Лагос уруу нүүж ирэхийг ятгаж, надад байрныхаа хаягийг нилээн хэдэн зардлын мөнгөтэй хамт өгөв. Амьдралдаа тийм их мөнгө атгаж үзээгүй 15 настай миний хувьд энэ бол үнэхээр их аз завшаан байлаа! Тэнгэрээс ирсэн энэ манна надад Лагос гэдэг бол амьдралдаа олж болох сайн сайхан амьдрал, их мөнгөний газар гэсэн сэтгэгдэл төрүүлсэн юм. Би Лагос уруу явж, баян болох ёстой гэж бодож байлаа. Лагос уруу явах нь өөрийн ядуу тарчиг амьдралаасаа зугтах нэгэн арга зам байлаа. Өөрийн эцгийн дайснуудаас зугтах, өлсгөлөн амьдралаасаа зугтах, амьдралынхаа бүх асуудлаас зугтах ганцхан арга зам байлаа. Зугтах! Зугтах! Тийм ээ, бүх л муу муухай зүйлүүдээс зугтах гарц байлаа! ! !
2-р бүлэг: Ёслол
« Хүнд зөв мэт санагдавч төгсгөл нь үхэл уруу хөтөлдөг зам байдаг » Сургаалт үгс 14:12
« Гэвч нүгэлтнүүд нь шидлэн давалгаалах далай мэт юм. Учир нь далай бол дөлгөөн байж чаддаггүй, ус нь хог, шавар шидлэн гаргадаг билээ. Хилэнцтэнд амар амгалан байхгүй" гэж миний Бурхан айлдаж байна » Исаиа 57: 20-21
Есүс Христийг мэддэггүй хүний амьдрал яг л дээрх ишлэлд хэлсэнтэй адил юм. Би Алисын өгсөн мөнгийг түүний өгсөн хаягтай хамт эрх чөлөө, аз жаргал уруу зугтахаар тосгоноо орхин одов. Гэвч та энэ түүхийн төгсгөлд миний зүрх сэтгэлдээ бодож хүсч байсан бүгд минь эндүүрэл байсныг мэдэх болно. Лагост ирэхэд нүдний минь өмнө бүх л зүйл сайхан харагдаж байлаа, надад яг л диваажин мэт санагдаж байв. Өндөр өндөр барилгууд, аз жаргалтай инээмсэглэх хүмүүс надад тэгж л санагдаж байв. Хүн бүр ажил албан уруугаа яарсан завгүй гудамжнууд хөлхөлдөнө. Миний сэтгэл маш их догдолж одоо л би эрх чөлөөтэй болох нь гэж бодож байлаа!
Би Викториа Исланд, Акинтола Өргөн чөлөөн дэх хаягаар ирэхэд Алис болон эцэг эх нь угтан авав. Бид нэг тосгоноос гаралтай учраас тэд миний үндэс угсааг мэддэг байсан боловч охинтой нь чухам ямар холбоотойг мэдээгүй байлаа. Алис намайг танилцуулахдаа хамтран амьдран суух ханиа болгон авсан гэж хэлэв. Үүнийг сонсонгуут эцэг эх нь шоконд орж нилээн хэсэг ярилцсаны эцэст зөвхөн миний боловсролын тал дээр дэмжлэг үзүүлсний эцэст зөвшөөрөл өгнө гэж хэлэв. Алис үүнийг эрс эсэргүүцэж, намайг өөрийн байрандаа аваачиж хамт амьдарна гэж зүтгэв. Эцэг эх нь зөвшөөрөөгүй боловч Алис шалсаар байлаа. Тэд 4 өдөр хүчтэй маргалдсаны эцэст ямар нэг үл ойлгогдох шалтгаанаар тэд намайг Алистай хамт амьдрахыг зөвшөөрөв.
Маш үзэсгэлэнтэй Алис өөрийгөө Стандарт Банкинд нягтлангаар ажилладаг учраас намайг бүхий л хэрэгцээтэй зүйлүүдээр хангаж, баян болгоно гэж амлаж байв, намайг зөвхөн “Энэ амьдралдаа тайвшраад хүссэн бүхнээ хийж, жаргах хэрэгтэй” гэж хэлж байв. Лагосын талаарх миний анхны сэтгэгдэл үнэн байлаа. Хэдхэн сарын өмнө би өөрийн жижиг тосгондоо үзэн ядалт, өлсгөлөн, зовлонгоор хүрээлэгдсэн оромжинд амьдарч байсан бол энд Лагост би баян тансаг том хотод, үзэсгэлэнтэй эхнэртэй хамт тансаг байранд надад энэ дэлхий дээрх миний хүсч болох бүгдийг өгнө гэж амлаж байгаа хүнтэй хамт амьдарч байлаа. Тэр намайг бэлэг дурсгал, мөнгө, хувцас, “хайраар” бялхуулж байлаа. Хүн амьдралдаа эдгээр “сайн сайхан бүгдийг” эдэлдэг гэж би хэзээ ч бодож яваагүй. Диавол бол үнэхээр мэхлэгч юм. Библид “Хулгайч зөвхөн хулгайлан, алж, сүйтгэхээр ирдэг. Би тэднийг амьтай, бялхсан амьтай байлгахын тулд ирсэн юмгэж тодорхой хэлсэн байдаг” (Иохан 10: 10). Эрхэм уншигч минь, диаволд үнэгүй бэлэг гэж байхгүй. Хэрэв тэр чамд бэлэг өгч байгаа бол чиний сүнсийг хүсч байна гэсэн үг. Энэ аз жаргал маань удаан үргэлжилсэнгүй, 3 сарын дараагаас хачин жигтэй зүйлүүд тохиолдож эхлэв.
Үл ойлгогдом үйл явдлууд
Нэгэн шөнө дундын үеэр намайг сэрэхэд хажуудаа би аварга том могой хэвтэж байгааг харав. Би хашгирахыг оролдсон боловч дуу гарсангүй. Бас нэг шөнө хажуудаа хэвтэж байгаа Алисын биеийг тунгалаг, целлофан шиг нэвт гэрэлтэж буй биет болон хувирахыг харав. Бас нэгэн шөнө Алис гэнэт алга болж дахин гарч ирж байв. Заримдаа би зочны том өрөөнд хэн нэгэн дуулж, хашгирч буй чимээг сонсдог байв. Би энэхүү сонин чигтэй аймшигтай үзэгдлүүдийг тэвчиж чадахаа больж нэгэн өдөр Алисаас асуухаар шийдэв. Гэтэл намайг асуусан даруйд тэр маш их уурлаж хэрэв дахиж энэ тухай ярих юм бол чамтай хатуу яриатай шүү гэж анхааруулав.
Яагаад ч юм бэ миний амьдрал аюултай байдалд орсныг би мэдэв. Зовлонт амьдралтай тосгондоо байсан минь дээр байж дээ гэж би бодох болов. Би түүнээс айх болов. 2 өдрийн дараа тэр над дээр бэлэг барьсаар инээмсэглэсээр хүрч ирэв. Тэр надад ямар их хайртайгаа хэлээд ямар ч юмнаас айх хэрэггүй, цаг нь болохоор бүх зүйлийг тайлбарлаж өгнө гэв. Дараа нь тэр намайг шөнийн клуб уруу дагуулан явж, тэнд байж байхдаа намайг баян болгоно гэж дахин дахин амлаж байв, “НЭГ Л ӨДӨР ЧИ МИНИЙ МЭДДЭГ БҮХНИЙГ МЭДЭХ БОЛНО” гэж хэлж байв. Бид тэндээс гэртээ эргэж ирсний дараа бүх зүйл урьдынх шигээ хэвэндээ оров. Дотроо би Алисаас айх айдастай, хаачихаа ч мэдэхгүй, хаашаа хэрхэн яаж зугтахаа ч мэдэхгүй байлаа. Алисын эцэг эх нь тэдний үзэсгэлэнт, залуу охин нууцлаг зан үйлийн нэгэн шашны секттэй маш нягт холбоотой болсныг мэддэггүй байсныг энд дурдах хэрэгтэй. Хэрэв намайг эцэг эхэд нь хэлвэл амь насанд чинь аюултай гэж сүрдүүлдэг байв. Та төсөөлж байна уу, 20-хан настай охин эл бүх зүйлтэй холбогдсон байсныг. Түүнийг гаднаас нь харахын бол том банкинд ажилладаг гэмгүй, үзэсгэлэнтэй охин шиг гэвч дотроо тэр биелсэн ад чөтгөр байлаа. Та энэ түүхийн төгсгөлд энэ дэлхий дээр олон Алисууд байдгийг олж мэдэх болно.
Аймшигтэй нээлт
Нэгэн өдөр түүнийг ажилдаа явсны дараа би өрөөнүүдийг нэгжихээр шийдэв. Түүний байр маш сайхан тавилгууттай байлаа. Түүнд 4 хөргөгч байсны нэгийг нь онгойлгоход хүний гавлын яс, шинэхэн бас хуучин хүний биеийн эрхтнүүд байв. Таазны дээд хэсэгт хүний араг яснууд байв. Бас нэг өрөөний буланд цусыг дүүртэл нь хийсэн сав ба савны голд байх жижигхэн мод мөн улаан даавуугаар хучсан хулуун сав байв. Би цааш үргэлжлүүлж чадсангүй. Би одоо аль хэдийн үхсэн хүн болсон бөгөөд надад хаашаа ч зугтах газаргүй болохыг ойлгов. Одоо миний өмнө амь эсвэл үхлийг сонгох сонголт болон насан туршдаа амаа үдсэн мэт явах сонголтын хамт л үлдсэн байв. Алис ажлаасаа ирэхэд түүний харцнаас тэр намайг гэрт нь юу хийж байсныг аль хэдийн мэдсэн харцыг олж харлаа.
Нууцат шашны зан үйлтэй танилцсан нь
Дараачийн өдөр тэр намайг нэгэн уулзалтад дагаж явахыг хэлэв. Би аль хэдийн хавханд орсон байсан бөгөөд надад ямар ч сонголт байсангүй. Бид Лагосын захад байх нэгэн том барилгын хажууд ирэв. Бид уг барилгын доор орших нэгэн том заал уруу орохдоо Алисын зааварласнаар хаалгаар нуруугаа харуулан оров. Заал асар том хэмжээтэй бөгөөд лав 500-аад хүн тойрог болон суусан байх бөгөөд тойргийн голд Удирдагч гэж нэрлэх нэгэн биегүй толгой залран сууж байв. Эдгээр хүмүүсийн зарим нь оюутан хүн байх бөгөөд зарим оюутны амьдралаа төгсөж байгаа хүмүүс, зарим нь багш хүмүүс байлаа. Алис хананд байх нэгэн товчин дээр дарахад шалны дороос нэгэн сандал гарч ирэхэд намайг суу гэж хэлэв. Дараа нь Алис өөрөө мөн адил үйлдлээр нэгэн сандал дээр суув. Алис намайг цугласан бүх хүмүүст хандан шинэ гишүүн хэмээн танилцуулахад намайг алга ташин угтан авав. Алис үүний хариуд ямар нэг шагналаар шагнуулахаар болов. Цугларалт дээр яригдсан бүгдийг би ойлгосонгүй. Цугларалт тарж хүмүүс гарч явах үед Удирдагч намайг дараачийн өдөр ганцаараа дахин хүрч ирэхийг хэлэв. Нууцлаг шашныхантай танилцсан анхны уулзалт маань ийм байлаа.
Тэр шөнөдөө 2 цагт (энэ бол харанхуйн хүч болон түүний төлөөлөгчдийн хуран цугларч, үйл ажиллагаагаа явуулдаг цаг юм) Алис намайг сэрээгээд тодорхой хэдэн зүйлүүдийн тухай ярьж эхлэв. Тэр хэлэхдээ “Би бол жирийн хүн биш. Би бол хагас хүн бас хагас сүнс, гэхдээ ихэвчлэн сүнслэг байдалтай. Тэр өрөөний буланд чиний харсан зүйлүүд бол өглөөд миний залбиралдаа ашигладаг зүйлүүд бөгөөд сүнснүүд над дээр ирж тэр өдрийн турш намайг удирдан дагуулдаг. Хүний гавлын ясны тухайд би чамд дараа хэлэх болно гэв.
Би нэг ч үг дуугарсангүй. Тэр надад нууцат зүйлүүдийн тухай бичсэн хэдэн ном өгөхөд би сонирхол хөдөлсөндөө уншихаар шийдэв. Удалгүй би номын амтад ороход Алис намайг сонирхож байгааг минь мэдэж, надад мэдэгдэлгүйгээр миний нэрийг Энэтхэгийн нууцат шашны нийгэмлэг уруу явуулсан байв. Дараачийн өдөр болоход зааврын дагуу би цугларалтад очиход надаас гадна 9 шинэ хүн, хэдэн гэрч нар байсан бөгөөд биднийг гишүүн болгох ёслол хийлгүүлэв. Биднийг заалны голд дуудан гаргаж, дараахь зүйлүүдийг хийв.
1. Замаасак шиг өнгийн саарал нунтгийг бидний бие дээр түрхэв. Энэ нь гишүүн болж байгаагийн илэрхийлэл гэв.
2. Тос шиг амттай нэгэн шингэнийг жижигхэн хундагаар уулгасан нь нууцлаг шашны төлөөлөгч болж байгааг илтгэж байгаа гэсэн үг гэв.
3. Дараа нь бидний толгойг бууны дарь шиг юмаар түрхсэн нь тэдний нууцат зүйлүүдийг танин мэдэхийн тулд ажээ.
Энэхүү ёслолын үйл ажиллагааг надад мэдэгдэлгүйгээр Энэтхэгт бичиж тэмдэглэсэн байсан бөгөөд дараачийн өдөр би тэднээс нэгэн захиа хүлээж авав. Энэхүү захианд уг захиаг би өөрийнхөө цусаар тамгалж, тэдний Шуудан гэж нэрлэж байгаа гэхдээ энэ нь жинхэнэ Шуудангийн газраар дамжуулж биш зүйлээр дамжуулан илгээх ёстой байв. Би зааврын дагуу хийж тэдэн уруу буцаан илгээв. Энэ цагаас эхлэн надад эргэж буцах ямар ч зам байхгүй, хэрэв эргэж буцвал үхэл гэдгийг мэд гэж надад хэлж байв. Надад одоо ямар ч итгэл найдвар байхгүй гэдгийг би мэдэж байлаа.
Алистай хийсэн гэрээ
Маргааш өглөө нь Алис надад бид нэгэн чухал ёслолыг үйлдэх ёстой гэв. Шөнийн 2 цагт тэр нэгэн мөлхөө бяцхан хүүхэд авчрав. Алис миний нүдний өмнө .... (орч. энэ ёслолыг үйлдэхийн тулд хүүхдийг хэрцгийлэн алж, цусыг нь ууж, эрхтнүүдийг нь иддэг ажээ. Уг ёслолын талаар дэлгэрэнгүй бичээд хэрэггүй биз ээ). Алис надад энэ ёслол бол бидний дунд хийгдэж буй мөнхийн гэрээ. Хэрэв чи өнөөдрийн үзэж харж, хийсэн зүйлүүдээ хэн нэгэнд ярих юм бол чиний амин сүнс таслагдах болно гэв. Энэ нь би гэрээг эвдсэн өдрөө үхэх болно гэсэн утгатай байлаа.
Энэ ёслолоос хойш би дотроо ямар нэг сонин зүйлийг мэдрэх болов. Би өөрчлөгдөж өөрийгөө хянаж чадахаа больсон байв. Ээжүүдэд би сануулж хэлэхийг би хүсч байна. Та гэртээ байгаа хүүхэд асрагч эсвэл гэрийн туслагчаа хэн бэ гэдгийг нь мэдэх үү? Та түүний гэр бүл, удам угсаа гэх мэт амьдралынх нь талаар мэддэг үү? Та хүүхдээ итгэж даатгах хүн гэдэгт нь итгэдэг үү? Алис тэр хүүхдийг хаанаас, хэрхэн олсон юм бол гэж та бодож байгаа байх? Тийм учраас эцэг эхчүүдээ гэртээ байгаа гэрийн туслагч, асрагчийн талаар аль болох олон зүйлийг олж мэдэх хэрэгтэй.
Алис намайг энэхүү шашны сектэд бүрэн оруулсныхаа дараа намайг сүнслэг зүйлийн тухайд хурдан өсч байгааг минь хараад надад нэгэн байр худалдан авч өгч, маш сайхан тавилгууд тавьж, цаашдын харилцаагаа улам гүнзгийрүүлэв.
Энэтхэг дэх гэрээ
Дели дэх нууцлаг шашны нийгэмлэг над уруу 2 дахь захидлыг илгээв. Түүн дотор намайг Энэтхэг уруу ирж, бас нэгэн ёслолыг үйлдэх ёстой гэсэн байв. Энэхүү ёслол нь “хүний ялгадсыг идэж, өмхийрсөн харх идэж, оршуулгын газар шөнөөр сүнснүүдтэй бэлгийн харилцаанд орох” гэсэн байв.
Дээрх зүйлүүдийг хийсний дараа би дахин хэзээ ч дэлхийн хүүхнүүдтэй бэлгийн харилцаанд ороогүй. Би захидлын хариунд Энэтхэг уруу очих виз болон хэрхэн яаж очих тухайгаа мэдэхгүй байгаагаа хэлэв. Энэ цагаас эхлэн би “бизнес” хийж эхлэв. Би хууль бус наймаа хийж эхэлсэн бөгөөд мэдээж миний ард байгаа сүнслэг хүч чадлын улмаас надад гаалиар нэвтрэхэд хэцүү байсангүй.
Би маш их мөнгөтэй болж, хоол хүнс, эд материалаар дутагдаж гачигдахаа болив. Нэгэн өдөр би гэрээ цоожлон гадагш гарчихаад эргэж ирэв. Хаалгаа нээтэл зочдын өрөөнд нэгэн хүн сууж байв. Би маш их айв. Тэр “Чи Емманүел Амос мөн үү? гэж асуухад нь мөн гэв. “Би чамайг Энэтхэг уруу аваачихаар ирлээ. Явахад бэлтгэ” гэв. Би бүх өрөөнүүдээ шалгаж түгжсэний дараа түүний сууж байсан креслоны хажууд түүний дараагийн тушаалыг хүлээн суув. Гэтэл тэр надад хүрэнгүүт бид цахилгаан цахих мэт нэг секундын дотор алга болцгоов.
Миний дараачийн харсан газар Энэтхэгийн Дели дэх нэгэн том өрөөний зааланд биднийг хүлээн сууж буй олон хүн байлаа. Тэд миний нэрийг бичсэн нэгэн хавтас гаргаж ирээд намайг гарын үсгээ зур гэж хэлэв. Би гарын үсгээ зурав. Хүний махыг цусанд хөшиглөж хийсэн нэгэн савыг тавиур дээр барьсаар авчрав. Хүн болгон хоосон аяга барьж суусан бөгөөд нэгэн толгойгүй бие хүн бүрийн аяга уруу цустай махыг аягалан өгөв. Янз бүрийн утлага, лаануудыг бас асаасан байлаа. Толгойгүй бие ямар нэгэн шившлэг уншсаны дараа хүн бүр цустай махнаас идэж дууссаны дараа цугларалт тарав.
Энэтхэгт хийсэн ёслол
Одоо миний туршилтын үе эхлэв. Намайг 200 метрийн гүнтэй хөндий уруу илгээв. Тэнд би янз бүрийн аюултай гүрвэл, зэрлэг амьтдын дунд намайг байлгав. Тэд намайг тамлан зовоохоор томилогдсон байв. Хэрэв би шалгалтад унавал ҮХЭЛ-тэй тулгарах байлаа. Тамлал зовлонгоор дүүрэн 7 хоногийн дараа би “Энэтхэгийн ширэнгэн ой” уруу аваачигдав.
Энэ ширэнгэн ойд би маш олон төрлийн чөтгөрийн шувуудыг олж харсан. Тэдний зарим нь нохой шиг нүүртэй, зарим нь муур шиг гэх мэт янз бүрийн хэлбэр төрхтэй, бас далавчтай байв. Ширэнгэн ойд нэгэн агуй байсан бөгөөд энэ агуйг зөвхөн чөтгөрийн шувууд онгойлгож байв. Тэд агуйг онгойлгож намайг дотогш оруулав. Дотор ороод харсан зүйлүүдийг үгээр илэрхийлэхийн аргагүй. Тэнд аймшигтай төрхтэй амьтад, хүн шиг мөртлөө сүүлтэй, гэвч царай нь хүнийх шиг биш байв. Энэ бол тамлал зовоолтын бас нэг шалгуур байв. Энэ газрыг хагас там гэж нэрлэхэд болно. Энд бас дахин 7 хоногийг ухаантай ухаангүйн хооронд өнгөрөөв.
Дараа нь намайг нууцлаг зүйлүүдийн тухай судлах нэгэн том номын сан уруу авчрав. Би тэндээс 2 номыг сонгон уншив: Сүйрэл хэмээх нэртэй “Аббисиниа”, нөгөөх нь амь ба эдгэрлийг өгөх “Ассина” гэдэг нэртэй ном байв. Дараа нь надад унш гэж хэд хэдэн ном өгөв. Дараа нь тэд надад Нигериа уруу гэртээ харихдаа дараахь зүйлүүдийг агуулсан нэгэн нууцлаг өрөө бэлтгэ гэв. Энэ нь нутгийн хүмүүсийн хэрэглэдэг усны савыг хүний цусаар дүүргэж, дотор нь нэгэн мод суулгана, мөн савны хажууд хүний гавал, тас шувууны өд, зэрлаг амьтны арьс, аварга могойн арьс, нэгэн том хад чулууг байрлуулах ёстой байв. Саван доторх хүний цуснаас өглөө бүр нэгэн шившлэгийг шившэж ууна. Хүний хийсэн ямар ч хоол идэж болохгүй, учир нь би ер бусын байдлаар өөрөө тэжээгдэх ёстой ажээ. Энэ бүх зааварчлагааны дагуу бүх зүйлийг хийсний дараа би Энэтхэгт ирсэн шигээ нутаг уруугаа буцав.
Нигериад гэртээ харьсан нь
Одоо би сүнслэг биетэй болж дэлхийн аль ч орон уруу өөрийнхөө дураар явж чаддаг болов. Миний гэртээ авч ирсэн номонд бичсэнээр сүнслэг бие бол сансарт амьдардаг. Магадгүй тэд миний хүч чадлыг улам өсгөж чадах юм гэж би бодов. Би байрныхаа гадна гарч зогсоод нэгэн шившлэг шившээд хуй салхийг дуудахад би дороо алга болов. Гэнэт би сансар огторгуйд ирж, сүнслэг биетүүдийг харав. Тэд надаас юу хүсч байгааг минь асуув. Би илүү их хүч чадалтай болохыг хүсч байгаагаа хэлэв.
Би дэлхий уруу 2 долоо хоногийн дараа хэсэг хүч чадал авсны дараа буцаж ирэв. Өмнө нь хэлсэнчлэн би өөрийгөө захирч чадахаа больсон байв. Өөрт минь байгаа энэ бүх хүч чадлаас илүү улам илүү их хүч чадлыг хүссээр байв. Тиймээс би номонд бичсэний дагуу газар дорх ертөнц уруу очиж үзэхээр шийдэв.
Нэгэн өдөр би бутнуудын дунд орж зогсоод нэгэн шившлэг шившээд газрыг миний өмнө нээгд гэж тушаав. Газар миний өмнө нээгдэж даруй диаволууд миний өмнө шат тавьж эхлэв. Би шатаар доошлон буусаар газар дорх ертөнц уруу оров. Тэнд тас харанхуй, библид Египетийн гамшгийн үеэр дүрслэн хэлсэнтэй адил түнэр харанхуй ноёрхож байв. Тэнд би үгээр илэрхийлшгүй зүйлүүдийг үзэж харсан. Тэнд хүмүүс гинжлэгдсэн байх бөгөөд тэр хүмүүс өөрийг нь барьж хүлж байгаа харгалзагч нарт мөнгө олж өгөхийн тулд өдөр шөнөгүй зүтгэж байв.
Тэнд бас нийгмийн элит хүмүүс ирсэн байх бөгөөд тусгай өргөл өргөснийхөө дараа дэлхий уруу буцаж тусгай газар нутгийг захирах эрх мэдлийг хүлээн авч байв. Мөн сүмийн удирдагч нар тодорхой хүч чадал хүлээн авахын тулд ирсэн байх бөгөөд тэгснээр сүмийн гишүүд нь ямар ч үг дуугүйгээр түүний хэлснийг хүлээн зөвшөөрөх эрх мэдлийг хүлээн авч байв. Тэнд би 2 долоо хоног байж, улам олон хүч чадал хүлээн авсныхаа дараа эргэж ирэв. Хүмүүс намайг залуу, гэм зэмгүй нэгэн гэж боддог байсан боловч дотроо би маш аюултай хүн байлаа. Миний эргэн тойронд маш олон хүмүүс байдаг байсан ч зөвхөн Есүс Христэд итгэсэн хүмүүс л жинхэнэ бодитой аюулгүй хамгаалалтад байдаг байв... үргэлжлэл бий ...

Seek God

2010-08-24T22:35:00.003Z

Бурхан Өөрийг нь эрэн хайгчдыг хайдаг. Шастирын дэд 16:9 “Учир нь Өөрт нь бүрэн зориулсан зүрх сэтгэлтэй хүмүүст хүчтэй дэмжлэг болохоор ЭЗЭНий мэлмий дэлхий даяар хойш урагшаа хэрэн явдаг юм.”
Дуулал 14:2 “ЭЗЭН тэнгэрээс хүний хөвгүүд уруу өнгийн харсан нь ойлгодог, Бурханыг эрэн хайдаг хүн байгаа эсэхийг харахын тулд юм.”
Дуулал 53:2 “Ухаардаг, Бурханыг хайдаг хүн байгаа эсэхийг үзэхээр Бурхан хүний хөвгүүд уруу тэнгэрээс өнгийн харжээ.”
Иохан 4:23 “Харин үнэн мөргөгчид нь сүнсээрээ, үнэнээр Эцэгт минь мөргөх цаг ирж байгаа бөгөөд одоо ирчихээд байна. Учир нь Эцэг Өөрт нь ийнхүү мөргөгчдийг эрж байна.”
Түүнийг эрэн хайвал олдоно гэж амласан. Дэд хууль 4:29 “Харин тэндээс чи өөрийн Бурхан ЭЗЭНийг эрэх болно. Хэрэв чи Түүнийг бүх зүрхээрээ, бүх сэтгэлээрээ эрвэл олно.”
Иеремиа 29:12-14 “"Та нар Над уруу дуудаж, ирж, Над уруу залбирахад, Би та нарыг сонсоно. Та нар Намайг хайх бөгөөд бүхий л зүрхээрээ Намайг хайвал олно. Би Та нарт олдоно" гэж ЭЗЭН тунхаглаж байна.”
Шастирын дээд 28:9 “Хэрэв чи Түүнийг хайвал, Түүнийг олно. Харин чи Түүнийг умартах аваас, Тэр чамайг мөнхөд орхино.”
Дуулал 9:10 “Таны нэрийг мэддэг хүмүүс Танд итгэлээ өгөх болно. Учир нь Өөрийг тань эрэн хайгчдыг, ЭЗЭН, Та орхиогүй.”
Сургаалт үгс 8:17 “Намайг хайрлагсдыг би хайрлана.Намайг хичээнгүйлэн хайдаг нь намайг олно.”
Матай 7:8 “Гуйдаг хүн бүр авна, эрж хайдаг хүн олно, тогшдог хүнд нээгдэнэ.”
Иаков 4:8 “Бурханд ойртогтун. Тэгвэл Тэр та нарт ойртоно. Нүгэлт хүмүүс та нар гараа цэвэрлэ. Хоёр санаатай хүмүүс та нар зүрхээ ариусга.”

God's word will not return empty "Isaiah 55:11"

2010-08-23T08:32:00.016Z

God has not promised there will always

be sunshine in our lives,

but He has promised that His light

will always be before us.

He has not promised we will never feel lonely,

but He has promised that in Him

we will never be alone.

He has not promised that we will be free

from pain and sorrow,

but He has promised He will be our help,

our strength, our everlasting peace.

No matter what happens in our lives,

we can believe fully in His promise...

we can rest confidently in His love.

May He bless you and keep you in His caring love!

Таны амьдралд нууцлагдсан хараал

2010-08-04T00:04:00.017Z

Найз минь, чиний амьдрал, чиний итгэл, чиний явж буй сүм чуулган, найз нөхөд бүх зүйл болж бүтэж байгаа юм шиг санагддаг уу? Чи сүм дээрээ очоод урам зориг оруулсан сургаал сонсож, хүч чадалтай пастораас тослогоо авч, библиэс суралцан, олон хүний төлөө гар тавин залбирч, Бурханыг зүрх сэтгэлээрээ магтан дуулж, тэр ч байтугай хүч чадалтай тосолгоон дор унаж, гайхамшигтай амлалт эш үзүүллэгүүдийг өөр дээрээ хүлээн авч.....
Гэвч гэртээ харьсны дараа чиний амьдралд хэлэгдсэн тэдгээр бүх сайн зүйлүүд чиний амьдралд биелэхгүй мэт санагдаж итгэл найдвар чинь мөхөн алга болно.
Яагаад энэ вэ? Та бүх л зөв зүйтэй, өөрөөсөө хийх шаардлагатай гэсэн бүх л зүйлүүдийг хийж байхад яагаад энэ вэ? Та магадгүй итгэлээрээ бат тунхаглан, “үрийг” тарин, сайн өргөлүүдийг өргөж, Бурханы танд өгсөн амлалтуудыг тунхагласаар байтал яагаад энэ вэ?
Яагаад гэвэл та өнөөдөр олон хүнд тулгардаг таны амьдралын үндэс суурьт таригдсан асуудлыг шийдээгүйгээс ийм байдалд хүрч байна.
Хэрэв та Бурханы ивээлийг амьдралдаа үнэхээр хүлээж авахыг хүсвэл олон хүмүүсийн зааж сургадгаас өөрөөр энэ нь зөвхөн үрийг тариад байх нь хангалттай биш юм, харин таны амьдралд бодитой нөлөө үзүүлж чадах хүч чадалтай залбирлаар та өөрийн амьдралаа өөрчилж чадна.
Та бүхэнд илүү ойлгомжтой болгохын тулд би нэгэн түүхийг дурдъя.
Хэдэн жилийн өмнө би нэгэн баяр хөөртэй эгчтэй танилцсан юм. Тэр Христчин айлд төрж өссөн бөгөөд итгэгч болоод 25 жил болсон байв. Яагаад би түүнийг баяр хөөртэй хүн гэж хэлж байгаа вэ гэхээр түүнтэй уулзсан анхны өдрөөс л тэр үргэлж библиэс ишлэл татан ярьж торж түгтрэх юмгүйгээр нэг ишлэлээс нөгөө ишлэлийг иш татан ярьж байв.
Гэвч түүний хэл ярианд амжилтын тухай библийн бүхий л ишлэлүүд байсан боловч бодит амьдрал дээр тэр амьдралдаа амжилтанд хүрч чаддаггүй байв.... түүний гэр бүл, түүний санхүүгийн амьдрал, тэр ч байтугай түүний хүүхдүүдтэйгээр харилцах харилцаанд хүртэл асуудал, бэрхшээл дүүрэн байв!
Би түүнийг өөрчлөлт гаргаж чадна гэдэгт итгэсээр түүнд залбирах хэдэн залбирлууд өгөв. Тэр өдрийнхөө шөнө нь энэ эгч маань уг залбирлуудыг хүч чадалтайгаар тунхаглаж эхлэв. Гэтэл түүнд ийм нэгэн явдал тохиолджээ.
Тэрээр 4 дэх шөнөө залбирсны дараа нэгэн зүүд зүүдэлжээ. Түүний зүүдэнд нэгэн хүн өөдөөс нь ирж явжээ. Гэтэл тэр хүн санамсаргүй ямар нэгэн юманд бүдэрч, бүдрэхэд нь гарынх нь бугуйнаас цаг нь унахдаа эмэгтэйн хөлийн дэргэд унажээ. Эмэгтэй газраас тэр хүний цагийг авч өгөхдөө цагны ар талын хаалт нь унаж баттерей нь алга болсныг харжээ. Тэр үед эмэгтэй өөрийнхөө цагийг гэнэт санаж, бугуйгаа шалгахад яагаад ч юм бэ цаг нь түүний зүүн талд газар унасан байгааг мэджээ. Тэрээр өөрийнхөө цагийг газраас авахад цагны ар тал нь бас онгойсон байсан боловч баттерей нь дотроо байж байв. Гэтэл баттерейн дээр 1903 гэсэн тоо үл танигдах хэдэн үгсийн хамт бичээтэй байгааг харжээ. Эмэгтэйг цагныхаа эд ангийг буцаан хийж байх үед өнөөх хүн түүнийг зогсоож, “Чи 1903 он чамд хамааралтайг мэдэх үү?” гэж асуужээ. “Үгүй, надад мэдэх юм алга” гэж эмэгтэйг хэлэхэд өнөөх хүн түүнд “чиний үе удмын нэгэн тэргүүн 1903 онд өөрийн маш ихээр хүсч байсан нөлөө бүхий албан тушаалд хүрэхийн тулд муу сүнсний холбоосоор дамжуулан өөрийнхөө гэр бүлийн бүх амжилтыг нэгэн хорон муу наймаагаар худалдсан. Энэ цаган дээр бичигдсэн он цаг хугацаа бол тэрхүү муу сүнстэй хийсэн гэрээтэй харьцуулшгүй, энэхүү гэрээний үр дагавар үе дамжин үйлчлэн нөлөөлөх болно. Гэвч энэхүү гэрээг сүнслэгээр мэдэж үүний эсрэг тэмцэх эрх мэдлийг авсан хүн энэ гэрээг эвдэж чадна”. Эмэгтэй өнөөх хүний хэлсэн үгэнд балмагдаж, “Тэгвэл би Есүст итгэдэг шүү дээ, гэвч би энэ тухай одоо л мэдэж байна, би яаж үүнийг эвдэх вэ? гэж асуухад “1 Коринт 15:21-22-ыг хэрэглэ” гэсэн хариулт өгчээ. Эмэгтэй тэр даруй зүүднээсээ сэржээ.
Бурхан энэ эмэгтэйд амьдралынх нь үндэс суурьт нуугдсан байсан асуудлыг болон түүнийг хэрхэн яаж шийдэх вэ гэдгийг харуулсан бөгөөд энэ бол бидний амьдралын үндэс суурьт нууцлагдсан байж болох он удаан жил хадгалагдсан асуудлыг харуулж чадах үнэхээр гүн гүнзгий илчлэлт юм.
Магадгүй та намайг энэ эгчид ямар залбирлууд өгсөн юм бол гэж бодож байгаа байх. Би тэдгээрээс заримыг нь танд хэлж өгье.
1. Эзэн минь ээ, миний амьдралд байгаа нууцуудыг Есүсийн нэр дээр надад харуулах болтугай.
2. Миний гэр бүлд байгаа үл таних хүүхдүүдийн нууцыг надад Есүсийн нэр дээр илчлэн харуулах болтугай.
3. Эзэн минь ээ, миний нүдийг тэнгэрлэг илчлэлтийн зэмсэг болгон Есүсийн нэр дээр ашиглах болтугай.
Би түүнд эдгээр залбирлуудыг хэрхэн хамгийн үр дүнтэй аргаар ашиглах заавруудтай хамт өгсөн бөгөөд энэ эмэгтэй шөнө дөлөөр яг л бидний библийн баатрууд болох Давид, Нехемиа, Иеремиа, Елиша нар шиг хүч чадалтайгаар залбирсан юм.
Яагаад шөнө залбирах ёстой гэж?
Яагаад гэвэл “сүйт залуу” шөнө дөлөөр ирнэ гэж хэлсэн байдаг. Үүнд сүнслэг утга учир бий, энэ тухай би өөрийн website-д тайлбарласан байгаа (дор буй).
Уг залбирлаас дахин танилцуулахад:
4. Бурхан минь ээ миний эсрэг цугласан бурханлаг бусчуудын шүдийг Есүсийн нэр дээр хугалах болтугай.
5. Миний амьдралд байгаа Иерихог би Есүсийн нэр дээр устгаж байна.
Энэхүү залбирлууд нь ямар нэгэн бодит хүн эсвэл аливаа ямар нэгэн хүний эсрэг чиглэгдээгүй бөгөөд харин библид хэлсэнчлэн ".... эрх мэдэл, энэхүү харанхуй ертөнцийн хүчнүүд, тэнгэр дэх бузар муугийн сүнслэг хүчний эсрэг" (Eфес 6:12) бид тэмцэх ёстой гэдгийг та мэдэж байгаа байх.
Би дахин нэг жишээ дурдъя.
Нэгэн эмэгтэйд өөрийн гүн гүнзгий хайр сэтгэлээ өгсөн нэгэн залуу байжээ. Тэд гэрлээд 6 сар болж. Гэтэл яасныг бүү мэд залуу нь эхнэрээ нэг нүдээрээ ч харж чадахаа больж гэнэт салан явжээ. Тэр эмэгтэйд ямар буруу байгааг хэн ч тодорхойлж чадсангүй. Эмэгтэй мэргэжлийн хүмүүсийн зөвлөгөө хайн явав. Найзууд нь түүнийг янз бүрийн “эш үзүүлэгч нар” дээр аваачиж, 5 янзын сэтгэл судлаач, 2 физик эмчилгээний эмчтэй уулзуулав. Тэр ч байтугай гипнозын эмчилгээнд ч явжээ. Амьдралд нь юу ч өөрчлөгдсөнгүй. Тэр Бурханаас өөр нөхөр хүртэл гуйж үзэв. Ямар ч хариулт ирсэнгүй. Тэр эцэстээ бууж өгчээ. Түүний хайрыг булаах бурханлаг нөхрийг амьдралдаа хэзээ ч олж чадахгүй юм байна гэж бодох болжээ. Нэгэн өдөр түүний ажлынх нь найз сүм дээрээ Баасан гаригийн шөнийн залбиралд хүрч ирэхийг урьжээ. Залбирлын цуглаан дээр хүмүүс маш хүч чадалтайгаар залбирч байв. Гэтэл залбирагч нарын дундаас нэгэн эмэгтэй, түүний духан дээр нэгэн жижигхэн од хэлбэрийн тэмдэг байхыг харжээ. Энэ нь жирийн хүний нүдэнд үзэгдэхгүй үл үзэгдэх тэмдэг байв. Тэр даруй өнөөх тэмдгийг харсан хүн түүн дээр ирж түүний төлөө залбирч эхэлжээ.
“Есүсийн цус миний амьдралаас дургүйцэл, үзэн ядалт, гологдлын бүх бичээсийг Есүсийн нэр дээр арилгах болтугай.”
Тэд хамтдаа энэ залбирлыг 3 удаа маш хүч чадалтайгаар тунхаглан залбирч, Эзэнд талархаад дараачийн залбирлын хэсэг уруу шилжжээ.
Гэтэл тэр долоо хоногийн дотор түүний нөхөр анх удаа салснаасаа хойш анх удаагаа түүн уруу утсаар ярьжээ.
Үүний дараа залуу эмэгтэй (”Естер” маягийн залбирлаар эхлүүлэн) 12 хэсэг бүхий залбирлын хөтөлбөрийн дагуу залбирч байх үед нөхөр нь гэртээ буцан иржээ.
Хэрэв та яаж тактиктай бөгөөд зөв үйлсийг өөрөөсөө гарган залбирахыг мэдэж байвал Бурханд шийдэж чадахгүй асуудал гэж байхгүй.
"Миний ард түмэн мэдлэг дутсанаас болж тэд цөлөгдөн,
тэдний хүндэт хүмүүс нь өлсөж, олон түмэн нь цангаж үхнэ" -- Исаиа 5:13
Хэрэв та энэ тухай сонирхож байвал эндээс харна уу.
http://www.firesprings.com/
http://www.elishagoodman.org/

Prayer bullets

2010-07-27T20:26:00.001Z

За би өнөөдрийнхөө блогоор Елиша Гүүдман гэдэг хүний тухай бичий гэж бодлоо. Яагаад гэвэл энэ хүний зааж байгаа залбирлын зарчмууд миний амьдралд их тус нэмэр болж байна.
Энэ хүний түүх нь яг л та бидэнтэй адил Бурханы хүч чадлыг хэрхэн амьдралдаа авах вэ, ялангуяа залбирлынхаа амьдрал дээр хэрхэн хүч чадалтай болох вэ өөрөөр хэлбэл залбиралдаа хэрхэн хариултаа авч чаддаг болох вэ цаашлаад залбиралдаа хариулт авснаар таны амьдрал хэрхэн өөрчлөгдөж болох вэ гэдэг тухай юм.
Энэ хүн маш их залбирагч байсан, бусадтай адил мацаг барьж, библийн үгсийг амлалт болгон байнга залбирч, өөрийнхөө дотор итгэлээрээ хариултаа авлаа гэж боддог байлаа. Гэвч юу ч болдоггүй байв, өөрөөр хэлбэл зарим тохиолдолд үнэхээр хариултаа авлаа гэж боддог байсан боловч удалгүй тэр ивээл нь амьдралаас нь холдон явахыг хардаг байв. Түүний хувьд сүмд яваад Бурханыг магтан алдаршуулж, бусдын төлөө үйлчлэх төдийхнөөр амьдралаа өнгөрөөхийг хүсэхгүй байлаа. Тэр илүү зүйлийг хүсч байв. Тэр библийн түүхт хүмүүс болон тэдэнд тохиолдож байсан гайхамшигт үйл явдлуудад итгэж байсан, гэвч өөрийнхөө амьдралыг харахын бол өчүүхэн төдий амьдралаа аргацаан яваа хүн шиг харагдаж байлаа.
Гэвч нэгэн удаа найз нь түүнийг нэгэн агуу итгэгч пастортай уулзуулснаар түүний амьдрал орвонгоороо өөрчлөгджээ. Тэрхүү пасторын амьдрал гайхамшиг, тэмдгүүдээр дүүрэн Бурханыг алдаршуулсан хүн байв. Тэр хүнтэй өрөөнд нь уулзаж суухдаа нэгэн номыг олж харснаар түүний гайхамшигт амьдрал эхлэсэн гэдэг. Энэ номын гарчиг нь “Таны залбиралдаа хариулт авч чадахгүй байгаа 21 нууцлагдсан шалтгаан буюу тэдгээрийг хэрхэн шийдэх тухай” гэсэн ном байв. Тэр даруйдаа тэр номын зохиогчтой уулзахаар түүний утасны дугаар, хаягийг тэмдэглэж авав. Зохиогчтой нилээн чармайлт гаргаж байж цаг товлов. Номын зохиогчтой уулзах үедээ түүний залбирлын зарчмын нууц нь юундаа байгааг асуухад тэрээр “Елиша, би олон, олон жилийн турш Бурханы төлөө үйлчилсээр ирсэн, би өөрийнхөө амьдралыг Бурханы үг ба залбиралд гүн гүнзгий эрэл хайгуул хийж зориулсан. Бурханы Үгийг хэрэв сайтар боловсруулж залбирлынхаа үеэр хүчтэй тунхаглах юм бол гайхамшигтай үр дүнд хүргэдэг. Энэ нь яг л сансрын хөлөгтэй адил. Хэрэв чи энэ үл үзэгдэх сансрын хөлгөө залбирлаараа хөөргөлөө гэж бодоход энэ чиний бодож байснаас хавьгүй илүү хурдтайгаар Бурханы өмнө очиж, чиний залбирлын хариултыг авчрах болно....Энэхүү сансрын хөлөг буцаж ирэх замдаа дүүрэн ивээл ерөөлөөр чам уруу таталцлын хүчээр буцан ирэх болно. Энэ нь библид тасралтгүй залбир гэж хэлсний учир юм шүү дээ. Би энэ зүйлийг ойлгож эхэлснээсээ хойш миний амьдрал өнөөдрийн чиний харж байгаа энэ амжилтад хүрсиймшдээ... Тийм ээ, тэр хүний сүмд сар бүр 1535 хүн шинээр нэмэгдэж байгааг би харсан. Сүүлийн 15 жилийн турш түүний сүм ийнхүү тасралтгүй өссөөр ирсэн. Үнэхээр гайхамшигтай.
Тэрээр цааш үргэлжлүүлэн “залбиралдаа хариулт авах таталцлын хүчээр үйлчилдэг тодорхой залбирлууд байдаг. Тэдгээр залбирлууд нь сүнслэг ертөнц дэх үндсэн зарчмууд юм. Эртний сүм үүнийг хэрэглэж ирсэн боловч өнөө үед энэ нь өөрчлөгдөж, бидний мэддэгээс харин ч эсрэгээрээ болон өөрчлөгдсөн. Залбиралдаа хариулт авах энгийн арга бол таныг хариултаа авах үед Эзэн таны сүнслэг нүдийг нээхэд туслаач гэж гуйх юм.”
Тэгээд Елиша түүнд хичнээн олон жил залбиралдаа амжилтгүй байснаа хэлээд “Энэ зүйл чинь тэгээд надад бас нөлөөлөх болов уу?” гэж асуухад “чи туршаад үз л дээ” гэсэн хариулт өгчээ.
Энэ уулзалтын дараа Елиша уг зарчмыг амьдралдаа хэрэгжүүлэхээр шийджээ. Тэрээр удирдлагын авьяас чадвартаа тохирсон ажил хайж байсан боловч үргэлж тэр ажилдаа орж чаддаггүй байлаа. Ямар нэгэн саад заавал гарна, жишээ нь, тухайн ажлын тухай өнгөрсөн хойно нь мэдэх, эсвэл нэг удаа бүүр ч муугаар өөрийг нь тушаал буруулан тавьжээ. Ингээд уг залбирлын зарчмыг амьдралдаа хэрэгжүүлж эхэлснээс хойш хэдэн сарын дараа хаанаас ч юм бүү мэд хүмүүс түүн уруу утасдах болж, зэрэг зэргээрээ удирдлагын дээд албан тушаал санал болгож эхлэв. Удалгүй тэр хүсч байсан ажилдаа дөнгөж үүсгэн байгуулагдаад байсан технологийн нэгэн компанид ерөнхий менежерийн ажилд өргөдлөө өгсөн боловч түүнд гүйцэтгэх захирлын албан тушаалыг санал болгожээ. Түүний хувьд энэ бол төсөөлөхийн аргагүй тэнгэрлэг боломж байлаа. Ийм зүйл түүнд урьд өмнө хэзээ ч тохиолдож байсангүй. Тэрээр бүүр алмайрч гайхаж хоцорчээ. Энэ залбирлууд түүний бодож төсөөлж байснаас ч илүү, гайхамшигтай байв. Тэр цагаас хойш Елиша өнгөрсөн амьдралаа хэзээ ч эргэн хараагүй, хэрэв түүнд ямар нэгэн залбирлын хэрэгцээ гарвал эхлээд залбирлын төлөвлөгөө гаргаж, дараа нь залбирлынхаа хөдөлгүүрийг асаан, ажиллаж эхэлнэ... тэгээд удахгүй ирэх хариултынхаа төлөө Бурханд талархан баярлахаас өөр зүйлийг хийдэггүй ажээ. Хэрэв та энэ хүний залбирлын зарчмын тухай сонирхож залбирлынхаа амьдралд тэсрэлт гаргахыг хүсч байвал дорх site уруу ороод үз.
http://www.firesprings.com/
http://www.elishagoodman.org/

"If you seek him, he will be found by you" 1 Chron 28:9

2010-06-16T15:31:00.026Z

"O Lord, Teach me to seek you,
and reveal yourself to me when I seek you.
For I cannot seek you unless you first teach me,
nor find you unless you first reveal yourself to me."

by Ambrose of Milan, (340 - 397 AD)

End times

2010-05-05T22:34:00.006Z

Библийн ихэнх эрдэмтэд төгсгөлийн үеийн талаарх Библид зөгнөгдсөн дорх тайлбаруудтай санал нэг байдаг. Эдгээр нь удахгүй биеллээ олох гэж буй өөр хоорондоо холбоотой үйл явдлуудыг зөгнөсөн байдаг.

Эдгээрийн нэг нь дэлхийн эдийн засгийн хямралын үр дүнд гарч ирэх дэлхийн нэгдмэл засгийн газрын тухай байдаг. Тэдний зорилго нь хүн болгоны баруун гар эсвэл духан дээр араатны тэмдэг хүчээр тавьснаар тэд юм худалдан авах эсвэл худалдах боломжтой болох юм (Илч 13:16-17).

Библид дэлхийн 2 удирдагч буюу Антихрист дэлхийг удирдана гэж зөгнөсөн(Илч 13, Дан 7:8, 11, 23). Нэг нь гол удирдагч буюу Араатан, нөгөөх нь Араатан болон түүний дүрсэд бүх хүн төрөлхтнийг хүчээр мөргүүлэхийн тулд тэмдэг ба гайхамшгийг бүтээх Хуурамч Эш Үзүүлэгч юм. Хуурамч Эш Үзүүлэгч хүмүүст микрочип буюу маш жижиг хэмжээний төхөөрөмж эсвэл шивээс байж болох араатны тоо 666-г хүчээр суулгах болно. Эхэндээ тэд энх тайвныг амлан олон сайн хүмүүсийг хууран гарч ирэх болно. Тэд олон хүмүүстэй энх тайвны гэрээ хийж 7 жил удирдан захирна. Энх тайвны гэрээ хийгдсэн өдрөөс хойш 7 жилийн Гамшгийн үе эхлэх болно (Дан 9:27). Энэ 7 жилийн турш хүн төрөлхтөн урьд өмнө болж байгаагүй агуу гамшгуудыг үзэх болно (Maт 24:21). Тэд эхлээд дэлхийн 10 улс орныг захирах бөгөөд дараа нь эрх мэдэл нь улам өргөжсөөр тэдгээрээс 3 хаанчлалыг унагах болно (Дан 7:7, 8, 20, 24, Илч 13:1, Илч 17:13, 14). 7 жилийн дундуур энх тайвны гэрээ хийгдсэнээс хойш 1260 өдрийн дараа Антихрист энх тайвны гэрээгээ цуцалж маш их эрх мэдлийг олсноор Иерусалимын сүмд орж өөрийгөө Бурхан гэж тунхаглан Бурханыг гутаан доромжлох болно (Дан 9:27, 7:25, Илч13:5, Илч 11:2, 2Тес 2:3-9). Энэ үед тэр иудейчуудад амлаж байсан иудейн бүх өргөлүүдийг зогсоох болно. Энд тэндгүй аллага, хавчлага болно, ялангуяа Хуурамч Эш Үзүүлэгч Араатны дүрсэд ярих хүч өгснөөр Араатан болон түүний дүрсэд мөргөөгүй хүмүүс, итгэгчдийг алж хавчих болно(Илч 13:15). Дэлхийн удирдагчид олон хүмүүсийг хуурна, мөн Араатан алагдаж, дахин амь орохыг зөгнөсөн байдаг (Илч 13:3, 12). Дэлхийн удирдагчид урьд хожид байгаагүй харгис дэглэмийг тогтоох болно(Дан 7:7).

Библид хэрэв та юм худалдан авах эсвэл худалдах эрх өгөх Араатны тэмдгийг баруун гартаа эсвэл духан дээрээ тавиулж, түүнд болон түүний дүрсэд мөргөвөл Сатаны удирдлага хяналтанд орж таны хувь заяа тамд төгсөх болно гэж анхааруулсан байдаг (Илч 14:9, 10, 2Teс 2:11, 12). Үүний оронд та Христийн төлөө амиа зориулсан нь дээр, Христийн өмнө гэм нүгэлдээ гэмшиж, түүнд амьдралаа зориулан мөнхийн амийг олсон нь дээр (Иох 3:16, Ром 10:9, Илч 3:19-21, Үйлс 17:30). Антихрист болон түүний дүрсэнд мөргөж, араатны тэмдгийг авах олон хүмүүсийн адил бүү хууртагтун (Илч 13:14).
Библид мөн Христэд итгэгчдийг гэнэт ер бусын байдлаар дэлхий дээрээс алга болж тэнгэрийн улс уруу аваачигдана гэж зөгнөсөн байдаг. Энэ үйл явдал агуу гамшгийн өмнө эсвэл дундуур зарим нь агуу гамшгийн дараа ч болно гэж үздэг (Maт 24:40, 41, 1Teс 4:15-17).

Энэ үед дэлхийн нэгдмэл засгийн газар бүх асуудлыг шийдэх хамгийн сайн шийдэл мэт харагдаж, дэлхийн удирдагчид энэ байдлаараа энх тайвныг тогтооно гэж хүмүүсийг хуурах болно. Энэ байдал хэсэг хугацаанд хуурамч энх тайванг авчрах боловч Гамшгийн эхлэл байх болно. Дэлхийн нэгдмэл засгийн газар байгуулагдах шалтгаан нь олон нийтийг цочроосон дэлхий дахиныг хамарсан хямрал зөрчлийн улмаас гарч ирэх болно. Жишээ нь байгалийн гамшиг, дайн, террорист халдлага, эдийн засгийн хямрал, эсвэл онцгой ямар нэгэн үйл явдал гэх мэт. Эдгээрийн аль нэг нь хүмүүст дэлхийг эзлэн авах гэсэн өөрсдийн хүсч байсан эрх мэдлээ олж авах хөдөлгөгч хүч болох болно.

Гамшиг болох дэс дараалал, хамрах хүрээ Библид хэлэгдсэн байдаг. Гамшгийн эхний хагас үед дараах үйл явдлууд болно. 1. Хуурамч энх тайвны гэрээ, 2. Дайн, 3. Өлсгөлөн тахал, 4. Үхэл – дэлхийн хүн амын дөрөвний нэг нь өлсгөлөн, дайн, зэрлэг амьтдын улмаас үхнэ. 5. Христэд итгэгчид итгэлийнхээ улмаас алагдах болно. 6. Сар улаан болж, нарыг харлуулах том хэмжээний газар хөдлөлт болно. Тэнгэрт буй одод газарт унаж, уулс арлууд байрнаасаа хөдөлж, хүмүүс айсандаа агуй болон уулын хавцалд нуугдах болно. 7. Асар их дуу чимээ, аянга цахилгаан, газар хөдлөлтүүд болно (Илч 6, Илч 8:1-5).

Магадгүй Гамшгийн эхний хагас үед байж болох 2 гэрч Бурханыг тунхаглахаар гарч ирнэ. Тэднийг хөнөөх санаатай хүмүүсийг устгах хүч чадал тэдэнд өгөгдөж, бороо болон тахал гамшгуудыг зогсоох эрх мэдэлтэй байх болно. 1260 өдрийн дараа тэднийг Антихрист хөнөөх бөгөөд хүмүүст үзүүлэхийн тулд тэдний цогцсыг Иерусалимд 3 хагас өдрийн турш тавих бөгөөд түүний дараа тэд дахин амь орж, тэнгэрийн улс уруу дээш явах болно. Дараа нь Иерусалимын хүн амын аравны нэгийг устгах газар хөдлөлт болж 7000 хүн үхнэ (Илч 11:1-14). Магадгүй энэ үеэр 144,000 итгэгч хүн Бурханд амиа зориулах болно (Илч 14:1-5).

Дараахь үйл явдлууд нь 7 жилийн Гамшгийн 2 дахь хагаст тохиолдох болно. 1. Цустай холилдсон мөндөр ба гал бүх ой мод ба өвс ногооны гуравны нэгийг шатаана. 2. Шатаж буй уул шиг юм далай уруу унаж, далай тэнгисийн гуравны нэг цусаар дүүрч, далайн амьтдын гуравны нэг устаж, усан онгоцнуудын гуравны нэг сүйрэх болно. 3. Агуу том од гол мөрөн, усны эх булгууд дээр унаснаас болж гол мөрний гуравны нэгийг хордуулж тэндээс уусан хүмүүс үхэх болно. 4. Нар, сар, оддын гэрэлтэх чадвар гуравны нэгээр буурснаар өдрийн гуравны нэг, шөнийн гуравны нэг харанхуй болох болно. 5. Хилэнцэт хорхойн хатгалттай гэхдээ үхүүлдэггүй царцаанууд итгэгч бус хүмүүсийг 5 сарын турш зовоох болно. 6. 200,000,000 цэрэг дэлхийн хүн амын гуравны нэгийг устгана. 7. Асар их дуу чимээ, аянга цахилгаан, газар хөдлөлт, том хэмжээний мөндөр орох болно. (Илч 8:6, 9:21, 11:19)

Дараахь үйл явдлууд Гамшгийн төгсгөлд болох болно. 1. Араатны тэмдэг тавиулсан хүмүүс маш хүнд яр шарханд баригдана. 2. Далай цусаар дүүрч далайн бүх амьтад үхнэ. 3. Гол мөрөн, усны ундаргууд цус болно. 4. Нар хүмүүсийг халуунаар шатаах мэт төөнөнө. 5. Антихристийн хаанчлалыг харанхуй нөмөрч, хүмүүс өвдөж шаналсандаа хэлээ хазлах болно. Тэд Бурханыг хараан доромжилж, хийсэн үйлсдээ гэмшихгүй хэвээр байх болно. 6. Ефрат мөрөн ширгэж, дорнын хаадыг дэлхийн бусад улс орнуудтай нэгдэх замыг нээж, Хармагеддоны тулаанд бэлтгэх болно. 7. Арал, уулсыг нураах тийм хүчтэй агуу газар хөдлөлт болж, Иерусалим 3 хэсэгт хуваагдана. (Илч 16).

Энэ үед дэлхийн хамгийн баян хот устгагдаж, хүмүүс гашуудах болно (Илч 18). Энэ нь Вавилон гэж олонд танигдсан хот байх болно.

Гамшгийн төгсгөлд Христ хорон муу хүмүүсийг устгаж, Антихристийг там уруу хаяхаар эргэж ирэх үед дэлхийн улсууд Израйль ба Араатан дараа нь Христийн эсрэг тулалдах Хармагеддоны тулаан болно (Илч 19:19-21, Дан 11:44, 45). Дараа нь Есүс Христ өөрийн сүр жавхлант хаанчлалыг байгуулж, дэлхий дээр өөрийн сонгогдсон итгэгч хүмүүсийг 1000 жилийн турш энх тайвнаар захирах болно (Илч 20:1-6, Иса 60-66). 1000 жилийн төгсгөлд Сатан суллагдахад дэлхий дээр ирж дайн тэмцлийг өрнүүлэх эцсийн дайныг өдөөнө (Илч 21:7-9). Үүгээр дэлхийн төгсгөл ирж, Христэд итгэгчид шинэ газар, шинэ тэнгэрийг өвлөн авч (Илч:21), хорон муу хүмүүс болон итгэгч бус хүмүүс Сатантай хамт там уруу хаягдах болно (Илч 20:10-15).

Эдгээр үйл явдлуудын нарийн цаг хугацаа тодорхойгүй байдаг. Хэдийгээр олон шинж тэмдэг, зөгнөлүүд нь Гамшгийн биеллээ олох цаг хугацааг дараахь 10 жилд гэж үздэг боловч эдгээр үйл явдлуудын боломжит цаг хугацаа тун удахгүй гэдэг нь харагдсаар байдаг.

Хямралыг даван туулах нь

2010-05-04T16:42:00.004Z

".... Бурханаас эмээгч тэр нэгэн, Түүний өмнө нээлттэйгээр хандагч нэгэн нь илүү дээр юм гэдгийг би мэдэв" Номлогчийн үгс 8:12

Бурхан надад хямралыг хэрхэн даван туулах тухай зарим үнэ цэнтэй хичээлүүдийг заасан юм. Есүс “Над уруу ирэгтүн” гэж хэлсэн. Бидний амьдралд ямар нэгэн гэнэтийн асуудал гарахад утсаа шүүрч аван найзуудаа дууд гэж тэр хэлээгүй. Гэхдээ бусад хүмүүс бидний төлөө санаа тавьж, бидний төлөө залбирах нь буруу гэж би хэлэх гээгүй юм шүү, хэрэв бид хүн уруу хандвал бид эдгэрлийг олж чадахгүй тэд зөвхөн бидний шархыг боож өгнө.
Бид амьдралдаа олон бэрхшээлтэй асуудал, хямралуудтай тулгардаг. Хямрал бидэнд том, жижиг янз бүрийн байдлаар ирдэг. Бид өөрсдийнхөө амьдрал дахь үргэлжийн гэнэтийн асуудалтай байдлаасаа ангижрахын тулд Эзэн надад түүнийг цаг үргэлж хичээнгүйлэн эрэн хай гэдгийг ойлгуулсан юм. Би амьдралдаа Бурханыг заримдаа нэг эсвэл ямар нэгэн хэцүү асуудал гарсан үед эрэн хайдаг байв. Аажимдаа би, хэрэв би амьдралаа үргэлжийн хямралтай байдлаас гаргахын тулд Бурханыг цаг үргэлж хэцүү үедээ ч, ивээлтэй үедээ ч түүнийг цөхрөлтгүй эрэн хайх хэрэгтэй гэдгийг сурсан юм.
Бидний бүх зүйлс амжилттай бүтэмжтэй байх үед бид Бурханд өөрсдийгөө өчүүхэн төдий л зориулдаг. Бид хэцүү байдалд орохдоо л Бурханыг хайдаг, тийм болохоор тэр биднийг өөртэйгээ харилцаа холбоотой байлгахын тулд биднийг хэцүү байдалд оруулдаг гэдгийг би мэдсэн.
Бид Бурхан дээр ирэх үед тэр биднийг үргэлж аварч тусладаг. Харин бид үргэлж амар тайван, ялалттай байхыг хүсвэл дээр Библид хэлсний дагуу түүнийг цаг үргэлж хичээнгүйлэн эрэн хайх хэрэгтэй.
Өнөөдөр танд зориулагдсан Бурханы үг бол: Бурхантай цаг үргэлж нөхөрлөснөөр сайн хямралыг хадгалагтун.

Оюун санааны тэмцэл

2010-04-13T21:59:00.012Z

Би 25 жилийн турш номлосоор ирсэн бөгөөд тусламж хэрэгтэй бидний амьдралын хамгийн чухал хэсэг бол бидний бодол санаа гэдэгт бат итгэсэн. Бид оюун санааны тухай хичнээн их зүйлийг сонсож мэдсэн бай тэдгээр нь бидэнд шинэ шинэ зүйлүүдийг заасаар л байдаг.

Хүний бодол санаа байгаа газар хүний алхам тодорхойлогддог гэдэгт би итгэдэг. Есүс Лук 6:45-д хэлэхдээ “ ....зүрх нь юугаар дүүрснийг ам нь ярьдаг”, Сургаалт үгс 23:7-д “ .... учир нь тэр дотроо (oрч. Библийн англи орчуулган дээр зүрхэн дотроо гэж хэлсэн байдаг) боддогтойгоо адил.... “. Энэ 2 ишлэл дэх зүрх гэдэг үг оюун санаа гэсэн утгатай юм. Өөрөөр хэлбэл бидний хэл яриа, үйл хэргийн өмнө бидний бодол санаа явдаг гэсэн үг юм. Бид өөрсдийн дотоод амьдралдаа юуг зөвшөөрнө тэр нь бидний амьдралд гадагшаа илрэн гардаг гэсэн үг юм.

Тийм учраас бид өөрсдийн буруу зан үйлдлээ засахын тулд эхлээд буруу бодол санаагаа засах хэрэгтэй. Миний гүн гүнзгий хүсэл мөрөөдөл бол та нарыг бодол санаагаа Бурханы Үгэнд хэлэгдсэнчлэнтэй нийцүүлж сурахад туслах явдал юм. Үүний үр дүнд бидний амнаас гарч байгаа үгс, бидний амьдралаас гарч байгаа үйлдэлтэй нийцдэг болно. Ялалтад хүрэх гол түлхүүр бид бодол санаандаа орж ирж байгаа болгоныг бодоод байх биш харин Бурханы Үгийн хүч чадлаар бодол санаагаа шинэчилж, Бурханы бодохыг хүсч буй зүйлүүдийг бодож сурах явдал гэдэгт би итгэдэг.

Бодол санааны байшин

Бидний бодол санаа бидэнд нэг бол тусладаг, нэг бол хохирол учруулдаг гэдгийг би ойлгосон. Тэдгээр нь бидний эрүүл мэнд, ааш зан, харилцаанд нөлөөлдөг. Үнэнийг хэлэхэд тэдгээр нь бидний амьдралын бүхий л хэсэгт нөлөөлдөг. Бурханы Үгийг судалж эхлэх үед миний амьдралд маш олон бэрхшээлтэй асуудлууд байсан. Гэвч би өөрийнхөө бодол санааны талаар илчлэлтүүдийг Бурханаас хүлээн авсан тэр үед миний сүнсэнд том өөрчлөлт гарч эхэлсэн. Миний амьдрал хог новш шиг байсны гол шалтгаан нь миний бодол санаа хог новш байсныг би мэдсэн.

Эзэн надад хүн болгонд гадна ба дотоод амьдрал байдаг гэдгийг ойлгуулсан. Бидний гадна амьдрал бол хүн болгоны нүдэнд ил харагдаж буй амьдралын хэсэг бол бидний дотоод амьдрал бол Бурханаас гадна биднээс өөрсдөөс маань өөр хэн ч харж чаддаггүй тэр амьдралын хэсэг юм. Дотоод амьдралд бидний бодол санаа, хандлага, сэдлүүд багтдаг. Бурхан бидний бодол санаа болгоныг мэддэг. Библид хэлэхдээ “Түүний хараанаас нуугддаг нэг ч бүтээл байхгүй. Харин Түүний мэлмийн өмнө бүгд нүцгэн бөгөөд ил болой. Түүнд бид тайлагнадаг” гэсэн (Еврей 4:13).

Бидний дотоод амьдрал бол үргэлж баригдсаар байдаг бодол санааны байшин гэж би бодох дуртай. Бидний амьдралын бодол санааны энэ 4 ханан дотор бидний дотоод амьдрал байдаг. Оюун бодолдоо хүлээн авч байгаа бодол санаа болгон маань бидний барьж буй байшингийн хананд босгогдож буй нэг тоосго болгонтой адил юм. Хэрэв бид сөрөг, амиа хичээсэн, бурханлаг бус бодол санааг өөрсдөдөө зөвшөөрвөл бидний байшин хог новшоор дүүрэх бөгөөд бид эргэн тойрондоо дайснуудаар хүрээлэгдэх болно. Харин бид эерэг, бурханлаг бодол санаануудыг сонгох аваас бидний байшин зөвт байдлын шагналуудаар дүүрэн ивээл ерөөл байх болно.

Бодол санаа бол компьютертэй адил юм – түүн дотор юу хийнэ тэр болгон гадагш илрэн харагдах болно. Бурхантай хамт алхаж эхэлсэн тэр үед миний оюун санаа дахин программчлагдах шаардлагатай болсон. Миний бодол санаа Бурханы Үгийн эсрэг буюу түүн дотор хэлэгдсэнчлэнтэй нийцэхгүй байсан, өөрчлөгдөх шаардлагатай байсан. Ром 12:2-т “Энэ үеийн явдалд бүү нийцэгтүн. Харин зүрх сэтгэлээ (орч. библийн англи орчуулга дээр бодол санаагаа гэжээ) шинэчилснээр өөрчлөгдөж Бурханы хүсэл юу болохыг, тухайлбал сайн, тааламжит, төгс төгөлдөр хүслийг батлагтун”.

Хэрэв би илүү сайн амьдрахыг хүсч байгаа бол илүү сайн бодол санаануудыг бодох хэрэгтэй гэдгийг Бурханы нигүүлслээр ойлгосон юм. Бурхан надад миний амьдралдаа хүлээн зөвшөөрч байсан Сатаны худал үгүүдийг бага багаар илчилж эхэлсэн. Оюун санаандаа өсөхийг зөвшөөрч байсан диаволын худал хуурмагийн ханыг нурааж, үнэнээр дахин барьж босгох шаардлагатай болсон. Бурханы Ариун Сүнсний хүч чадал миний дотор ажиллаж эхлэн ийнхүү сэргээн босгох үйл ажиллагаа явагдаж эхэлсэн.

Дайсан илчлэгдсэн нь

Бид нэгэнт бодол санаагаа өөрчлөх шийдвэр гаргах үед дайсантайгаа тулалдаж эхэлдэг. Энэ дайны талбар бол оюун санаа юм. Сатан хэрэв бидний бодол санааг эзлэн авбал бидний амьдралыг бас эзлэн авч чадна гэдгийг мэддэг. Тийм л учраас тэр биднийг өглөө хөлөө газар хүргэхээс өмнө дайрч эхэлдэг. Эхэлж буй шинэ өдрийг уйтгар гуниг, гаслан зовлонгоор дүүрэн эхлүүлэхийн тулд Сатан бидний оюун санааг бүх л сөрөг, бурханлаг бус бодол санаа, төсөөллүүдээр бөмбөгдөж эхэлдэг.

Библид хэлэхдээ “.... учир нь түүний (Сатаны) хөнөөх санааг бид ямар мэдэхгүй биш....” гэсэн (2Коринт 2:11). Санаа гэдэг үг Тайерийн Шинэ гэрээний грек-англи утгад “бузар муу зорилго агуулсан оюун ухааны ойлголт буюу бодол санаа” гэсэн байдаг нь их сонирхолтой. Бидний эсрэг ашигладаг Сатаны хоёр том зэвсэг бол санаа зоволт ба бүх зүйлийн учрыг ухаж төнхөж олохыг оролддог байдал гэдгийг би мэдсэн юм.

Бурхантай хамт алхаж эхлэх тэр үед би санаа зоволтын мэргэжилтэн байсан. Би юманд санаа зовж, бүх зүйлийн учрыг ухаж төнхөж олохыг оролддог байсан. Миний хувьд бүх зүйл өөрийн гэсэн байр суурьтай байсан. Би санаа зоволт ба юмны учир начрыг ухаж төнхөх донтой болсон байсан, яагаад гэвэл энэ нь намайг бүх зүйлийг удирдлагандаа байлгаж буй мэт санагдуулдаг байсан. Бүх зүйл миний удирдлаганд байвал би сэтгэл хангалуун болдог байсан.

Сатаны худал хуурмагийг зөвшөөрөх болгонд би түүнд бодол санаандаа байр тавьж өгдөг байсан (Ефес 4:27). Энэ байдал олон жил үргэлжилсэн учраас сүүлдээ энэ нь миний оюун ухаанд бат бэх цайз болон хувирсан байсан. Webster’s II New College Dictionary толь бичигт цайз гэдэг үгийг “бэхлэлт, хэрэм буюу хэсэг бүлэг хүмүүсийн эзлэн авсан газар нутаг” гэж тодорхойлсон байдаг. Оюун санааны бат бэх цайз сайн ба муу бодол санааны алиугаар ч бүрэлдэн тогтож болно. Миний хувьд бодол санаа маань санаа зоволт ба юмны учир начрыг ухаж төнхдөг зан чанарт эзлэгдсэн байсан. Тийм учраас би худал хуурмагийн цайзыг нураах цорын ганц арга зам бол үнэнээр нураах гэдгийг олж мэдсэн юм.

Сэлмээ далайх нь

Бидэнд байдаг хамгийн том зэвсгүүдийн нэг бол Бурханы Үгийн үнэн юм. Библид 2Коринт 10:4, 5-д “Учир нь бидний байлдааны зэвсэг бол махан биеийнх биш, харин цайзуудыг эвдэж нураах Бурханы хүчит зэвсгүүд юм. Бид цэцэрхэл болон Бурханы мэдлэгийн эсрэг босогч аливаа өндөрлөг зүйлийг устгаж, ямар ч бодол санааг Христийн дуулгавартай байдалд олзлуулдаг” гэсэн. Хэрэв бид буруу бодол санаануудаа хүлэхгүй юм бол тэдгээр нь биднийг хүлэх болно.

Есүс цөлд Сатаны сорилттой тулгарахдаа Бурханы Үгнээс иш татаж, дайснаа ялсан байдаг (Лук 4:1-13-ыг үз). Бурхан намайг санаа зоволт ба юмны учрыг ухаж төнхдөг зан чанараас салгахын тулд энэ л зүйлийг заахыг хүсч байсан. Түүний Үг бол дайсны санаа бодол ба миний махан биенээс дээгүүр гэдгийг Бурхан надад мэдүүлж, итгүүлж, өндөрт гаргахыг хүсч байсан. Есүс Матай 6:25-34-т бид юунд ч санаа зовох хэрэггүй, Бурхан бол бидний бүх хэрэгцээг хэрэгтэй үед маань хангах итгэмжтэй гэж тодорхой хэлсэн байдаг. Сургаалт үгс 3:5, 6-д “Бүх зүрхээрээ ЭЗЭНд итгэ.Өөрийн ойлголтод бүү түшиглэ.Өөрийн бүх замаараа Түүнийг таньж мэд.Тэр чиний замыг шулуун болгоно” гэсэн.

Бурхан миний нүдийг өөрийн үнэн Үг уруу нээж өгсөн. Дайсны худал хуурмагийн эсрэг Библи юу гэж хэлсэн байдагт би улам бүр итгэж эхэлсэн. Библийг би ийм аргаар улам бясалгах тусам миний бодол санаа улам бүр өөрчлөгдөж, эрх чөлөөтэй болсон.

Бодол санаагаа ийнхүү өөрчлөн шинэчлэх үйл явц зөвхөн нэг хоногийн дотор болчихоогүй. Ихэвчлэн олон жил хуран цугласан проблемтай асуудал нь Бурханаас бидний дотор ажиллахад цаг хугацаа шаарддагийг би мэдсэн. Заримдаа Бурхан залбирал ба гар тавин залбирах залбирлаар дамжуулан биднийг дотроос маань шууд өөрчилдөг. Гэвч ихэнх тохиолдолд цаг хугацаа шаарддаг. Бид өдөр бүр Бурханыг дагахад тэр бидний дотор Христийн зан чанарыг итгэмжтэйгээр хэлбэржүүлэн хөгжүүлдэг (1Teсалоник 5:23,24-ийг үз). Бид үнэнээр зэвсэглэвэл диаволын бидний амьдралаас хулгайлан авсан зүйлийг эргүүлэн авч чадна.

Оюун санааны эрх чөлөөгөө хадгалах нь

Бид оюун санаагаараа чөлөөлөгдсөний дараа эрх чөлөөгөө хэрхэн хадгалахыг бас сурах хэрэгтэй. Бид буруу бодол санаануудыг зөвхөн нураагаад зогсох биш бас зөв бодол санаануудыг сонгоход сурах хэрэгтэй. Би санаа зоволт ба юмны учрыг ухаж төнхдөг зан чанарынхаа эсрэг энэ аргыг хэрэглэх нь үнэнд нийцтэй болохыг мэдсэн.

Бурхан намайг санаа зовж, бүх зүйлийн учрыг олохыг хүсдэггүй гэдгийг би мэдсэнийхээ дараа диаволд энэ талаар бууж өгөхгүйн тулд бүх хүчээ дайчлах болсон. Миний бодол санаанд буруу бодол санаа орж ирэх болгонд би тэдгээрийг бүх хүч чадлаараа эсэргүүцэх болсон. Би өөртөө “Үгүй, би энэ тухай бодохгүй” гэж хэлж эхэлсэн. Ингэж хэлсний дараа хэсэг зуур миний оюун санаа эрх чөлөөтэй болдог байсан боловч хэсэг хугацааны дараа дахиад л нөгөө бодол эргэн орж ирнэ. “Үгүй, би энэ тухай дахиж бодохгүй” гэж хэлнэ. Гэвч удалгүй дахиад л бодно, эсвэл ижил төстэй бодол орж ирнэ. Ийм тойрог үргэлжлэн үргэлжилсээр заримдаа би өдрийн төгсгөлд нэг л их ядарч туйлдсан хүн байдаг байв.

Нэгэн өдөр би “Бурхан минь ээ, би өдөр бүр ийм байдалтай байж чадахгүйнээ. Буруу бодол санаануудыг хөөнгүүт эргээд л ороод ирэх юм. Би юу хийх ёстой юм бэ?” гэж залбирсан. Эзэн надад “Маш энгийн. Өөр зүйлийн тухай бод. Хэрэв чи сайн зүйлийн тухай бодоод л байвал буруу бодол санаанд орших газар үгүй болно. Харин чи хоосон бодол санаатайгаар өдөржин суувал бузар муу бодол чиний оюун ухаанд үргэлж үсрэн орж ирэх болно (Maтай 12:43–45-ыг үз).

Энэ миний хувьд амьдралыг минь өөрчилсөн илчлэлт болсон. Би оюун санаандаа ямар нэгэн сайн зүйл орж ирэхийг хүлээгээд сууж болохгүй юм байна гэдгийг мэдсэн. Би бодол санаагаа зорилготойгоор сонгож сурах хэрэгтэй байсан. Би бодол санаагаа “....юу нь үнэн, юу нь хүндэтгэлтэй, юу нь зөв, юу нь цэвэр ариун, юу нь сайхан, юу нь сайшаалтай байна, хэрэв аливаа сайн үйл байгаа бол, хэрэв магтууштай ямар нэгэн юм байгаа бол тэдгээр юмс....” болгон дээр төвлөрүүлж сурах хэрэгтэй байсан (Филипой 4:8). Библид Дэлгэрэнгүй хууль номонд хэлэхдээ ерөөл хараалын аль аль нь бидний өмнө тавигдсан гэсэн байдаг. Хэрэв бид амь уруу хөтөлдөг бодол санаануудыг сонгохгүй юм бол диавол биднийг үхэл уруу хөтөлдөг бодол санаанууд уруу хөтлөх болно. Харин бид амь уруу хөтөлдөг бодол санаануудыг сонговол бидний амьдрал ерөөгдөх болно.

Энэ бол ялалтад хүрэх гол түлхүүр гэдэгт би итгэдэг. Ром 12:21-д “Бузар муугаар бүү дийл, харин бузар мууг сайнаар дийлэгтүн” гэж хэлсэн. Миний хувьд ямар нэгэн нөхцөл байдал, хүмүүсийн эерэг шинж байдлыг холбогдох Библийн ишлэлүүдийн хамт жагсаан бичих нь маш тустай гэдгийг мэдсэн. Би энэ зүйлийг цаасан дээр бичээд гартаа барьж буруу бодол санаа орж ирэх болгонд чангаар уншдаг. Бурхан миний бодол санааг олон зүйл дээр шинэчлэн өөрчлөхийн тулд энэ аргыг хэрэглэсэн. Бид юу нь сайшаалтай, сайн байна тэр зүйл дээр бодол санаагаа бясалгаж төвлөрүүлж чадвал төдийчинээ бидний проблем, асуудлууд багасана гэдгийг би сурсан.

Бурхантай санал нэгдэх

Бид бодол санаагаа Бурханы үгэнд хэлсэнчлэнтэй нийцүүлэхийг хичээвэл зөв үгс, зөв үйлсүүд биднээс гарах болно. Ефес 4:22-24-т “.... чиний амьдралын урьдын хэв маягт хамаарах заль мэхийн тачаалын дагуу ялзарч буй хуучин хүнээ та нар тайлж, оюун санааныхаа сүнс дотор шинэчлэгдэж, зөвт байдал болон үнэний ариун байдал дотор Бурханы дагуу бүтээгдсэн шинэ хүнийг өөртөө өмс....” гэсэн.

23-р ишлэл бол 22 ба 24 ишлэлийг холбогч гүүр гэдгийг ойлгох нь маш чухал гэж би боддог. Бид хуучин муу зуршлаа орхиж зөвт байдал ба ариун байдлын шинэ чанарыг өмсөхийн тулд үргэлж бодол санаагаа Бурханы үнэн Үгээр шинэчлэн өөрчлөх хэрэгтэй. Би маш их сөрөг үзэл бодолтой хүн байсан, тийм учраас бодол санаагаа дахин програмчлах шийдвэрийг өдөр бүр гаргадаг байсан. Харин одоо бол энэ асуудал шийдэгдсэн, Бурханы эерэг үзэл бодол надад автоматаар төрдөг болсон.

Би таныг Бурханы Үг уруу орж, Тэр таны тухай болон таны нөхцөл байдлын тухай юу гэж хэлсэн байдгийг мэдэхэд уриалж байна. Та өдөр тутам юу боддог тухайгаа бодож үзэгтүн. Би бүх насаараа ядуу байх нь, би хэзээ ч өрнөөс гарахгүй нь.... эсвэл Хэн ч надтай гэрлэхийг хүсдэггүй.... эсвэл Миний бодол санаа хэзээ ч өөрчлөгдөхгүй нь.... гэсэн бодлуудыг бүү хүлээн авагтун. Түүний оронд Бурхан таны тухай юу гэж хэлснийг хүлээн ав. Бурхан намайг бүх талаар амжилттай болгоно (3Иохан 2-ыг үз), Бурхан дотор амарч байх хооронд тэр надад тохирох хамгийн сайн ханийг бэлдэж байгаа (Эхлэл 2:18-ыг үз), Бурхан намайг Есүстэй улам адил болгохын тулд нэг алдраас нөгөө алдар уруу өдөр бүр өөрчилж байна (2Коринт 3:18-ыг үз) гэж бодож эхлэхтүн.

Би таныг Бурханы Үгийг бясалгаж, итгэхийг сонгоход уриалж байна. Бурханы Үгийг судлах тусам та Сатаны худал үгсийг таньж, эсэргүүцэх хүч чадалтай болно. Өдөр бүр Бурханыг Түүний Үгэн дээр хүлээн ав, тэгвэл Тэр таны амьдралын бүхий л хэсэгт эдгэрэл, сэргэлт, тэнхрэлийг авчрах болно.

Mуу сүнснээс чөлөөлөгдсөн нь

2010-04-09T09:58:00.002Z

Энэ бол пастор Ловерийн гэрчилсэн түүх бөгөөд өөрт тохиолдсон нэгэн үйл явдлын тухай ярьжээ.
1981 оны зуны эхэн сард цуглааныхаа төлөө Бурханы зааварчлагааг эрэн хайж байсан 40 хоногийн мацаг барилтынхаа дараа гэртээ эргэж ирсэн юм. Миний бие сул дорой байсан боловч сүнс минь хүчтэй байлаа.
Тун удалгүй нэгэн хүн над уруу утсаар ярьж, Бирмингам дахь Алабама кампын цугларалт дээр ирж номлохыг хүсэв. Тэр үдэш цугларалтын майхан олон мянган хүнээр дүүрсэн байв. Майхан доторх хүмүүсийн тоо майхны гадна зогсож байгаа хүмүүсийн тоотой бараг адилхан байв.
Тайз руу гарахдаа би тайзан дээрх индрээс хүчтэй гэгч нь барьж зогсов. Миний бие сул хэвээрээ л байв. Номлолоо эхлэх үед гэнэт миний бие дотор ямар нэгэн юм орохыг мэдэрсэн. Хүмүүс миний тухай яг л сүнс харсан юм шиг байсан гэж хэлж байсан. Цуглааны хүмүүсийн өмнө миний дүр төрх илт өөрчлөгдөж байсан гэж хэлж байсан. Эхлээд би, энэ нь магадгүй мацаг барилтаас болсон байх гэж бодож байсан боловч үнэн хэрэгтээ мацаг барилтын дараахь сүнслэг нөлөөлөл байсныг ойлгосон юм.
Ариун Сүнсний тосолгоо зөвхөн над дээр биш тэнд байсан бараг бүх хүмүүсийн дээр ирсэн байв. Номлолын төгсгөлд хоёр хөлтэй болгон босч зогссон байв. Олон зуун хүн авралыг хүлээн авахаар, Ариун Сүнсний баптисмыг хүлээн авахаар урагшаа гарч зогссон байв. Бид эдгэрэл ба чөлөөлөлтийн төлөө залбирч эхлэх үед нэгэн эмэгтэй намайг чиглэн ирж байгааг харсан. Миний дотор Сүнс нягтлан шалгаж байгаа мэт ажиглаж байгааг мэдэрсэн. Тэр эмэгтэй над уруу тулж ирэхэд гэнэт би Ариун Сүнсний тосолгоогоор “Эмэгтэй, та муу сүнсэнд эзлэгдсэн байна” гэж хэлсэн. Тэр даруй эмэгтэйн гадаад төрх өөрчлөгдөж, царай нь эв хавгүй айдас төрүүлэм дүр төрхтэй болсон.
Энэ эмэгтэй надтай ярьж эхлэх үед түүний дуу хоолойноос муу сүнс ярьж байгаа нь сонсогдсон. Би микрофоноо түүний ам уруу чиглүүлж ойртуулахад цугларалтан дотор байсан бүх хүмүүс муу сүнсний ярьж байгааг сонссон. Түүний дотроос ярьж байсан дуу хоолой “Бид энд олон жил байсан. Бид эндээс хаашаа ч явахгүй. Чамд биднийг хөөх хүч чадал байхгүй” гэж хашгирав.
Тэр муу сүнс миний дотор байгаа Христийн эрх мэдлийг сорих үед миний дотроос ямар нэгэн юм босох шиг болсон. Бурханы Сүнс над дээр хүчтэй ирсэн. Цугларалтанд байсан бүх хүмүүс намайг “Бузар муу сүнс чи сонс. Чи намайг хэн бэ гэдгийг мэднэ. Би бол Т. Л. Ловери, амьд Бурханы зарц. Чамайг Назар хотын Есүс Христийн нэр дээр эндээс зайл гэж тушааж байна! Есүсийн нэр дээр зайл!” гэж хашгирахыг сонссон.
Гэнэтхэн бид үхэр буугаар буудаж буй мэт дэлбэрэлтийн чимээг сонссон. Муу сүнс тэр эмэгтэйгээс гарахдаа хүмүүсийн нүдний өмнө бие махбодиороо харагдсан. Хүмүүс хэлэхдээ түүний бие нь урт сүүлтэй, бөөн хар юм гарч явсан гэж хэлж байсан. Би тэр зүйлийг эмэгтэйн амнаас гарч, дараа нь хүмүүсийн толгой дээгүүр харван өнгөрөхийг харсан. Тэр зүйл майхны хажуу талаар гарч явахдаа ачааны вагоны чимээтэй адил дуугаар дуугарч байсан гэж хэлж байсан.
Олон мянган хүмүүсийн өмнө тэр эмэгтэй ийнхүү гайхамшигтайгаар чөлөөлөгдсөн билээ!

"Тамын бодит үнэн" 5, 6-р бүлэг

2009-12-25T22:23:00.007Z

Тавдугаар бүлэг
Туннел дэх аймшиг
Би тамд үзсэн зүйлүүдээ эргэн санахыг хичээж байна. Гэвч энэ удаагийнх шиг аймшигтай зүйлийг Эзэн надад харуулж байгаагүй. Там бол хүний бодол төсөөллөөс хэдэн зуу дахин аймшигтай. Тэнд сүнснүүд үүрд тамлагдан зовно гэж бодохоос миний сэтгэл шаналж байна. Тэндээс гарах ямар ч арга зам байхгүй.
Энэ аймшигтай газраас сүнснүүдийг аврахын тулд би чадах бүхнээ хийнэ гэж шийдсэн.Там бол бодит бөгөөд өөрийн нүдээр харсан учраас би уулзсан хүн болгондоо сайн мэдээг тараах болно. Та миний юу хэлэх гээд байгааг ойлгож байна уу? Хэрэв гэм нүгэлтэй хүмүүс сайн мэдээнд итгэхээс татгалзвал гарцаагүй энд ирэх болно.
Эзэн Есүс Христэд итгэж, гэмээсээ аврагдахын төлөө түүнийг дууд. Иохан номын 3, 14-р бүлгүүдийг унш. Там болон бусад зүйлийн талаар сайн ойлгохын тулд энэ номыг бүхэлд нь уншихыг гуйж байна. Номыг уншиж байхдаа Есүсийг зүрх сэтгэлдээ урьж, хожимдохоосоо өмнө гэм нүглээсээ ариусгагдахыг гуй.
Есүс бид хоёр там дундуур дахин алхав. Бидний явж буй зам хуурай, эзгүй, хагарч бутарч, шатсан байв. Миний нүд гүйцэж үл харж чадах галтай нүхнүүд жирийн харагдаж байсан. Би их ядарч байв. Тэнд сонсож, харсан зүйлүүдээсээ болж зүрх сэтгэл, сүнс минь өвдөж байв. Гэвч миний өмнө өөр олон зүйлүүд хүлээж байгааг мэдэж байв. “Есүс ээ, надад хүч чадал өгөөч” гэж би хашгирав.
Би Есүстэй хамт явж байхдаа түүний хойноос ойрхон даган явж байв. Тэнд харсан аймшгуудаас болж би уй гашуугаар дүүрэн байв. Надад дэлхий итгэх болов уу гэж би бодож байв. Миний баруун, зүүн, бүхий л талд миний нүд гүйцэж үл харж чадах галтай нүхнүүд байв. Миний эргэн тойрон гал болон шатаж буй сүнснүүдээр хүрээлэгдсэн байсан. Би айснаасаа болж орилж байв. Жинхэнэ аймшиг, үнэн бодит байдал хоёр надад тэр бүх зүйлийг даван гарахад хэцүү болгож байв.
“Дэлхий минь ээ, гэмшээрэй” гэж би уйлж байсан. Есүстэй явж байхдаа миний сүнс чичрэн уйлж байв. Дараа нь юу болох бол гэж би бодож байв. Миний найзууд болон гэр бүлийнхэн маань яг энэ мөчид юу хийж байгаа бол гэж бодож байв. Би тэдэндээ ямар их хайртай вэ! Би Есүс уруу ирэхээсээ өмнө ямар их гэм нүгэлтэй байснаа санаж, дэндүү хожимдохоосоо өмнө Есүс дээр ирсэндээ Бурханд талархаж байв.
Есүс “Бид одоо тамын гэдэс уруу биднийг аваачих туннел уруу орж байна. Там бол дэлхийн төвд нуруугаараа харан хэвтэж байдаг. Там нуруугаараа налан хэвтэж байдаг бөгөөд түүний гар, хөлнүүд хоёр тийшээ дэлгэгдэн хэвтсэн байдаг. Бид итгэгчид нэгэн биеийг бүрдүүлдэг шиг там ч гэсэн гэм нүгэл, үхлийн биетэй. Христийн бие өдөр бүр байгуулагдаж байдаг шиг тамын бие өдөр байгуулагдаж байдаг” гэж хэлэв.
Туннел уруу очих замд бидний хажуугаар галтай нүхнүүд өнгөрөн, миний чихэнд тэдний орилж хашгирч байгаа дуу сонсогдсоор байв. Олон сүнснүүд Есүс уруу хашгирч байв. Зарим нь түүнд хүрэхийн тулд нүхнээсээ гарахыг хий дэмий оролдсоор байв. Дэндүү оройтсон, дэндүү оройтсон гэж би уйлж байв. Есүсийн царай үргэлж гунигтай харагдаж байсан. Би галтай нүхнүүд уруу харж байхдаа бид гэртээ байшингийнхаа хойно хэрхэн гал асааж хоол хийж иддэг байсан минь санагдаж байсан. Тэр дүр зураг одоо миний өмнө бодитоор харагдаж байв.
Бид туннел уруу орж ирэхэд би Бурханд талархаж байв. Энд галтай нүхнүүдээс арай дээр байх гэж бодсон. Гэвч миний буруу байв. Туннел уруу оронгуут би том том могойнууд, хархнууд, муу сүнснүүд Эзэний оршихуйгаас зугтаж байгааг харав. Могойнууд бидэн уруу исгэрч, хархнууд жингэнэлдэн дуугарч муу ёрын дуу чимээнүүд энд тэндгүй гарахыг сонсов. Бидний эргэн тойронд харанхуй нөмөрлөж байв. Зөвхөн Есүсийн гэрэл туннелд цацарч байсан. Би түүнтэй аль болох ойрхон явахыг хичээв. Жижигхэн чөтгөрүүд, муу сүнснүүд туннелын хаа сайгүй орж гаран явж байв. Сүүлд нь би эдгээр муу сүнснүүд Сатаны даалгаврыг биелүүлэхийн тулд дэлхий уруу илгээгддэгийг мэдсэн. Энэ харанхуй, чийглэг, бохир газар би айдаст автагдахад Есүс “Бид удахгүй туннелын төгсгөлд хүрэх болно. Чамд би эдгээр зүйлүүдийг үзүүлэх хэрэгтэй. Намайг дагаарай” гэв.
Аварга том могойнууд бидний хажуугаар гулсан өнгөрөв. Зарим могойнууд 1 метр орчим бүдүүн, 8 метр орчим урт байсан. Бохир муухай үнэр нэвт үнэртэж, муу сүнснүүд хаа сайгүй байсан.
Есүс “Бид удахгүй тамын гэдэс уруу очих болно. Тамын энэ хэсэг бол 27 км өндөр, 5 км орчим дугуй тойрог хэлбэртэй газар. Есүс надад энэ газрын хэмжээг тодорхой хэлж өгсөн.
Би тамд харсан зүйлүүдийг аль болох сайн санахыг хичээх болно. Би энэ бүгдийг Бурхан Эцэг, Хүү, Ариун Сүнсний алдрын төлөө хийх болно. Бурханы хүсэл биелэх болтугай. Дэлхий дээрх эрэгтэй, эмэгтэй бүх хүмүүс тамыг ямар ч үнээр хамаагүй зогсоохын тулд надад энэ бүх зүйлүүдийг харуулсан гэдгийг би мэддэг. Хэрэв та энэ номыг уншиж байгаа бол, Есүсийг мэддэггүй бол яг одоо гэм нүглээ зогсоож, Түүнийг өөрийн Аврагчаа болгон хүлээн авагтун.

Зургадугаар бүлэг
Тамын үйл ажиллагаанууд

Бидний өмнө бүдэг шар туяа цацарч байв. Есүс бид хоёр айдас хүйдэс дүүрэн туннелээс гарч ирэхэд тамын гэдэс уруу харсан нэгэн жижиг толгодын ирмэг дээр зогсож байсан. Миний нүд тамын гэдсэнд явагдаж буй тоо томшгүй үйл ажиллагаануудыг харж байв.
Бид зогсоход Есүс над уруу хандан: “Би чамайг тамын гэдсэнд аваачих болно. Би чамд олон зүйлүүдийг харуулах болно. Намайг дагаарай” гэв. Бид цааш үргэлжлүүлэн алхав.
Есүс: “Бидний өмнө аймшигтай олон зүйл тааралдах болно. Тэдгээр нь ямар нэг хүний сэтгэмж, төсөөлөл биш харин бодит зүйл. Хүмүүст муу ёрын сүнс ба түүний хүч чадал бодитой гэдгийг хэл. Сатан ба харанхуйн хүч чадал бодит бөгөөд миний хүмүүст бүү шантарч няцагтун гэдгийг хэл. Миний нэрээр дуудагдсан хүн болгон хэрэв өөрсдийгөө даруу болгож, өөрсдийн гэм нүгэлтэй байдлаасаа буцах юм бол тэднийг би тэнгэрээс сонсож, тэдний газар нутаг, бие махбодыг эдгээх болно гэж хэл. Тэнгэрийн улс бодитой байдаг шиг там ч бас бодит гэдгийг хэлээрэй” гэв.
Бурхан таныг тамын тухай мэдэж, тэр газраас аврахыг хүсч байна. Танд аврагдах гарц бий шүү гэдгийг хэлэхийг хүсч байна. Тэр зам бол таны сүнсний Аврагч Есүс Христ шүү. Зөвхөн Амийн номонд нэр нь бичигдсэн хүмүүс аврагдах болно гэдгийг санагтун.
Бид тамын гэдсэнд явагдаж буй эхний үйл ажиллагаан дээр ирэв. Энэ нь бидний орж ирсэн газраас баруун тийшээ нэгэн жижиг толгод дээрх харанхуй булан байв. Эзэн надад хэлж буйг би сонсов. “Би чамайг зарим үед хэсэг зуур орхисон юм шиг санагдах болно. Гэвч би чамайг хэзээ ч орхихгүй гэдгийг санагтун. Надад тэнгэр газар дахь бүх эрх мэдэл, хүч чадал бий гэдгийг санаарай. Зарим үед муу сүнснүүд болон энд үүрд алдагдсан сүнснүүд биднийг харж чадахгүй. Бүү айгтун. Чиний одоо харах гэж бүх зүйл бодит. Тэдгээр нь энд одоо ч болсоор байгаа бөгөөд үхэл ба там эцсийн цаг мөчид галтай нуурт хаягдах хүртэл үргэлжилсээр байх болно гэдгийг санагтун”.
Хүмүүс ээ, таны нэр Амийн номонд бичигдсэн эсэхийг сайтар мэдээсэй гэж би хүсч байна.
Бидний өмнө зовон тарчилж буй сүнснүүдийн хашгиралдаан уйлах дуу сонсогдож байв. Бид жижиг толгод дээр гарч зогсоод цааш харав. Гэрэл орчин тойрныг гэрэлтүүлж байсан учраас би харж чадаж байв. Хүмүүсийн аймшигтайгаар орилож чарлахыг би сонсов.
Есүс надад “Намайг сонс. Чиний одоо харах гэж буй зүйл бодит бөгөөд сайн мэдээний үйлчлэгч нар одоо сонсогтун, эдгээр бүх зүйл үнэн гэдгийг мэд. Эзэн Есүс Христийн тухай сайн мэдээг тараахаар дуудагдсан бүх хүмүүс, Миний Үгийг тунхаглаж буй сайн мэдээ тараагч, номлогч, багш нар сэрэгтүн. Хэрэв чи гэм нүгэл хийж байгаа бол гэмш, үгүй бол чи зовон тарчилж буй эдгээр сүнснүүдийн нэгэн адил мөхөх болно” гэв. Бид тамын эхний үйл ажиллагаа болж байгаа газар уруу 5 метр дөхөн ирсэн. Би нэгэн авс шиг зүйлийг тойрон алхаж буй хар дүрснүүдийг харав. Сайн дөхүүлэн харахад тэдгээр дүрснүүд муу сүнснүүд байв. Тэд 12-лаа байсан бөгөөд авсыг тойрон явж байхдаа дуулалдан инээлдэцгээж байв. Тэд бүгд гартаа жижиг жад барьсан байсан бөгөөд авсны эргэн тойронд гарсан нүхнүүд уруу сүлбэн хатгаж байв. Аймшигтайгаар зовон тарчилж буй хүний хашгирах дуу орчныг цуурайтуулахад би өмнөө болж байгаа үйл явдалд дагжин чичирсэн.
Есүс миний бодлыг мэдэж, надад хандан “Охин минь, энд олон сүнс тарчилж байгаа, бас олон янзын тарчлал бий. Сайн мэдээг зааж байсан хирнээ гэм нүгэл үйлдсэн эсвэл өөрсдийн дуудлагаа дагаж чадаагүй хүмүүс илүү их шийтгэгдэх болно” гэв.
Тэр хүний хашгирах дуу намайг цөхрөл зовлонд оруулсан. Тэр хүн “Найдвар алга, найдвар алга” гэж хэлж байв. Энэ цөхрөлийн дуу авсан дотроос сонсогдож байсан бөгөөд зогсолтгүйгээр орилон хашгирч байсан.
“Бурхан минь ээ, ямар аймшигтай юм бэ?”
Есүс “ Нааш ир, ойроос хар” гэв. Есүс авс уруу дөхөж, дотор тал уруу нь харав. Би ч бас дагав. Муу сүнснүүд биднийг харахгүй байв.
Авсан дотор бохир саарал дүрс харагдав. Энэ нь тэр хүний сүнс байсан бөгөөд муу сүнснүүд авсны нүхээр жадаа шургуулахад тэр хүний сүнсийг нэвт хатгаж байсан.
Өвдөлт, шаналал зовлонгоор дүүрэн энэ хүний дууг би хэзээ ч мартаж чадахгүй. “Түүнийг гаргаач, түүнийг эндээс гаргаач дээ” гэж би Есүс уруу хашгирсан. Тамлагдан зовж байгаа энэ хүнийг харахад үнэхээр аймшигтай байсан. Түүнийг аварч чаддаг ч болоосой. Би Есүсийн гараас татаж, авсан дотроос тэр хүнийг гаргахыг гуйж байв.
Есүс над уруу харж, “Охин минь, амар тайван байгтун” гэж хэлсэн.
Есүс надтай ярьж байтал тэр хүн биднийг харсан. Тэр “Эзэн минь ээ, Эзэн минь ээ, намайг эндээс гаргаач. Намайг өрөвдөөч” гэж хэлсэн. Би түүн уруу харахад цусанд хутгалдсан түүний бохир заваан биеийг харсан. Миний өмнө тэр хүний сүнс байсан бөгөөд түүний зүрхнээс цус олгойдон гарч байсан. Жад түүний зүрхийг нэвт хатгаж байсан. “Эзэн минь ээ, би одоо Танд үйлчлэх болно. Намайг эндээс гаргаач дээ” гэж тэр хүн хэлж байв. Тэр хүн зүрхийг нь нэвт хатгах жадны хатгалт бүрийг мэдэрч байгааг би мэдсэн.
Эзэн надад “Тэр энд өдөр шөнөгүй тарчилдаг. Сатан түүнийг энд хийсэн бөгөөд Сатан бас түүнийг тамлан зовоодог” гэж хэлэв.
“Эзэн минь ээ, би одоо сайн мэдээний үнэнийг тунхаглах болно. Би хүмүүст гэм нүгэл болон там гэж юу болохыг хэлэх болно” гэж тэр хүн хэлэв.
Есүс “Энэ хүн Бурханы Үгийг номлодог хүн байсан. Тэр надад бүх зүрх сэтгэлээрээ үйлчлэн олон хүнийг аврал уруу авчирдаг байсан. Түүгээр дамжуулан аврагдсан зарим хүмүүс өнөөдрийг хүртэл намайг дагасаар байдаг. Гэвч энэ хүн дэлхийн зугаа цэнгэл, эд мөнгөний хуурамчид итгэлээ алдсан. Тэр Сатанд өөрийг нь захирахыг зөвшөөрсөн. Түүнд том цуглаан, сайхан машин, маш их орлого байсан. Гэвч тэр цуглааны өргөлөөс хулгайлах болсон. Тэр худал зүйл номлодог болсон. Тэр үнэн худал хоёрын хооронд ярьдаг болж, Намайг өөрийг нь сахилгажуулахыг зөвшөөрөөгүй. Би түүн уруу өөрийн элч нарыг илгээж, гэм нүгэлдээ гэмшиж үнэнийг номлохыг хэлсэн боловч тэр энэ дэлхийн зугаа цэнгэлийг Бурханы амиас илүүд үзсэн. Тэр Библид заагдсан үнэнээс өөр зүйлийг номлож болохгүй гэдгийг мэдэж байсан. Тэр үхэхээсээ өмнө Ариун Сүнсний баптисм бол худал бөгөөд Ариун Сүнстэй гэж хэлсэн хүн болгон хуурамч итгэгчид гэсэн. Тэр хэлэхдээ архи уудаг хүн Бурханы өмнө гэмшээгүй ч гэсэн тэнгэрийн улсад орж болно гэж хэлсэн. Бурхан сайн учраас хэнийг ч тамд орохыг зөвшөөрөхгүй гэж хэлдэг болсон. Тэр олон сайн хүнийг Эзэний нигүүлслийг орхиход хүргэсэн. Тэр өөрөө өөртөө бурхан болж, Бурхан надад хэрэггүй гэж хэлсэн. Тэр энд тэнд семинар хийж, ийм зүйлийг номлох болсон. Тэр Миний Ариун Үгийг улан дороо гишгэсэн. Гэсэн ч би түүнийг хайрласаар байсан.
“Охин минь, хүн намайг танин мэдсэнийхээ дараа надаас урваснаас намайг огт таниагүй байсан нь хамаагүй дээр” гэж Эзэн хэлэв.
“Эзэний үгийг сонссон ч болоосой. Өөрийнхөө сүнсний төлөө болон бусдын сүнсний төлөө санаа тавьсан ч болоосой” гэж би түүний төлөө харамсаж байсан.
“Тэр намайг сонсоогүй бөгөөд түүнийг дуудахад тэр намайг сонсоогүй. Тэр амар хялбар амьдралд дурлах болсон. Би түүнийг гэм нүгэлдээ гэмшихийг ятгасан боловч тэр над уруу ирээгүй. Нэгэн өдөр тэр бусдын гарт амиа алдаж энд ирсэн. Одоо Сатан түүнийг Миний Үгийг номлож, олон хүнийг над уруу авчирч байсных нь төлөө тамлан зовоож байна. Энэ бол түүнд оногдсон тамлал” гэв.
Муу сүнснүүд авсыг тойрон алхаж байгааг харав. Түүний зүрх нь хүчтэй цохилж, жинхэнэ цус садран гарч байгааг би харсан. Түүний өвчин шаналал, уй гашууд баригдсан дуу хоолойг би хэзээ ч мартахгүй.
Есүс авсан дотор байгаа хүнийг өрөвдөн харж байхдаа “Түүний гар алдагдсан олон сүнснүүдийн цусаар бузарлагдсан. Тэдний олонх нь энд одоо тамлагдан зовж байна” гэсэн. Есүс бид хоёр гунигт автсан чигтээ цааш алхав.
Биднийг тэндээс холдон явахад хэсэг муу ёрын сүнснүүд авс уруу ойртон ирж байхыг харсан. Тэд 1 метр орчим өндөртэй, толгой дээгүүрээ хар юүдэн нөмөрсөн хар хувцастай байсан. Тэд тэр хүнийг тамлан зовоохоор ээлж солилцож байсан.
Бид өөрсдийн алдаа зөрчлөө хүлээн зөвшөөрч уучлал гуйхдаа хичнээн их бардам юм бэ гэж би бодож байсан. Бид өөрсдийгөө даруу болгож өөрсдийн гэм нүгэлдээ гэмшихээс татгалздаг, зөвхөн би л гэмгүй ариун гэж боддог. Гэвч та сонсооч, там үнэхээр байдаг. Тийшээ очихыг та өөртөө бүү зөвшөөрөөч.
Дараа нь Есүс надад дэлхий дээгүүр сунан тогтсон нэгэн аварга том цагийг харуулсан. Цагийн зүүний урагшлан явах чимээг би тод сонсож байв. Түүний богино зүү 12 цаг болоход ойртсон байсан бөгөөд урт зүү нь эргэлдэн явсаар 12-т гурван минут дутуу байхад зогсов. Дараа нь урт зүү дахин хөдөлж эхлэхэд түүний дуугарах чимээ дэлхий даяар хүчтэй сонсогдсон.
Бурханы дуу хоолой бүрээн дуу мэт, усны хүрхрээ мэт ярьж эхэлсэн. Бурхан: “Ариун Сүнс өөрийн цуглаануудад юу гэж хэлэхийг сонсогтун. Бэлэн байгтун. Та нарыг мэдэхгүй байхад би ирэх болно. Цаг урагшилсаар байна. 12 цаг болж байна. Сүйт залуу сүйт бүсгүйгээ авахаар ирж байна” гэсэн.
Найз минь, Есүс удахгүй ирэх гэж байна, чи бэлэн байна уу? Эсвэл чи “Өнөөдөр Есүс ирэхгүй” гэж хэлдэг хүмүүсийн нэг үү? Түүний нэрийг дуудан өнөөдөр чи аврагдахыг хүсч байна уу? Өнөөдөр түүнд зүрх сэтгэлээ өгөхийг хүсч байна уу? Хэрэв чи өнөөдөр Есүсийн нэрийг дуудан гэм нүгэлдээ гэмших юм бол Есүс чамайг бузар муугаас салгаж аварч чадна гэдгийг санагтун. Гэр бүлийнхнийхээ төлөө болон хайртай дотны хүмүүсийнхээ төлөө залбирч дэндүү оройтохоосоо өмнө Есүст итгэж аврагдахыг хүсэн залбирч гуй.
“Би чамайг бузар муугаас хамгаалж, чиний бүх замыг хамгаалах болно. Чамайг болон чиний хайртай хүмүүсийг аврах болно. Өнөөдөр намайг дуудаж, амийг ол” гэж Есүс хэлснийг битгий март.
Энэ зүйлийг уншиж байгаа та бүхнийг дэндүү оройтохоосоо өмнө үнэнийг ухаараасай гэж би залбирч байна. Там бол үнэхээр бодит бөгөөд тэнд үзэж харж сонссон бүхнээ би та нарт харуулахыг бүх хүч чадлаараа чармайж байна. Надад тохиолдсон энэ бүх зүйл үнэн гэдгийг би мэднэ. Таныг Есүс Христийн өмнө гэмшиж түүнийг өөрийн Аврагч Эзэнээ болгон хүлээн авахыг би сануулж, залбирч байна.
Есүс надад “Явах цаг боллоо. Бид маргааш энд дахин ирэх болно” гэж хэлэв.

More humors ....

2009-12-08T20:23:00.026Z

3 бяцхан жаал хэнийх нь аав агуу вэ гэж маргалдацгаав. Нэг дэх жаал “Миний аав хамгийн агуу, хотын банкны ерөнхийлөгч юм чинь” гэхэд хоёр дах нь “тэгвэл миний аав хотын хоёр дэлгүүрийн эзэн юм чинь” гэхэд гурав дахь нь “Тэр юу ч биш, миний аав номлогч, бас тамын эзэн юм чинь. Тэр өчигдөр орой ажлаасаа ирэхдээ ээж бид 2-т сүмийн зөвлөл түүнд тамыг даатгаж өгсөн гэж хэлсээ” гэжээ.

Гудамжинд сууж байсан 3 жаалын нэг нь “Юу гээч? Манай аав цаасан дээр шүлэг гэж нэрлэдэг юм бичээл 100 доллар авдаг” гэхэд хоёр дахь жаал “тийм үү, тэгвэл манай аав зураг гэж нэрлэдэг юм зураал 300 доллар авдаг” гэхэд гурав дахь жаал “Тэр юу ч биш, манай аав номлол гэж нэрлэдэг хэдэн юм бичихэд түүний мөнгийг цуглуулах гэж 5 залуучууд тусалдаг юм чинь” гэжээ.

Миний найз нэгэн өдөр сүм дээрээ ирэв. Пастор үүдэн дээр зогсоод хүн болгонтой гар барин мэндчилж байв. Пастор найзын маань гараас шүүрэн авч хажуу тийш болон зогсов.
Пастор түүнд “Чи Эзэний цэрэг болох хэрэгтэй.”
“Би аль хэдийн Эзэний цэрэг болцийшдээ”
“Тэгвэл би чамайг Xристмас баяраас бусад үед яагаад олж хардаггүй билээ?”
“Би нууц албанд нь байдаг байхгүй юу.”

ттттттттиииииииитттттттттттттттттттттттттттттттттттттттттттттттттттттт

Humor

2009-12-07T13:41:00.005Z

Хоёр бяцхан хүү эмээтэйгээ хамт амьдардаг байжээ. Орой болж унтах цаг болоход тэд хамтдаа залбирцгаав. Эхлээд ах нь залбирч эхлэв. Ах нь өдөр юу хийсэн тухайгаа болон Бурханд хэрхэн талархаж байгаагаа хэлэв. Дараа нь дүү нь залбирч эхлэв, тэр ахаасаа илүү чанга дуугаар хашгиран унадаг дугуй, тоглоомтой болгож өгөөч гэж залбирав. Залбирч дуусахад ах нь түүнд “Чи ямар чанга залбирдийн? Бурхан дүлий бишшдээ” гэв. Дүү нь “Тийм л дээ, гэхдээ эмээ дүлийшдээ” гэжээ.

Жил: Чи Библиэ уншсан уу?
Жак: Үгүй, би киногий нь гарахыг хүлээж байгаа.”

Нэгэн өдөр хүү гэрийнхээ гадна тоглож байв. Тэр ээжийнхээ гэр шүүрддэг урт бариултай шүүрээр морь болгон өдөржин тоглов. Түүнд ихэд хөгжилтэй байв. Орой болоход тэр шүүрийг саравчинд үлдээж гэртээ орж ирэв. Ээж нь гал зуухныхаа өрөөг цэвэрлэж байхдаа шүүр байхгүй байгааг мэдэж, бяцхан хүүгээс шүүр хаана байгааг асуув. Хүү ч шүүр хаана байгааг ээждээ хэлэв. Ээж нь түүнийг гараад саравчнаас авч ирэхийг хэлэв. Гадаа харанхуй байгаа учраас айж байна, гармааргүй байна гэж хүү хэлэв. Ээж нь түүн уруу харж инээмсэглэн, “Битгий ай, Есүс ч бас тэнд байгаа” гэв. Хүү хаалгаа жаахан онгойлгосхийж, Есүс ээ, хэрэв та тэнд байгаа бол надад шүүр аваад өгөөч” гэжээ.

Нэгэн өдөр хүүхдийн хичээлийн багш хүүхдүүддээ Библийн хамгийн алдартай ишлэл Дуулал 23-р бүлгийг цээжлэх даалгавар өгчээ. Бүхэл бүлгийг цээжлэхийн тулд тэдэнд 1 сарын хугацаа өгөв. Нэгэн бяцхан хүү даалгаврыг биелүүлэхдээ баяртай байсан боловч Дуулал 23-ыг яагаад ч цээжилж чадсангүй. Олон удаа цээжлэх гэж оролдсон боловч эхний ишлэлийг л дөнгөж дангаж нэг юм цээжлэв. Товлосон өдөр ирж хүүхдүүд цуглааны өмнө хэрхэн цээжилснээ харуулах цаг ирэв. Өнөөх хүү ихэд сандрав. Түүний ээлж ирэхэд тэр бахархалтайгаар микрофоны өмнө гарч зогсоод “Эзэн бол миний хоньчин. Энийг л мэдэх нь хангалттай” гэжээ.

You are God alone

2009-09-12T11:48:00.003Z

Ричардын түүх

2009-09-08T15:40:00.005Z

Ричард Баруун Африкийн Гана улсад амьдардаг байлаа. Тэр 1970-аад оны үед Хо хотын нэгэн сургуульд сурч байхдаа сургууль дээр нь болдог Бичээсийн нийгэмлэгийн үйл ажиллагаагаар дамжуулан итгэгч болжээ. Хар домын зан үйл хийдэг байсан түүний аав түүнийг Христчин болсныг мэдэнгүүт түүний сургуулийн төлбөрийг төлөхөөс татгалзав, учир нь хүү нь нэгэнт түүний шүтээнд үйлчлэхгүй гэж шийдсэн учраас цаашид түүнийг санхүүгээр хангахаас татгалзжээ. Хүү сургуулиа орхихоос өөр зам байсангүй.
Гэвч Эзэний ивээлээр түүний зарим Христчин найз нөхөд нь түүний сургуулийн төлбөрийг төлөхөөр болсон учраас хүү 5-р анги хүртлээ сургуульд сурав.
Дараа нь тэр маш хүнд өвдөв. Түүнийг Хо хотын улсын эмнэлэгт хэвтүүлсний дараа найз нөхөд нь түүнийг эргэхээр ирдэг байв. Нэгэн удаа найзууд нь түүн дээр иртэл сувилагч тэднийг оруулахаас татгалзав. Түүний орыг тойруулан ногоон хөшиг татсан байв. Энэ нь өвчтөн нэг бол усанд орж байгаа эсвэл үхсний дохио байдаг байв. Найзууд нь сувилагчаас нилээд гуйсны эцэст зөвхөн 2 нь түүн дээр орох зөвшөөрөл авав. Хоёр найз Ричардын орон дээр очиход түүнийг үхсэн байгааг хараад гашуудалд автав. Тэгээд ямар ч эргэлзэх тээнэгэлзэх зүйлгүйгээр түүний төлөө залбирч эхлэв. Хэрэв Ричард одоо үхэх нь таны хүсэл бол та хүслээ биелүүлэгтүн гэж Бурханаас залбирав.
Хэдэн минутын дараа Ричардын нэг гар хөдөлж эхлэв. Дараа нь нөгөө гар нь хөдлөв. Найзууд нь түүнийг ажиглан харж байлаа. Эцэст нь тэр гүн амьсгаа авч, нүдээ нээв. Ричард энэ дэлхий дээр буцаж ирсэндээ харамсаж байна гэв. Юу гэсэн үг вэ? гэж найзууд нь асуухад тэр дараахь түүхийг тэдэнд ярьжээ.
Миний бие яг л харвасан сум шиг маш хурдтайгаар тэнгэр уруу ниссэн. Тэгээд тэнгэрт нэгэн нүх нээгдэж түүгээр ороход нэгэн цагаан дээлтэй хүү зогсож байсан. Тэр миний гараас барьж, “Тавтай зочлогтун” гэж хэлээд дэлхий уруу эргэж харахыг хэлэв. Намайг дэлхий уруу эргэж харахад хүмүүс яг л бөмбөг шиг жижигхэн харагдаж байв. Маш олон хүмүүс байсан. Тэд хүний санаанд оромгүй ичгүүртэй зүйлсийг үйлдэж байв. Цагаан дээлтэй хүү тэдний амьдралын бүх зүйлс ийнхүү ил харагддаг гэж хэлэв.
Дараа нь хүү өөрийгөө дагаж явахыг хэлэв. Бид маш олон хүн эгнэн зогссон Шүүгчийн сэнтийний өмнө ирсэн. Тэдний зарим нь миний таньдаг хүмүүс байв. Хүмүүс нэг нэгээрээ ээлж дараагаараа Шүүгчийн өмнө ирж зогсож байв (2 Коринт 5:10 "Учир нь хүн бүр мууг ч бай, сайныг ч бай, юу үйлдсэнийхээ төлөө биеэрээ хариугаа авахын тулд бид бүгдээрээ Христийн шүүхийн суудлын өмнө гарч ирэх ёстой"). Тэднийг харж байтал зарим хүмүүс Шүүгчийн өмнө ирэхдээ хэзээ нэгэн цагт тэд Шүүгчийн өмнө ирнэ гэдгээ мэдэхгүй байсан гэж хэлж байв. Тэд Шүүгчийн өмнө өөрийнхөө хэргийн талаар ярьж байх үед Шүүгч тэдний дээрээс харж байв. Дараа нь тэднийг зүүн гар талд зогсохыг хэлэв.
Зарим хүмүүс Шүүгчийн өмнө ирэхдээ юу ч хэлсэнгүй зөвхөн тэднийг урагш гарч зогссоны дараа баруун гар тал уруу зогсохыг хэлж байв.
Энэ үйл явцыг би хэсэг зуур харж зогссоны дараа намайг дагуулан явж байсан хүү зүүн гар талд зогссон хүмүүст юу тохиолдохыг харуулъя гэв. Бид нэгэн хаалганы өмнө ирж зогсов. Хаалгыг тогшсоны дараа нээгдэхэд нэгэн харанхуй өрөө байгааг харсан. Тэнд хүмүүс шүдээ хавиран гаслан зовж байв. Би маш их айдаст автахын хажуугаар тэднийг маш их өрөвдсөн.
Дараа нь хүү бид 2 баруун гар тал уруу явав. Бас нэгэн хаалганы өмнө ирэв. Хүү хаалгыг тогшиход нээгдэж, дотогш хартал өрөөний шал алтаар хийгдсэн байв. Энэ газар хурц тод өнгийн гэрлээр гэрэлтэж, хүн бүр баяр жаргалтай, инээд хөөрөөр дүүрэн байсан. Тэд Эздийн Эзэн Хаадын Хааныг магтан дуулж байв. Би маш их баяр хөөрийг мэдэрч, хөл дээрээ үсрэн цовхорч байв, тэгээд өрөө уруу орох гэтэл хүү намайг хойш нь татаж, миний цаг арайхан болоогүй гэж хэлэв. Тэр надаас Матай 24-р бүлгийг уншиж байсан уу гэж асуув. Уншсан гэхэд тэр, Есүсийн дахин ирэхийг зөгнөсөн шинж тэмдгүүд одоо нэг нэгээрээ биелж байна. Эзэний дахин ирэх хугацаа одоо нэг их үлдээгүй гээд энд үзэж харсан бүх зүйлүүдийг хүмүүст яриарай гэв. Дараа нь хүү намайг орхиж, би дэлхий дээр ирсэн.

Буддист лам Есүст итгэсэн нь

2009-09-04T22:42:00.004Z

Миний бага залуу нас
Сайн байна уу. Миний нэрийг Атет Пиян Полу гэдэг. Би Бирм улсын хүн. Би та бүхэнтэй миний амьдралд тохиолдсон зүйлийн талаар өөрийнхөө тухай гэрчлэлийг хуваалцахыг хүсч байна, эхлээд би хэрхэн өсч торнисон тухайгаа товчхон хуваалцъя.
Би 1958 онд Бирм улсын өмнөд хэсэг Ирраваддийн буланд Богале гэдэг нэгэн жижигхэн хотод төрсөн. Олон хүмүүсийн адил буддист шашинтай байсан миний эцэг эх надад Титпин гэдэг нэрийг өгсөн (мод гэсэн утгатай) юм. Миний өсч торнисон газрын хүмүүс эгэл жирийн амьдардцгаадаг байв. 13 настайдаа би сургуулиа орхиж, загас барьдаг завин дээр ажиллаж эхлэсэн. Бид Ирраваддийн булан хавиарх голуудаас загас заримдаа сам хорхой барьдаг байв. 16 настайдаа завины ахлагч болов. Энэ үед би төрсөн хот Богалегоос хойшоо Майнтахлагионд (Үзэсгэлэнт эмэгтэй гэсэн утгатай) амьдарч байв. Энэ бол манай улсын нийслэл Янгон (Рангоон) хотоос 100 милийн зайд оршдог газар юм.
Нэгэн өдөр бид, намайг 17 настай байхад торондоо маш их загас барив. Маш их загас байсан болохоор бид нэгэн том матрын хараанд өртөж, матрын дайралтад оров. Бид ихэд айж, завиа аль болох хурдан эрэг уруу залахыг оролдов. Матар бидний араас хөөж завины сүүлийг хэмх цохив. Хэдийгээр энэ явдалд хэн ч осолдож эндээгүй ч миний амьдралд хүчтэй нөлөөлж, дахин загас барихаа болихоор шийдсэн юм. Бидний бяцхан завь матрын дайралтаас болж усанд живсэн учраас бид тэр оройдоо усан онгоцонд сууж, гэр гэр уруугаа харьцгаав.
Удалгүй аавын ажил Янгон хот уруу шилжиж, би 18 настайдаа буддын шашны нэгэн хийдэд анх удаагаа лам болохоор шавилан суув. Тэр үед олон эцэг эхчүүд хүүгээ буддын хийдэд шавилан суулгахыг хүсдэг байв, энэ нь хүүтэй хүмүүсийн хувьд нэр төрийн хэрэгт тооцогддог байлаа.
Зүтгэлтэй Буддагийн шавь
19 нас, 3 сартайдаа (1977 онд) би энгийн нэгэн лам болж, надаас ахиу зэрэг цолтой ахлах лам уламжлал ёсоор надад буддын шинэ нэр У Ната Паннита Ашинтириа гэдэг нэр өгөв. Бид лам болоход эхээс мэндлэхдээ авсан нэрээ хадгалдаггүй билээ. Миний шавилан сууж байсан хийдийг Мандала Киакасан Киаинг гэж нэрлэдэг байв. Энэ хийдийн ахлах лам бол У Задила Киар Ни Кан Саиадав гэдэг хүн байв (У Задиа гэдэг нь түүний цолны нэр). Энэ хүн тэр үеийнхээ хамгийн алдартай лам байсан ба олонд нэр хүндтэй, Их багш хэмээн өргөмжлөн дээдлэгддэг байв. Энэ хүний тухай би яагаад өнгөрсөн цаг дээр яриад байна вэ гэхээр тэр 1983 онд гэнэт машины хүнд ослын улмаас нас барсан юм. Түүний үхэлд хүн бүр маш их цочирдсон юм. Тэр үед би лам болоод 6 жил болсон байв.
Би Буддын шашны сургаал номлолыг дагаж, сайн лам болохын тулд бүх хүч чадлаараа зүтгэж байв. Би нэгэн үе оршуулгын газар уруу явж, тэнд амьдарч бясалгал хийдэг байлаа. Хэрэв лам хүн Буддын үнэн сургаалийг мэдэхийг хүсвэл иймэрхүү зүйлийг хийдэг байв. Зарим нь гүн ой уруу явж өөрийгөө үгүйсгэн ядуусын амьдралаар амьдардаг байв. Би өөрийн санаа бодол, хүсэл мөрөөдлөө үгүйсгэн, өвчин зовлонгоосоо салж, энэ дэлхийн хувь заяаны эргүүлгээсээ гарахын тулд оршуулгын газар уруу явсан юм. Тэнд очоод би хий үзэгдэх сүнснүүдээс айсангүй. Би аль болох өөрийнхөө дотоод амар амгалан дотор үлдэхийг хичээж, шумуул миний гарыг хазаж байсан ч тоохгүй байдаг байв!
Хэдэн жилийн турш би сайн лам болохыг хичээж, амьтай зүйлд хор хүргэхгүйг хичээн, эртний хүмүүсийн хийж ирсэнтэй адилаар Буддын ариун сургаалуудыг судлаж эхлэв. Нэгэн өдөр би маш хүнд өвдөх хүртлээ ламын амьдралаар ийнхүү амьдарсан юм. Тэр үед би Мандала хийдэд байсан бөгөөд тэндээсээ шууд эмнэлэгт хүргэгдэв. Эмч нар надад шинжилгээ хийж, нэгэн зэрэг халуун шар ба малари туссан гэж оношлов. Үүний дараа эмнэлэгт нэг сар хэвтсэн боловч байдал улам дордож, эцэст нь эмч нар намайг эдгэх ямар ч найдлагагүй гэж үзээд эмнэлгээс гаргахаар болов.
Энэ бол миний амьдралын өнгөрсөн түүх юм. Үүний дараа надад нэгэн онцгой үйл явдал тохиолдсоныг ярья...
Миний амьдралыг үүрд өөрчилсөн үйл явдал
Намайг эмнэлгээс гарахад хийдийн бусад лам нар намайг халамжилж байлаа. Би улам сульдсаар сүүлдээ ухаан алдсан юм. Энэ үед би 3 өдөр үхсэн байсан гэдгээ сүүлд мэдсэн юм. Миний бие ямар ч амьгүй болж, зүрхний цохилт зогссон учраас миний биеийг занданшуулахад бэлтгэж, Буддын ариун ёсны дагуу оршуулахад бэлтгэж эхлэв.
Хэдийгээр миний бие үхэж байсан боловч миний сүнс, сэтгэл санаа сэргэг хэвээрээ байв. Нэгэн үе би маш хүчтэй салхи шуурган дунд явж байв. Энэ хүчтэй салхины улмаас бүх модод унаж, байгаль тэр чигээрээ хавтгай болсон байв. Энэ тал газраар би хурдан гэгч алхав. Энд надаас өөр хүн байсангүй, би ганцаараа алхсаар байв. Дараа нь хэсэг голыг гатлан гарав. Голын цаана гарахад би аймшигтай галт нуур байгааг харав. Буддын сургаалд галтай нуурын тухай ойлголт байдаггүй учраас эхлээд би юу ч ойлгосонгүй, харин Иамаг \Иама бол бүх Ази даяар тамын хаан гэж нэрлэгддэг шүтээн\ хараад бүх зүйлийг ойлгосон. Түүний их бие, нүүр нь арслан шиг боловч хөл нь могой шиг харагдаж байв. Толгой дээр нь хэд хэдэн эвэр байв. Түүний царай догшин хэрцгий харагдаж байв. Би маш их айж, түүнийг хэн болохыг чичирсээр асуув. Тэр “би бол Тамын хаан, Устгагч” гэв.
Аймшигтай галт нуур
Тамын хаан намайг галтай нуур уруу хар гэж хэлэв. Галтай нуур уруу харахад улбар шар өнгийн Бирмд лам нарын өмсдөг шиг нөмрөгийг олж харав. Тэр зүйлийг улам дөхүүлэн харахад хүний үсгүй халзан толгой харагдав. Тэр хүний нүүр уруу харахад миний багш У Задила Киар Саиадав лам байхыг харав (1983 онд машины ослоор нас барсан алдартай лам).
“Яагаад миний багш галтай нууранд байгаа юм бэ?” гэж би асуув.
Тэр маш сайн багш байсан. Тэр байтугай тэр, хүмүүс бид амьтнаас илүү хувь завшаантай хүмүүс гэдгийг ойлгуулсан “Та хүн үү эсвэл нохой юу? гэсэн алдарт сургаалаа олны дунд айлдан алдаршиж байсан хүн.
Тамын хаан:
“Тиймээ, тэр сайн багш байсан, гэвч тэр Есүс Христэд итгээгүй учраас одоо тамд байна” гэв.
Тэр намайг галтай нуур уруу дахин хар гэж хэлэв. Толгойн зүүн хэсэг дээрээ урт үсээ шууж боосон нэгэн хүнийг харав. Тэр хүн бас л лам хүний өмсгөлтэй байв.
“Энэ хүн хэн бэ?” гэж асуув.
Тамын хаан “Энэ бол чиний шүтдэг хүн Гаутама (Будда багш)” гэж хэлэв. Гаутамаг хараад би маш их цочирдов.
“Гаутама бол сайхан сэтгэлтэй, сайн ёс суртахуунтай багш байсан, яагаад тэр галтай нууранд зовж байгаа юм бэ?” гэж асуув.
Тамын хаан надад “Тэр ямар сайн хүн байсан нь хамаагүй, тэр Мөнхийн Бурханд итгээгүй учраас энд ирсэн” гэв.
Би тэнд бас нэг цэргийн хувцастай хүнийг харав. Тэр цээжин дээрээ хүнд шархадсан байв.
“Энэ хүн хэн бэ?” гэж асуув.
Тамын хаан “Энэ бол Бирмийн хувьсгалт намын удирдагч Аунг Сан” гэв. “Тэр Христэд итгэдэг олон хүнийг хавчин алж байсан, гэхдээ тэр Есүс Христэд итгээгүй учраас энд ирсэн” гэж тамын хаан хэлэв. Бирмд хүмүүс “Цэрэг хүн хэзээ ч үхдэггүй мөнхөд амьдардаг” гэж ярьдаг. Харин тамын цэргүүд “Цэрэг хүн хэзээ ч үхдэггүй харин там уруу үүрд явдаг” гэж ярьдгийг би ойлгосон.
Галтай нууранд бас нэг хүнийг би харав. Тэр маш өндөр биетэй, цэргийн хуяг дуулгатай хүн байв. Тэр гартаа сэлэм, бамбай барьсан байв. Тэр духан дээрээ шархадсан байв. Тэр ер бусын өндөр биетэй хүн байв. Тэр 3 метр орчим өндөртэй харагдаж байв.
Тамын хаан “Энэ хүнийг Голиат гэдэг. Тэр Мөнхийн Бурханыг болон Давидыг доромжилсон учраас тамд ирсэн” гэж хэлэв. Би Голиат, Давид гэж ямар хүмүүс болохыг мэдэхгүй учраас юу яриад байгааг нь ойлгосонгүй. Тамын хаан “Голиат бол Христийн Библийн номонд гардаг хүн. Чи одоохондоо энэ тухай мэдэхгүй, гэвч чи Христэд итгэдэг болохоороо түүнийг мэдэх болно” гэв.
Дараа нь би баян, ядуу хүмүүс хоол идэхээр цугласан нэгэн газар ирэв.
“Хэн тэдэнд энэ хоолыг хийж өгдөг вэ?” гэж асуухад тамын хаан
“Ядуучууд нь өөрсдөө хоолоо бэлтгэнэ, харин баячуул нь бусад хүмүүсээр хоолоо хийлгүүлнэ. Тэд суугаад бэлэн болсон хоолоо идэх үед өтгөн утаа гардаг. Тэд аль болох хурдан идэхийг хичээх боловч утаанаас болж амьсгалахад ч хүнд болно. Мөнгө тэдний бурхан болсон учраас тэд ийнхүү зовох тавилантай болсон” гэв.
Би бас галтай нуурын дор галыг өрдөн асааж буй нэгэн амьтныг харав.
“Чи бас энэ галтай нууранд шийтгэлээ авахаар ирсэн үү?” гэж тэр амьтан асуув.
“Үгүй, би энд харахаар ирсэн” гэж хариулав.
Галыг асааж буй амьтны дүр үнэхээр аймшигтай харагдаж байв. Тэр толгой дээрээ 10 эвэртэй, гартаа 7 хурц иртэй жад барьсан байв. Өнөөх амьтан:
“Чиний зөв. Чи энд ажиглах гэж ирсэн юм байна. Чиний нэр энд алга. Одоо чи ирсэн замаараа буцаж яв” гэж хэлээд миний анх явж ирсэн эзгүй тал уруу гараараа заав.
Шийдвэрийн зам
Би дахин өнөөх замаараа удаан алхав. Би цус алдсаар, маш их халууцаж, өвдөж байгаагаа мэдрэв. 3 цаг хиртэй ийнхүү алхсаны эцэст нэгэн өргөн их замыг харав. Өргөн замаар хэсэг алхсаны дараа хоёр хэсэг салаа зам дээр ирэв. Нэг зам нь зүүн тийшээ салбарласан байх бөгөөд өргөн байв. Нөгөөх нь баруун тийшээ салбарласан нарийн зам байв. Замын уулзвар дээрх самбар дээр зүүн замыг Есүс Христэд итгэдэггүй хүмүүсийн зам, баруун замыг Есүст итгэдэг хүмүүсийн зам гэж бичсэн байв.
Би өргөн зүүн замыг ихэд сонирхож, түүгээр орон алхаж эхлэв. Миний өмнө 300 метр зайнд хоёр эрэгтэй хүн алхаж явааг хараад тэднийг гүйцэх санаатай байдаг чадлаараа гүйсэн боловч яагаад ч юм бэ гүйцэж чадсангүй. Тэгээд замаасаа буцаж анхны уулзвар дээрээ буцаж ирэв. Би тэднийг замын төгсгөл хүртэл хэрхэн алхаж явааг нь харсаар зогсов. Гэнэт тэднийг ямар нэг үл үзэгдэх хүч хутгалчихав! Тэд аймшигтайгаар ёолон хашгирав. Тэднийг харж зогсож байсан би ч чангаар дуу алдав. Тэгээд энэ өргөн зам аюултай болохыг мэдэв.
Тэнгэрийн улсыг харсан нь
Ингээд би Есүст итгэгчдийн замаар алхаж эхлэв. Нэг цаг хиртэй алхав. Гэнэт замын гадаргуу цэвэр алт болж хувирав. Энэ алтан зам цэвэр, шижир алт байсан бөгөөд би өөрөө өөрийнхөө дүрийг хүртэл харж болохоор гэрэлтэн гялтаганаж байв. Миний өмнө нэгэн хүн гарч ирэхэд түүнийг цагаан дээл өмссөн байгааг харсан. Бас маш сайхан хөгжим уянгалан эгшиглэж байв. Ямар сайхан, ариун дуу хөгжим байсан гээч! Энэ бол энэ дэлхий дээрх ямар ч сайхан дуу хөгжмөөс илүү сайхан, төгс төгөлдөр дуу хөгжим байсан.
Цагаан дээлтэй хүн өөрийгөө дагаж явахыг хэлэв. “Та хэн бэ?” гэж асуухад тэр хариулсангүй. Түүний хэн болохыг 6 удаа асуусны эцэст тэр “Би бол тэнгэрийн улсын түлхүүрийг атгагч нэгэн. Тэнгэрийн улс бол маш сайхан газар. Чи одоохондоо тийшээ очиж чадахгүй. Гэвч хэрэв чи Есүсийг дагавал энэ дэлхий дээрх амьдрал чинь дууссаны дараа тийшээ очих болно” гэв. Түүнийг Петр гэдэг гэв (Есүсийн 12 дагалдагчийн нэг).
Петр дараа нь намайг суугаад, хойд зүг уруу хар гэв. Тэр “Хойд зүг уруу хар, Бурхан хүнийг хэрхэн бүтээснийг хар” гэв. Би Мөнхийн Бурханыг холоос харав. Бурхан нэгэн тэнгэрийн элчид хандан “Хүнийг бүтээцгээе” гэв. Тэнгэр элч Бурханыг ятган, “Хүнийг бүтээж хэрэггүй. Тэр буруу зүйл хийж, таныг гомдоох болно” гэж байв. Гэвч Бурхан хүнийг бүтээж, түүнд нэр өгөв. Бурхан түүн уруу үлээхэд амь оров. Тэр хүнийг Адам гэж нэрлэв. (Анхаар: буддизмд орчлон ертөнц болон хүнийг бүтээгдсэн гэдэгт итгэдэггүй, тийм болохоор энэ үйл явдал надад онцгой нөлөө үзүүлсэн юм.)
Шинэ нэртэй болж буцсан нь
Тэгээд Петр “Одоо босоод дэлхий уруу буц. Будда болон шүтээн шүтдэг хүмүүст очиж ярь. Хэрэв тэд өөрчлөгдөхгүй бол тамд очно гэдгийг хэл. Сүм хийд болон бурхан бүтээдэг хүмүүс ч бас тамд очих болно гэдгийг хэл. Сайн үйлс бүтээхийн тулд лам нарт өргөл барьц өгдөг хүмүүс болон лам нарт залбиран мөргөж, тэднийг “Пра” (бирмээр лам нарыг хүндэтгэн дууддаг нэр) гэж өргөмжлөн дууддаг хүмүүс ч гэсэн тамд очно гэдгийг хэл. Мөн тарни шившлэг хийж, шүтээнийг амилуулдаг хүмүүс ч тамд очих болно. Есүс Христэд итгээгүй бүх хүн там уруу явах болно” гэв. Петр намайг тэнд харсан зүйлийн талаар гэрчилж ярихыг хүсч байв. Тэр бас “Чи одооноос эхлэн шинэ нэртэй болно. Чамайг Атет Пиан Шинтав Паулу гэж нэрлэх болно” гэв (дахин амилсан Паул гэсэн утгатай).
Би дэлхий уруу буцахыг хүсэхгүй байв. Тэнгэрийн улс уруу явахыг хүсч байв. Тэнгэрийн элч нэгэн номыг нээв. Тэд эхлээд номноос миний хүүхэд цагийн нэрийг (Титпин) хайв. Гэвч олдсонгүй. Тэгээд тэд буддист болохдоо авсан нэрээр минь хайв (У Ната Паннита Ашинтириа). Бас л номонд бичигдээгүй байв. Дараа нь Петр “Чиний нэр номонд байхгүй байна, чи дэлхий уруу буцаж, буддист хүмүүст Есүсийн тухай гэрчлэх ёстой” гэж хэлэв.
Би алтан замаар буцаад алхав. Дахин би урьд өмнө амьдралдаа хэзээ ч сонсож байгаагүй аялгуут сайхан дууг сонсов. Петр надтай хамт дэлхий уруу буцах хүртэл хамт явав. Тэр надад тэнгэрийн улсаас дэлхий уруу доош буусан нэгэн шатыг үзүүлэв. Шат дэлхий дээр арай хүрэлгүй агаар мандалд тэнгэрийн дунд хүрээд алга болсон байв. Энэ шатаар тэнгэр элч нар өгсөж уруудан маш завгүй яваа харагдаж байв. “Тэд хэн бэ?” гэж Петрээс асуухад “Тэд бол Есүст итгэсэн болон итгээгүй хүмүүсийн нэрийг мэдээлэхээр явж буй Бурханы элч нар” гэж хэлэв. Дараа нь Петр надад явах цаг болсныг хэлэв.
Сүнс байна!
Ухаан орсны дараа хэн нэгэн хүн миний хажууд уйлж байгааг сонсов. Гэтэл “Хүү минь, хүү минь, биднийгээ яагаад орхичихов доо” гэж ээжийнхээ уйлахыг сонсов. Олон хүн миний эргэн тойронд гашуудан уйлж байгааг сонсов. Би авсан дотор байгаагаа мэдээд хөдөлж эхлэв.
Аав ээж хоёр “Тэр амьд байна, тэр амьд байна” гэж хашгирав. Бусад нь тэр хоёрт итгэж ядан хойшоо ухрав. Би авсны хоёр талаас барьж дээшээ босож суув. Хүмүүс айсандаа хөдөлж ч чадахгүй хөшиж орхив. Тэгснээ тэд “Сүнс байна” гэж орилолдож тал тал тийшээгээ хөлийнхөө хурднаар гүйлдэв. Үлдсэн хэдэн хүмүүс юу ч хэлж чадахгүй чичрэн зогсож байв. Авсан дотор 3, 4 аяга дүүрэхээр миний биенээс гарсан эвгүй үнэртэй шингэн урссан байв. Энэ бол намайг авсанд хэвтэж байх хугацаанд миний гэдэс, ходоод дотроос гарсан шингэн байв. Тийм учраас тэдгээр хүмүүс намайг үхсэн гэж бодож байв. Авсны дотор талыг хуванцараар доторлосон байсан нь над шиг үхэгсдийн биенээс гардаг шингэнийг гадагш нь урсгахгүйн тулд тэгж хадаж хийсэн байв.
Сүүлд нь би тэр үед хэсэгхэн хугацааны дараа галд өргөл болон чандарлагдах байснаа мэдсэн юм. Бирмд бид үхсэн хүмүүсийг авсанд хийж авсыг нь хадаасаар хадаж бэхэлсний дараа шатаадаг заншилтай. Намайг амь орсон тэр үед ээж аав хоёр минь намайг сүүлчийн удаа харахаар ирсэн нь тэр байв.
Түүний дараа тэд миний авсыг хадаж, чандарлахаар зэхэж байсан байв.
Би шууд л өөрт тохиолдсон болгоноо ярьж эхлэв. Хүмүүс гайхан алмайрч байв. Би тэнд галтай нууранд хэнийг харснаа болон Христэд итгэгчид хэрхэн цорын ганц үнэнд итгэдгийг, бас бидний өвөг дээдэс олон зууны турш хэрхэн мэхлэгдэж ирснийг хэлэв. Бидний итгэдэг байсан болгон маань бүгд худал байсныг хэлэв. Хүмүүс намайг өмнө нь ямар их идэвхи зүтгэлтэй лам байсан хийгээд Буддын ямар их үнэнч шавь байсныг мэдэх болохоор миний ярианд итгэж ядан байв.
Бирмд жирийн хүн үхэхэд авсных нь хажуу тал дээр овог нэр, насыг нь бичдэг харин лам хүн үхэхэд овог нэр, насыг нь лам байсан он жилүүдтэй нь хамт бичдэг уламжлалтай байдаг. Би бас үхлийн дансанд ийнхүү тэмдэглэгдсэн байсан бөгөөд одоо та бүхний мэдэж байгаагаар би эргээд амилсан байна!
Төгсгөл
Дахин амилсан Паул энэ үйл явдлын дараа Эзэн Есүс Христэд бат итгэсээр ирсэн юм. Тэр олон лам нарыг Есүст итгүүлсэн гэж Бирмийн олон пасторууд ярьдаг.
Түүний гэрчлэл бол ер бусын юм. Түүний энэ гэрчлэл тэнгэрийн улс уруу хүрэх цорын ганц зам Есүс Христ гэдэгт итгэдэггүй олон хүнийг гомдоосон юм. Хэдийгээр тэр олон эсэргүүцэлтэй тулгарч байсан ч түүнийг энэ итгэлээс нь хөдөлгөж чадахгүй түүний энэ ер бусын гэрчлэл нь түүнд дэндүү бодит байсан юм. Тэр олон жил Буддын сургаалийг дагаж, лам болсныхоо дараа үхсэн боловч үхлээс 3 хоногийн дараа дахин амилсныхаа дараа бусад лам нарт Есүс Христийн тухай ярьж түүнд итгэхийг уриалж эхэлжээ. Тэр ийнхүү хүндээр өвчилж, үхэхээсээ өмнө Христийн тухай огт сонсож байгаагүй бөгөөд 3 өдрийн турш үхэх үедээ амссан түүний энэ туршлага нь түүний хувьд цоо шинэ ойлголт байв.
Тэрээр өөрийн гэрчлэлээ хуурцаг, кассетан дээр бичиж тарааж эхэлсэн бөгөөд өнөөдөр Бирмийн цагдаагийн байгууллага болон Буддын шашны нэр нөлөө бүхий хүмүүс түүний бичлэг, кассетуудыг олж устгахын тулд бүх хүч чадлаа дайчилж байна.
Тэр өөрийн аймшиггүй гэрчлэлээсээ болж шоронд хэд хэдэн удаа орсон бөгөөд цагдаа нар түүний дуу хоолойг хязгаарлаж, чимээгүй болгохыг ятгаж байна. Гэвч тэр шоронгоос суллагдагцмаа өөрийн үзэж харсан зүйлийнхээ тухай тунхагласаар байна. Түүний одоо хаа байгаа нь тодорхой бус байна. Зарим хүмүүсийн ярьж байгаагаар тэр одоо шоронд байгаа, магадгүй алагдсан байх гэж байгаа ч нөгөө хүмүүсийн яриагаар тэр шоронгоос суллагдаж итгэлийн аялалаа үргэлжлүүлсээр байгаа гэдэг.

Долоон лац

2009-08-23T00:22:00.005Z

Энэхүү мэдээлэл нь түрүүчийн миний бичсэн Төгсгөлийн үеийн шинж тэмдгүүдтэй маш холбоотой бөгөөд хэрэв та Төгсгөлийн үеийн шинж тэмдгүүдийн тухай мэдэж байвал энэхүү сэдвийг ойлгоход маш амар байх болно гэдгийг хэлмээр байна. Төгсгөлийн үеийн тухай миний бичиж буй зорилго нь Ямар нэг үзэл баримтлалыг баримтлахыг зорьсонгүй харин библийн эрдэмтдийн нийтлэг үзэл бодол, тайлбаруудыг нэгтгэн харуулахыг хүссэн билээ.
Төгсгөлийн үеийн энэхүү мэдээллүүд хоорондоо уялдаа холбоотой бие биенээсээ урган гарсан байдаг учраас эхнээс нь дуустал нь бүх мэдээллүүдийг ойлгож уншихыг хүсье.
Долоон лац
Долоон лац бол төгсгөлийн үеийн шинж тэмдгүүдийн нэг бөгөөд бэлэг тэмдгийн, сүнслэг шинж чанартай Илчлэлт номонд дурдагдсан байдаг. Тамгууд гэж нэрлэгддэг Илчлэлт номын 6-р бүлгээс эхлэе.
Нэг дэх лац
Харагтун, би нэгэн цагаан морь харлаа. Түүнийг унасан нэгэн нь нумтай байсан бөгөөд түүнд титэм өгөгдөв. Тэр ялахын тулд ялсаар гарч ирэв. Илчлэлт 6:2
Иоханы харсан энэ илчлэлт ямар шинж чанартай болохыг харцгаая.
Цагаан морь. Үүнийг зарим хүмүүс Төгсгөлийн үед 3,5 жил дэлхийг айдсаар удирдах дэлхийн удирдагч Антихрист гэж ойлгодог. Учир нь Есүс Армагеддон дахь тулааны үеэр цагаан морь хөлөглөн ирнэ гэж хэлсэн байдаг. Түүнчлэн Антихрист өөрийгөө удаан хүлээсэн Мессиа гэж үндэстнүүдэд итгүүлэхийг оролдох болно.
Би тэнгэр нээгдсэнийг харлаа. Харагтун, цагаан зүсмийн морь болон түүнийг унаж яваа Нэгэн нь "Итгэмжит бөгөөд Үнэн" гэгддэг. Тэр зөвт байдал дотор шүүдэг, дайтдаг. Илчлэлт 19:11
Зарим хүмүүс цагаан морь нь Даниелын номонд өгүүлэгдсэн энх тайвны худал гэрээг бэлэгддэг бөгөөд бүх дэлхийг эзлэх гэсэн Антихристийн оролдлого ЭНХ ТАЙВАНЫ нэрэн дор хийгдэнэ гэж үздэг.
Тэрээр олон хүмүүстэй нэг долоон хоногийн турш бат гэрээ байгуулна. Гэвч долоон хоногийн дунд тэрээр тахил болон идээн өргөлийг хориглоно. Бузрын жигүүр дээр жигшүүрийг авчрагч нэгэн ирж, тогтоогдсон бүрэн эвдрэлийг хүртэл буюу жигшүүрийг авчрагч нэгэн дээр цутгагдах хүртэл байна гэв. Даниел 9:27
Яагаад гэвэл Иоханы харсан цагаан морь нь энх тайвныг бэлэгддэг боловч морь унаж буй хүн нум барьсан байгаа нь дайнаар ЭНХ ТАЙВНЫГ тогтооно гэсэн утгатай болж байгаа юм. Энэ нь энх тайвны худал гэрээг илэрхийлж байгаа юм.
Нум. Энэ зэвсэг нь дайн эсвэл хамгаалалтын утга санааг илэрхийлдэг. Гэвч хамгаалалт байсан бол бамбай байх ёстой байсан гэвч энэ тайлбарыг нээлттэй орхъё.
Титэм. Түүнд титэм өгөгдсөн байгааг хар. Энэ нь гарцаагүй ямар нэг улс орны эсвэл хэсэг бүлэг хүмүүсийн захирагч гэдгийг харуулдаг. Тиймээс энэ нь ямар нэг улс үндэстний эсвэл хэсэг бүлэг хүмүүсийн удирдагч байна гэдгийг илэрхийлдэг.
Ялахын тулд ялсаар. Энэ удирдагч бусад улс үндэстнийг бас удирдан захирна гэдгийг хэлдэг.
Тэгэхлээр бүх Бичээс, бэлэг тэмдэг, зөгнөлүүдийг нэгтгэхийн бол ... нэг дэх лац нь өөрийгөө шударга үнэн мэт харуулж, өөрийн зорилгоо Энх тайвнаар нуун далдалсан улс орнуудыг удирдан захирагч, сонгогдсон удирдагчийг (Антихрист) илэрхийлж байна.
Нэг дэх лац дээр өгдөг библийн эрдэмтдийн бас нэг тайлбар бол Дэлхийг нэгтгэсэн Дэлхийн нэгдмэл шинэ систем буюу бүх шашин, улс орнуудыг нэгтгэсэн Дэлхийн нэгтгэсэн засгийн газрын тухай илэрхийлдэг гэж үздэг. Антихрист аажмаар бүх дэлхийг Нэгтгэсэн нэг засгийн газрын дор удирдаж, өөрийн зорилгоо хэрэгжүүлэх болно.
Лацнуудын талаарх эдгээр илчлэлт төгсгөлийн үеийн тухай өгүүлсэн Матай номын 24-р бүлэг буюу Есүсийн Олив модтой ууланд айлдсан сургаалтай таардаг нь маш гайхалтай санагддаг. Энэ сургаалийн эхний хэсэгт худал Христийн тухай хэлсэн байдаг.
Учир нь олон хүн "Би бол Христ" хэмээн Миний нэрээр ирж, олныг төөрөлдүүлнэ. Матай 24:5
Хоёр дахь лац
Өөр нэг улаан морь гарч ирэв. Түүнийг унасан нэгэнд дэлхийгээс энх тайвныг булаан авах эрх болон хүмүүс бие биеэ алахыг соёрхсон бөгөөд түүнд том илд өгсөн байв. Илчлэлт 6:4
Улаан морь нь илэрхий дайныг илэрхийлсэн бэлэг тэмдэг юм. Зарим нь үүнийг дэлхийн 3-р дайн гэж үздэг. Эсвэл олныг хамарсан анархи үзэл, танхай залуусын бүлэг, хулгайчид, алан хядагч нарын үйл ажиллагаа гэж үздэг. Ямар ч байсан өнөө үед бид дайн тулааны тухай мэдээ өдөр бүр сонсох болсон.
Хоёр дахь лац нь Олива модтой ууланд айлдсан Төгсгөлийн үеийн тухай Есүсийн сургаалийн 2 дахь шинж тэмдэгтэй яв цав тохирч байгаа юм.
Та нар дайн болоод дайны сураг чимээг удахгүй сонсоно. Матай 24:6
Гурав дахь лац
Түүнийг гурав дахь лацыг эвдэхэд, гурав дахь амьтан нь
— Ирэгтүн гэхийг би сонсов. Харагтун, би нэгэн хар морь харлаа. Түүнийг унасан нэгэн нь гартаа хос дэнс барьсан байв.
— Нэг денарт нэг хэмжүүр улаан буудай, нэг денарт гурван хэмжүүр арвай болно. Тос болон дарсыг бүү сүйтгэ гэж дөрвөн амьтны дундаас гарах мэт дуут би сонсов. Илчлэлт 6:5,6
Хар морь унасан энэ элч гартаа хос дэнс барьсан байна. Хос дэнс бол эртний үед хэрэглэгдэж байсан жин хэмжүүр юм. "Нэг денарт нэг хэмжүүр улаан буудай, нэг денарт гурван хэмжүүр арвай болно" гэсэн хэллэг нь буудай болон үр тариа, бусад хоол хүнс маш үнэтэй болохыг илэрхийлдэг. Энэ нь магадгүй үр тарианы ховордол юм уу эсвэл дэлхийг хамарсан эдийн засгийн хямралтай холбоотой байж болно. Иоханы үед нэг өдрийн хөдөлмөрийн хөлс нэг денар байсан. Тэгэхлээр энэ нь нэг хэмжүүр буудай нэг өдрийн ажлын хөлстэй тэнцэнэ гэдгийг хэлж байгаа байж болно. Хоёрдугаарт, "Тос болон дарсыг бүү сүйтгэ" гэсэн хэллэг нь гамшигт усан үзэм болон жимсний төрлийн идээ, ундаанууд, мөн тос, магадгүй оливийн тоснууд өртөхгүй гэсэн утгатай байж болох юм. Тэгэхлээр энэхүү гамшиг нь бүх хоол хүнс биш зөвхөн тодорхой хэсэг хоол хүнсний хомсдлын тухай өгүүлж байгаа бол ган, зуд, үер, өвчин тахал гэх мэт гамшигт үзэгдлийн улмаас ийм зүйлүүд болно гэдгийг хэлж байна. Хар өнгө бол уй гашуу, муу ёрын өнгө бөгөөд гарцаагүй дэлхийг хамарсан өлсгөлөнгөөс болж хүмүүс үхэх болно гэдгийг хэлж байна.
Тэгэхлээр энэ нь бас л Есүсийн Олива модтой уулан дээр хэлсэн сургаалийн, төгсгөлийн үеийн 3 дахь шинж тэмдэг болох өлсгөлөнгийн талаарх зөгнөлтэй тохирч байгаа юм.
Дөрөв дэх лац
Түүнийг дөрөв дэх лацыг эвдэхэд
— Ирэгтүн гэх дөрөв дэх амьтны дууг би сонсов. Харагтун, би цайвар ногоон морь харлаа. Түүний унасан нэгний нэрийг "Үхэл" гэдэг бөгөөд Үхэгсдийн орон түүнийг дагаж байлаа. Илд, өлсгөлөн, тахал, газрын зэрлэг араатнуудаар хөнөөлгөхийн тулд дэлхийн дөрөвний нэгийг захирах эрх мэдэл тэдэнд өгөгдсөн байв. Илчлэлт 6:8
Цайвар ногоон морь дөрөв дэх лацыг бэлгэдэж байна. Грек хэлэнд цайвар ногоон өнгө муудаж өмхөрсөн хүний цогцос шиг гэсэн утга санааг илэрхийлдэг. Энэ бол үхлийг бэлгэдсэн өнгийн морь гэдэг нь илэрхий байна. Дэлхийн хүн амын дөрөвний нэг нь дайн, өлсгөлөн болон өлсгөлөнгөөс болж учрах өвчин тахал, өлөн зэрлэг араатнуудаас болж үхнэ. Энэ нь бас л Есүсийн Олива модтой ууланд айлдсан сургаалийн дараачийн шинж тэмдэгтэй тохирч байна .
Үндэстэн үндэстнийхээ эсрэг, хаанчлал хаанчлалынхаа эсрэг босох бөгөөд энд тэндгүй өлсгөлөн болоод газар хөдлөлт болно. Матай 24:7
Тав дахь лац
Түүнийг тав дахь лацыг эвдэх үед, Бурханы үг болон өөрсдийн сахьсан гэрчлэлээс болж алагдсан хүмүүсийн сэтгэлүүдийг тахилын ширээн доор байхыг би харав. Тэд чанга дуутаар
— Ариун ба үнэн Эзэн, Та хэдий хүртэл шүүхгүй, газар дээр нутаглагчдаас бидний цусны өшөөг авахгүй байх юм бэ? гэж хашхиран байлаа. Тэдэнд тус бүрд нь цагаан дээл өгсөн байв. Өөрсөдтэй нь адил алагдах ёстой хамтран зүтгэгчэд болон ах дүүсийнх нь тоо гүйцэх хүртэл дахиж түр зуур амрах ёстой гэж тэдэнд хэлсэн ажээ. Илчлэлт 6:9-11
Энд Есүсийн гэрчлэлийг сахигч хүмүүс энэ үед Есүсийн төлөө хавчигдан алуулах болно гэдгийг хэлж байна. Энэ нь бас л Олива модтой ууланд хэлсэн Есүсийн сургаалийн төгсгөлийн үеийн дараачийн бас нэг шинж тэмдэгтэй тохирч байна.
Тэгэхэд хүмүүс та нарыг зовлон гамшигт тушааж, та нарыг ална. Миний нэрээс болж та нарыг бүх үндэстэн үзэн ядах болно. Тэр үед олон хүн бүдрэх бөгөөд нэг нэгнээ тушааж, үзэн ядна. Олон хуурамч эш үзүүлэгчид гарч ирж олныг төөрөлдүүлнэ. Ёс бус байдал өссөнөөс болж олонх хүмүүсийн хайр хөрнө. Харин эцсээ хүртэл тэвчсэн нь аврагдах болно. Хаанчлалын энэхүү сайн мэдээ бүх үндэстэнд гэрчлэл болж дэлхий даяар тунхаглагдана. Тэгээд төгсгөл ирнэ. Матай 24:9-14
Зургаа дахь лац
Түүнийг зургаа дахь лацыг эвдэх үед би харж байлаа. Асар хүчтэй газар хөдлөлт болж, нар хялгасаар хийсэн таар мэт харлаж, сар бүхэлдээ цус мэт улаан болов. Хүчтэй салхи сэгсрэхэд боловсроогүй жимсээ инжрийн мод хаялах адил тэнгэрийн одод дэлхий дээр унаж, хуйлсан хуйлмал ном лугаа адил тэнгэр ч заагдан салж, алив уулс, арлууд ч байрнаасаа хөдөлсөн байлаа. Дэлхийн хаад, агуу хүмүүс, мянгатын дарга нар, баячууд, хүчтэнүүд, боол хийгээд чөлөөт хүн бүр агуй болоод уулсын хавцалд нуутдацгааж, уулс ба хадан цохионуудад хандан
— Бидний дээр унаж, биднийг сэнтийнд Залрагчийн нүүрнээс, Хурганы уур хилэнгээс далдлаач. Тэдний уур хилэнгийн агуу өдөр нь иржээ. Хэн тэсэж чадах вэ? гэцгээв. Илчлэлт 6:12-17
Энэ бол Агуу гамшгийн тухай зөгнөж хэлсэн төгсгөлийн үеийн шинж тэмдэг болох Матай 24:15-29-тэй тохирдог.
Иймд эш үзүүлэгч Даниелын хэлсэн хоосролын бузар юм ариун газар байхыг та нар харвал (уншигч нь ойлгог), Иудейд байгсад нь уул уруу зугтааг. Дээвэр дээр байгаа нь гэрээсээ юмаа авч гарах гэж доош бүү бууг. Талбайд байгаа нь дээлээ авахаар бүү буцаг. Харин тэр өдрүүдэд жирэмсэн эмэгтэйчүүд болон хөхүүл хүүхэдтэй эмэгтэйчүүд золгүй еэ! Та нарын зугталт нь өвөл, эсвэл амралтын өдөр таарахгүйн тулд залбир. Учир нь ертөнцийн эхнээс өнөөг хүртэл болоогүй, мөн хэзээ ч болохгүй агуу их гай гамшиг болно. Хэрэв тэр өдрүүдийг богиносгоогүйсэн бол нэг ч махан бие аврагдахгүй байх байсан. Харин сонгогдогсдын төлөө тэр өдрүүдийг богиносгоно. Хэрэв хэн нэгэн та нарт "Харагтун, Христ энд байна", эсвэл "Тэнд" гэвэл түүнд бүү итгэ. Хуурамч Христүүд болон хуурамч эш үзүүлэгчид гарч ирж, хэрэв боломжтой бол сонгогдогсдыг хүртэл төөрөлдүүлэхийн тулд агуу тэмдгүүд, гайхамшгуудыг харуулах болно. Үзэгтүн. Би та нарт урьдаас хэлсэн. Тиймээс хэрэв тэд та нарт "Хараач, Тэр цөлд байна" гэвэл бүү оч, эсвэл "Хараач, Тэр дотоод өрөөнд байна" гэвэл бүү итгэ. Аянга зүүн зүгээс цахиж, баруун зүгт ч гялбуулдаг шиг, Хүний Хүүгийн заларч ирэх нь тийм байх болно. Хүүр байгаа газар тас шувууд цуглардаг. Гэвч гамшгийн тэр өдрүүдийн дараа тэр даруй нар харанхуйлж, сар гэрэлтэхгүй, одод тэнгэрээс унаж, тэнгэрийн хүчнүүд сэгсрэгдэх болно.
Одоо бүгдээрээ энэ бүгдийг нэгтгэн дүгнэхийг хичээе. Өөрийн үнэн зорилгыг энх тайвны маскаар халхалсан нэгэн удирдагч бий болж, хүч чадал нь улам өсөн нэмэгдэх болно. Эцэст нь хүн төрөлхтний дөрөвний нэгийг устгах дайн, өлсгөлөн, өвчин тахал гарч, үүнээс болж Христэд итгэгчид хавчигдан алагдсны дараа Агуу гамшиг болно.
Есүс төгсгөлийн үеийн тухай Матай 24-р бүлэг дээр хэлсэн зүйлс болон Илчлэлт 6-р бүлэг хоёр хоорондоо яв цав тохирч байгааг бид бүхэн харж байна. Түүнчлэн Матайн ном Марк болон Лук номтой давхцдаг. Тэгвэл дараах таблицаас тэдгээрийн хоорондох зүй зохицлыг харна уу (хэрэв тод харагдахгүй байвал зурган дээр очиж дараад томруулж харна уу).

Төгсгөлийн үеийн шинж тэмдгүүд

2009-08-22T17:24:00.002Z

Бидний олонх нь өнөөдөр энэ дэлхий дээр болж буй үйл явдлуудын тухай анхаарал тавин чагнаж байдаг. Ялангуяа Дундад Азид болж буй үйл явдлууд Израиль улстай холбоотой дайн, тэмцэл тулаанууд... террорист халдлагууд.... шинээр гарч буй өвчнүүд... зэрлэг балмад явдлууд... цаг агаарын өөрчлөлт... өсөн нэмэгдсээр байгаа байгалийн гамшигт үзэгдлүүд жишээ нь, хүчтэй тайфун салхи бүхэл бүтэн нэгэн хэсэг газар, муж хэсгийг хамарч байна, Америкийн далайн эргийн орнууд болон бусад улс орнууд ихээр өртөж байна... Түүнчлэн гэр бүл салалтын тоо урьд өмнө байгаагүй хэмжээгээр өсч байгаа нь хүмүүсийн хоорондох хайр хэрхэн хөрөхийг (Матай 24:12) урьдчилан хэлж байсан Есүсийн үг биелэж байгааг харуулж буй төгсгөлийн үеийн шинж тэмдэг биш гэж үү.
Библи дээр биднийг сэрэмжлүүлсэн төгсгөлийн үеийн тухай тодорхой хэлсэн байдаг. Биднийг тэр үед бэлтгэгдэж, сэрэмжтэй байхыг анхааруулсан байдаг, учир нь гэрлийн хүүхдүүд бидэнд төгсгөлийн үе хулгайч мэт ирэхгүйн тулд юм.
Тэгвэл Төгсгөлийн үед ямар үйл явдлууд болох вэ? Библийн олон ном төгсгөлийн үеийн тухай урьдчилан хэлдэг, тэдгээрээс 3 ном энэ үйл явдлын тухай нэгтгэн дүгнэж хэлсэн байдаг. Эдгээр нь Илчлэлт, Матай, Даниел номууд юм. Марк, Лукийн номууд ч бас энэ тухай өгүүлсэн байдаг.
Бүгдээрээ Матай 24-р бүлгээс эхэлье. Элч нар яг бидний асууж буй асуултыг Есүсээс асуудаг. Матай 24:3 ишлэлд төгсгөлийн үед ямар шинж тэмдэг үзэгдэх вэ гэдэг. Есүс хариуд нь 4 ишлэлээс эхлэн:
Худал Христүүд
Учир нь олон хүн "Би бол Христ" хэмээн Миний нэрээр ирж, олныг төөрөлдүүлнэ. Матай 24:5
Энэ нь олон хүн өөрсдийгөө Христ гэж тунхаглаж, гарч ирнэ гэсэн үг юм. Бидний амьдарч буй өнөө үед олон худал эш үзүүлэгч, худал христүүд байна. Олон хүн тэднийг даган өөрсдийнхөө амьдралыг золиослон байж зориулдаг боловч эцэс сүүлд нь тэд библи дэх жинхэнэ христчид биш гэдгийг мэдэхэд харамсалтай байдаг. Ийм байдал олон гэр бүлийг салгаж бутаргаж, жинхэнэ Бурханы Үгийг хуваалцахаар ирсэн тэдгээр хүмүүст итгэхээс айдаг болгодог. Тэгвэл өөрсдийгөө Христ мөн гэж хэлж байгаа тэдгээр хүмүүсийг бид ЖИНХЭНЭ христчид гэдгийг нь яаж мэдэх вэ?
Есүс бидэнд хариултыг өгсөн байдаг. Тэр дахин энэ дэлхий дээр ирэхгүй бөгөөд ямар нэг нууц бүлэг, гаж бүлэг урсгал хүмүүсийн дотор ирэхгүй. Тэр тэнгэрээс бууж ирэх бөгөөд БҮХ хүн түүнийг харах болно.
Галилын эрчүүд ээ, юунд та нар тэнгэр ширтэн зогсоно вэ? Та нараас өргөгдөн тэнгэрт аваачигдсан энэ Есүс нь та нарын Түүнийг тэнгэр өөд явсныг нь харсан лугаа адил тийн буцаж ирнэ гэв. Үйлс 1:11
Харагтун, Тэр үүлсийн хамт ирэх бөгөөд нүд бүр Түүнийг харна. Тэр байтугай Түүнийг жадалсан хүмүүс ч харна. Дэлхийн бүх овгууд Түүнээс болж гашуудах болно. Тийм ээ, Амен. Илчлэлт 1:7
Есүс цааш нь бас нэг шинж тэмдгийн тухай анхааруулсан...
Дайн ба дайн дажны тухай сураг чимээ
Та нар дайн болоод дайны сураг чимээг удахгүй сонсоно. Матай 24:6
Энэ нь дайн, тэмцэл, тулаан бөгөөд дайны тухай яриа үргэлж яригдах болно гэсэн үг юм. Та эргэн тойрноо хараад үз, өнөөдөр бидний эргэн тойронд дайн, тулаан болон дайны аюул, гамшгийн тухай үргэлж яригдаж байна.
Өнгөрсөн үед бид олныг хамарсан хоёр, гурван томоохон дайны тухай сонсож байсан харин одоо газар сайгүй, өдөр бүр дайн тулааны тухай сонсож байна. Тэмцэл тулаанууд энд тэндгүй гарч байна, бид тэдний талаарх мэдээнд одоо цочрохоо болиод байх шиг байна.
Гэвч эдгээр нь Төгсгөлийн үеийн тухай бидэнд сануулсан Есүсийн хэлсэн үгс биелэж байгааг харуулж байна.
Есүс цааш нь бас нэг шинж тэмдгийн тухай хэлсэн...
Өлсгөлөн
Үндэстэн үндэстнийхээ эсрэг, хаанчлал хаанчлалынхаа эсрэг босох бөгөөд энд тэндгүй өлсгөлөн болоод газар хөдлөлт болно. Матай 24:7
Энэ нь өнөөдрийн бидний телевизээр хардаг Африкийн өлсгөлөн хүүхдүүд, гудамжинд орон гэргүй хонож буй тэнэмэл хүмүүсийн тухай хэлээгүй гэж үү.
Есүс цааш нь ...
Тахал
Үндэстэн үндэстнийхээ эсрэг, хаанчлал хаанчлалынхаа эсрэг босох бөгөөд энд тэндгүй өлсгөлөн болоод тахал (Энэ үг Библийн монгол орчуулган дээр байдаггүй боловч англи орчуулган дээр байдаг), газар хөдлөлт болно. Матай 24:7
Тахал бол өвчин юм. Бид өнөө үед үхрийн шүлхий өвчнөөс авахуулаад SARS, ДОХ зэрэг үл мэдэгдэх өвчнүүдээр өвчилсөөр байна. Одоогоор шинээр Н591 тахианы ханиад, гахайны ханиад гарч байна. Өдөр бүр ДОХ-ын өвчин газар авсаар байна. Өөр олон олон өвчнүүдийг энд дурдалтгүй буйзаа. Мөн террористуудын хэрэглэж буй химийн зэвсгийн аюулууд гэх мэт...
Газар хөдлөлт
Есүс газар хөдлөлтийн тухай юу гэж хэлсэн бэ? Өнөөдөр түүний урьдчилан хэлсэн газар хөдлөлтийн тохиолдлууд урьд өмнөхөөс илүү их болсон нь төгсгөлийн үеийн шинж тэмдэг биш гэж үү.
Дараа нь Есүс ...
Харин энэ бүгд нь төрөх өвдөлтийн эхэн юм. Матай 24:8
Энэ бүгд зөвхөн аймшигт төгсгөлийн эхлэл гэж хэлсэн.
Дараа нь Есүс бас нэг шинж тэмдгийн тухай хэлсэн.
Христэд итгэгчид алагдах тухай
Тэгэхэд хүмүүс та нарыг зовлон гамшигт тушааж, та нарыг ална. Миний нэрээс болж та нарыг бүх үндэстэн үзэн ядах болно. Тэр үед олон хүн бүдрэх бөгөөд нэг нэгнээ тушааж, үзэн ядна. Олон хуурамч эш үзүүлэгчид гарч ирж олныг төөрөлдүүлнэ. Ёс бус байдал өссөнөөс болж олонх хүмүүсийн хайр хөрнө. Харин эцсээ хүртэл тэвчсэн нь аврагдах болно. Хаанчлалын энэхүү сайн мэдээ бүх үндэстэнд гэрчлэл болж дэлхий даяар тунхаглагдана. Тэгээд төгсгөл ирнэ. Матай 24:9-14
Христэд итгэгч олон хүн итгэлээсээ болж алагдах болно...
Есүс хүмүүсийн хоорондох хайр хөрөх тухай Төгсгөлийн үеийн бас нэг шинж тэмдгийг хэлсэн. Хосууд “Сайн уу” гэж мэндлэхээс авахуулаад амлалт өгөх хүртлээ юу тохиолдохыг мэддэггүй. Олон хүн буруу шалтгаанаар гэрлэдэг. Дараа нь олон сарын дараа, зовлон шаналал, хэрүүл, үзэн ядалтаар дүүрэн олон жилийн дараа хийхээс ч өөр аргагүй болдог нэг зүйлийг хийдэг. Тэд салдаг... Гэр бүлийн салалт хүүхдүүдийг уур хилэн, өвдөлт, төөрөгдөл дунд орхидог. Хүүхдүүд энэ үед буруу сонголт хийж эхэлдэг бөгөөд зарим нь бүр хүчирхийлэгч болон хувирдаг. Хүүхдүүд иймэрхүү жишээгээр амьдралд сургагдаж, хүмүүжигдэхдээ дуулгаваргүй, зөрүүд өөрсдийн дараачийн үр удмыг бэлддэг. Энэ нь Төгсгөлийн үеийн шинж тэмдэг биш гэж үү.
Урвалт, үзэн ядалт захирах болно
Эцсийн өдрүүдэд хэцүү цаг ирнэ гэдгийг мэдэж ав. Учир нь хүмүүс өөрсдийгөө хайрлагчид, мөнгийг хайрлагчид, сагсуурагчид, их зантай, доромжлогчид, эцэг эхдээ захирагдахгүй, үл талархагч, ариун бус, үл хайрлагч, эвлэршгүй, гүжирдэгчид, биеэ хянадаггүй, хэрцгий, сайныг үзэн ядагчид, тэрслэгчид, бодлогогүй, биеэ тоодог, Бурханыг хайрлагчид байхаас илүү зугаа цэнгэлийг хайрлагчид болох болно. Тэд бурханлаг байдлын дүртэй байх боловч түүний хүчийг нь үгүйсгэдэг. Чи ийм хүмүүсээс зайлсхийж яв. Тэдний дунд айлд гэтэж ороод, нүгэлд автагдаж, зүсэн бүрийн хүсэл тачаалдаа хөтлөгдсөн сул дорой эмэгтэйчүүдийг олзолдог хүмүүс ч байна. Тийм эмэгтэйчүүд үргэлж суралцавч, үнэний мэдлэгт хэзээ ч хүрч чадахгүй. 2Тимот 3:1-7
Ийм байдал хагаралд хүргэж, гэр бүлийн гишүүдийн дунд ч хагарал бий болгож, Есүст итгэдэг ах дүүгээ үзэн ядаж, барьж өгч, алуулна. Гэвч итгэл дотроо бат үлдсэн нэг нь аврагдах болно.
Харин эцсээ хүртэл тэвчсэн нь аврагдах болно. Матай 24:13
Есүс дараа нь ...
Агуу гамшиг
Иймд эш үзүүлэгч Даниелын хэлсэн хоосролын бузар юм ариун газар байхыг та нар харвал (уншигч нь ойлгог), Иудейд байгсад нь уул уруу зугтааг. Дээвэр дээр байгаа нь гэрээсээ юмаа авч гарах гэж доош бүү бууг. Талбайд байгаа нь дээлээ авахаар бүү буцаг. Харин тэр өдрүүдэд жирэмсэн эмэгтэйчүүд болон хөхүүл хүүхэдтэй эмэгтэйчүүд золгүй еэ! Та нарын зугталт нь өвөл, эсвэл амралтын өдөр таарахгүйн тулд залбир. Учир нь ертөнцийн эхнээс өнөөг хүртэл болоогүй, мөн хэзээ ч болохгүй агуу их гай гамшиг болно. Хэрэв тэр өдрүүдийг богиносгоогүйсэн бол нэг ч махан бие аврагдахгүй байх байсан. Харин сонгогдогсдын төлөө тэр өдрүүдийг богиносгоно. Матай 24:15-22
Есүс хэлэхдээ хоосролын бузар юм Израйльд тавигдахыг харвал тэр нь “ТӨГСГӨЛИЙН ЦАГ ҮЕ” гарцаагүй ирснийг илтгэнэ гэж хэлсэн. Хоосролын бузар юм гэдэг нь Даниел номонд зөгнөгдсөн Иерусалимын ариун сүм бузарлагдах үе юм.
Тэгээд жаран хоёр долоон хоногийн дараа Мессиа таслагдах бөгөөд юу ч үгүй болно. Хожим ирэх жононгийн ард түмэн хот ба ариун газрыг эвдэх болно. Түүний төгсгөл нь үерээр ирж, бүр эцэс хүртэл тэнд дайн үргэлжилж, хоосрол нь тогтоогдсон билээ. Тэрээр олон хүмүүстэй нэг долоон хоногийн турш бат гэрээ байгуулна. Гэвч долоон хоногийн дунд тэрээр тахил болон идээн өргөлийг хориглоно. Бузрын жигүүр дээр жигшүүрийг авчрагч нэгэн ирж, тогтоогдсон бүрэн эвдрэлийг хүртэл буюу жигшүүрийг авчрагч нэгэн дээр цутгагдах хүртэл байна гэв. Даниел 9:26-27
Есүс бидэнд Даниелын ном дахь зөгнөлийг сануулсан. Тийм учраас ... бид Израйль улсыг болон энэ хоосролын бузар юмыг ... үргэлж ажиглан харж байх хэрэгтэй. Түүнчлэн Библид хэрэв Израйль улс арми, дайчдаар хүрээлэгдэхийн бол энэ нь “ТӨГСГӨЛИЙН ЦАГ ҮЕ” мөн гэж хэлсэн.
Харин Иерусалим дайчдад бүслэгдэхийг та нар харахдаа, энэ хотын эзгүйрэх нь ойрхон буйг мэдэх болно. Лук 21:20
Тиймээс тэр үед дэлхий дээр хамгийн аймшигтай гамшгийн үе ирэх болно.
Есүс цааш нь үргэлжлүүлэн ...
Хэрэв хэн нэгэн та нарт "Харагтун, Христ энд байна", эсвэл "Тэнд" гэвэл түүнд бүү итгэ. Хуурамч Христүүд болон хуурамч эш үзүүлэгчид гарч ирж, хэрэв боломжтой бол сонгогдогсдыг хүртэл төөрөлдүүлэхийн тулд агуу тэмдгүүд, гайхамшгуудыг харуулах болно. Үзэгтүн. Би та нарт урьдаас хэлсэн. Тиймээс хэрэв тэд та нарт "Хараач, Тэр цөлд байна" гэвэл бүү оч, эсвэл "Хараач, Тэр дотоод өрөөнд байна" гэвэл бүү итгэ. Аянга зүүн зүгээс цахиж, баруун зүгт ч гялбуулдаг шиг, Хүний Хүүгийн заларч ирэх нь тийм байх болно. Хүүр байгаа газар тас шувууд цуглардаг. Гэвч гамшгийн тэр өдрүүдийн дараа тэр даруй нар харанхуйлж, сар гэрэлтэхгүй, одод тэнгэрээс унаж, тэнгэрийн хүчнүүд сэгсрэгдэх болно. Матай 24:23-29
Хэрэв бид ийм цаг үеийг харвал сэрэмжлэх хэрэгтэй.
Гэвч гамшгийн тэр өдрүүдийн дараа тэр даруй нар харанхуйлж, сар гэрэлтэхгүй, одод тэнгэрээс унаж, тэнгэрийн хүчнүүд сэгсрэгдэх болно.
Матай 24:29

Үргэлжлэл бий...

Анхаарна уу

2009-07-29T12:30:00.002Z

Хэрэв та санал сэтгэгдлээ болон миний бичсэн зүйлүүдийн талаар өөр санал бодолтой байвал дараахь зааврын дагуу санал сэтгэгдлээ бичнэ үү.
1. Эхлээд бичигдсэн сэдэв болгоны доор comments гэсэн бичлэг байгаа. Тэр уруу дарж ороход post a comment гэсэн үгний дор дөрвөлжин хайрцганд санал сэтгэгдлээ өөрийн нэртэйгээ хамт \нэрээ бичихээ мартваа\ бичээд
2. Тэрний доод талд comment as гэсэн сонголт дээр дарахад
3. Хамгийн доод талд нь anonymous гэж байгаа тэрнийг дараад
4. Тэгээд post comment гэдгийг дарна.
5. Дараа нь дуурайлган бичнэ үү гэсэн үгсийг дуурайлгаж бичээд ОК.
Хэрэв та google mail-ийн хаягтай бол google account гэдгийг сонгоод google mail-ийнхээ хаягийг password хамт бичээд санал сэтгэгдлээ оруулж болно. Таны бичсэн сэтгэгдэл хэсэг хугацааны дараа гарч ирэх болно.

7000 жил

2009-07-28T22:54:00.005Z

Ихэнх Христчин хүмүүсийн хувьд 7000 жилийн тухай сонсоогүй байдаг. 7000 жил гэдэг нь 7 долоо хоногтой холбоотойгоор тайлбарлагддаг. Эхлэл номонд Бурхан 6 өдрийн дотор дэлхийг хэлбэр дүрстэй болгон бүх амьд биетийг бүтээж, Саббат өдөр буюу 7 дахь өдөр нь амарсан (Эхлэл 1:2–2:3). Бурхан түүнчлэн хүн төрөлхтөнд 6 өдөр ажиллаж, удаахь 7 дахь өдөр нь амрахыг тушаан хэлсэн байдаг (Египетээс гарсан нь 20:8-11). Энэ 7 дахь өдөр хүн өдөр тутмын хийдэг ажлуудаа хойш тавьж, Бурханыг хүндлэхээр тогтоогдсон юм (Исаиа 58:13, 14).
Элч Петр 7 долоо хоногийн энэ хэв шинжийг илүү өргөн хүрээнд авч үзэх ёстой гэдгийг эргэлзээгүй ойлгодог байсан. Тэр "Харин, хайртууд минь, Эзэний хувьд, нэг өдөр нь мянган жил мэт, мянган жил нь нэг өдөр мэт байдаг нь та нараас бүү нууцлагдаг" (2 Петр 3:8) гэж хэлсэн. Элч Паул долоо хоногийн 7 дахь өдөр нь амралтын үеийг илэрхийлнэ гэж хэлэхдээ хүн төрөлхтний түүхийн цаг хугацаанд болох энх амгалангийн жилүүдийн тухай хэлж байсан (Еврей 4:3-11). Элч Иохан хэлэхдээ энэ цаг хугацаа нь Христ хүн төрөлхтний түүхийн үйл явцад оролцсоноор 1000 жил үргэлжлэх болно гэж хэлжээ (Илчлэлт 20:1-4). Энэ нь теологийн нэр томъёонд “Миллиенум” буюу “1000 жил” гэж нэрлэгддэг.
Тэгвэл долоо хоногийн 7 дахь өдөр нь Есүс Христийн удирдлага дорх энх амгалангийн 1000 жилийг илэрхийлж байгаа юм бол Бурханы бүтээсэн эхний 6 өдөр нь хүн өөрөө өөрийгөө төвхнүүлж, өөрийн үйлс хэрэг, бодол санаануудыг хэрэгжүүлэх хүн төрөлхтний түүхийн 6000 жилийг илэрхийлж байна гэсэн үг юм. Өөрөөр хэлбэл долоон хоногийн нэг өдөр болгон хүн төрөлхтний түүхийн 1000 жилийг илэрхийлж байна гэсэн үг юм.
Тэгвэл бид одоо энэ үеийн хаана нь явж байна вэ? Библийн үйл явдлын цаг хугацааны мөчлөгийг гаргасан судалгаанууд нь хүн төрөлхтөн Христийг дэлхийд төрөхөөс өмнө 4000 жилийн өмнө бий болсон гэдгийг хэлдэг. Христээс хойш түүх өөрөө 2000 жил өнгөрсөн гэдгийг хэлдэг бөгөөд нийт хүн төрөлхтний соёл иргэншил одоо 6000 жил оршин тогтнож ирсэн гэдгийг хэлдэг. Товчхон хэлвэл “хүн төрөлхтний” ажлын 6 өдөр төгсөж байгаа бөгөөд Бурханы агуу гайхамшигтай энх амгалангийн 1000 жил амрахаар айсуй.
Энх амгалангийн 1000 жил болохоос өмнө энэ дэлхийд олон зүйл болно гэдгийг Библи бидэнд хэлдэг. Жишээ нь: шүүрэлт, агуу гамшиг, араатны тоо 666 гэх мэт үйл явдлууд өрнөх болно. Би дараа дараачийнхаа дугаарт энэ тухай аль болох тодорхой мэдээллүүдийг хүргэхийг хичээх болно.

Төгсгөлийн үе

2009-07-28T00:45:00.009Z

Та бүхэндээ энэ удаа төгсгөлийн үеийн шинж тэмдэг буюу 7000 жилийн шинж тэмдгийн тухай сонирхолтой мэдээлэл хүргэх гэж байна. Би энэ талаар өөрөө сайн мэдэхгүй ч энд тэндхийн хүмүүсийн бичсэн зүйлийг уншиж байдаг учраас эцсийн үнэн зөв хариулт Библид байдаг гэдэгт итгэдэг. Хэрэв та бүхэнд өөр санаа оноонууд байх аваас би бээр дуртайяа хүлээн авч, шүүн тунгаахдаа баяртай байх болно шоо.

Төгсгөлийн үе
Төгсгөлийн үе бол урьд өмнө хэзээ ч байгаагүй агуу гамшгийн үеийг илэрхийлдэг үг юм.
Учир нь ертөнцийн эхнээс өнөөг хүртэл болоогүй, мөн хэзээ ч болохгүй агуу их гай гамшиг болно. Матай 24:21
Энэ нь бас таны ч ирээдүйг шийдэх цаг хугацаа юм. Есүсийг чидун уулан дээр номлож байхад дагалдагчид нь түүнээс “таныг эргэж ирэхэд буюу төгсгөлийн үед ямар шинж тэмдэг үзэгдэх вэ?” гэж асуудаг.
Түүнийг Чидун ууланд сууж байхад шавь нар Түүн уруу хувьчлан ирж,
— Эдгээр зүйл чинь хэзээ болох юм бэ? Таны заларч ирэхэд болон үеийн төгсгөлд ямар шинж тэмдэг байх вэ? Матай 24:3
Хэн ч төгсгөлийн үе хэзээ ирэхийг болон түүний жинхэнэ цаг хугацааг мэдэхгүй гэж Библи дээр тодорхой хэлсэн байдаг.
Харин тэр өдөр, цагийн тухайд хэн ч мэдэхгүй. Тэнгэрийн элч ч, Хүү ч мэдэхгүй. Зөвхөн Эцэг л мэднэ. Матай 24:36
Тэр үе хулгайч адил ирнэ гэж хэлсэн байдаг.
Гэвч Эзэний өдөр нь хулгайч мэт ирэх болно. Тэгэхэд тэнгэр нүргэлээд өнгөрнө. Аливаа бодисууд нь галд устгагдах бөгөөд газар болоод түүн дээрх ажлууд нь шатаагдана. 2Петр 3:10
Бидний дээр тэр өдөр хулгайч шиг ирэхгүйн тулд сэрэмжтэй, бэлтгэлтэй байхыг цааш тайлбарлажээ.
Ах дүү нар аа, цаг хугацаа болон үеийн талаар та нар өөрсөддөө юу ч бичүүлэх хэрэггүй. Учир нь Эзэний өдөр нь шөнөөр ирэх хулгайч мэт ирэхийг та нар өөрсдөө маш сайн мэддэг. Хүмүүсийг "Амар тайван, аюулгүй байдал" гэж ярьж байх үед жирэмсэн эмэгтэйд төрөлтийн хүчтэй өвдөлт учрахын адил тэдэн дээр сүйрэл нь гэнэт ирэхэд, тэд зугтааж огт чадахгүй. Гэвч ах дүү нар аа, та нар харанхуй дотор байдаггүй учраас тэр өдөр нь та нарыг хулгайч мэт бариад авахгүй. Учир нь та нар бүгдээрээ гэрлийн хөвгүүд бөгөөд өдрийн хөвгүүд юм. Бид шөнийнх биш, харанхуйнх ч биш. Тиймээс бид бусдын адил унталгүй, харин сэргэг бөгөөд эрүүл ухаантай байцгаая. 1Тесалоник 5:1-6
Тэр өдөр хэдийгээр хулгайч шиг ирэх боловч гэрлийн хүүхдүүдийн ихэнхэд нь энэ өдөр хулгайч мэт ирэхгүй. Гэрлийн хүүхдүүд гэдэг нь Бурханы сүнслэг хүүхдүүд бөгөөд тэр өдөр юу болохыг мэдэж, өөрийгөө бэлтгэсэн хүүхдүүд юм.
Тиймээс чи юу хүлээн авсан болон сонссоноо сана. Түүнийг сахь, гэмш. Хэрэв чи сэрэхгүй бол Би хулгайч мэт очно. Ямар цагт Миний чам дээр очихийг чи мэдэхгүй. Илчлэлт 3:3
Тиймээс Эзэн тань ямар өдөр ирэхийг та нар мэдэхгүй тул сонор сэргэг бай. Харин үүнийг мэд. Хэрэв гэрийн тэргүүлэгч шөнийн хэдэн цагт хулгайч ирэхийг мэдэж байсан бол соргог байж, гэрээ ухуулахгүй байх байсан. Тиймээс та нар бас бэлэн бай. Хүний Хүү та нарын бодоогүй цаг мөчид ирнэ. Матай 24:42-44
Есүс, хэрэв хүн тэр үед юу болохыг мэдвэл өөрийгөө бэлтгэж чадна гэж хэлсэн. Тэгвэл бид энэ дэлхий дээр төгсгөл ирж байгааг болон Есүс ирж байгааг яаж мэдэх вэ? Есүс хэлэхдээ хэрэв бид өнгөрсөн зөгнөл, эш үзүүллэгүүдийг ялган салгаж, тэдний хэв маяг, шинж тэмдгүүдийн тухай мэдвэл төгсгөлийн үед сэрэмжтэй байх болно гэдгийг хэлсэн.
Өнгөрсөн зөгнөл, хэв маяг, шинж тэмдгүүд
6 өдөр ажиллаад 7 дахь өдөр нь амрах.
Библид Эхлэл номын 1-р бүлэгт Бурхан 6 өдөр ажиллаад 7 дахь өдөр нь амарсан гэдэг.
Долоо дахь өдөр болоход Бурхан Өөрийн хийж бүтээсэн ажлаа дуусгаж, хийж бүтээсэн ажил нь дууссан учир долоо дахь өдөртөө Тэрээр амарчээ. Эхлэл 2:2
Бурхан энэ өдрийг бас хүмүүст хуульчлан өгсөн. Тэд 6 өдөр ажиллаад 7 дахь өдөр нь амрах ёстой бөгөөд 7 дахь өдрийг Саббат өдөр гэж нэрлэсэн.
Зургаан өдөр чи хөдөлмөрлөж, бүх ажлаа хий. Харин долоо дахь өдөр бол чиний Бурхан ЭЗЭНий амралт тул чи болон чиний хүү, чиний охин, чиний зарц, шивэгчин, чиний мал, танайд байгаа зочин ямар ч ажил хийж болохгүй. Египетээс гарсан нь 20:9-10
Мөн 6 жил газраа тариалж, хураах ёстой гэсэн.
Чи зургаан жил газраа тариалж, ургацыг нь хураа. Харин долоо дахь жилд газрыг хагалалгүй амраа. Египетээс гарсан нь 23:10
Хэрэв израильчууд зарцтай байх юм бол түүнийг 6 жил ажиллуулаад 7 дахь жилд нь чөлөөлдөг хуультай байсан. Есүс хүртэл загалмай дээр цовдлогдохдоо 6 цаг загалмай дээр байсан бөгөөд 7-р цагийн эхээр нас барсан.
Тэд Түүнийг цовдлох үед гуравдугаар цаг байсан юм... Зургадугаар цаг болоход, харанхуй есдүгээр цаг хүртэл бүх газрыг бүрхэв. Есдүгээр цагт Есүс чанга дуугаар
— Елой, Елой, лама сабахтани? буюу орчуулбал «Миний Бурхан, Миний Бурхан, юунд Та Намайг орхив?» гэж хашхирлаа. Тэнд зогсож байсан хүмүүсээс зарим нь үүнийг сонсоод,
— Хараач, Тэр Елиаг дуудаж байна гэжээ. Нэг нь гүйгээд, далайн хөвөнд цагаан цууг шингээн хулсны үзүүрт тохоод, Түүнд уулгахаар өгөхдөө
— Елиа Түүнийг буулгаж авахаар ирэх эсэхийг харцгаая гэв. Есүс чанга дуу гаргаад, эцсийн амьсгалаа хураав. Марк 15:25, 34-37
Тэд Есүсийг 3-р цагт (өглөөний 9 цагт) цовдлоход тэр 9-р цагт (өдрийн 3 цагт) нас барсан. Тэр 6 цаг загалмай дээр байсан бөгөөд 7-р цаг эхлэхэд ... бүх зүйл төгссөн.
Тэгэхлээр бид Бурханы бүтээсэн цаг хугацааны хэв шинжийг харж байна.
Цаг хугацааны 6 үед ажиллаад 7 дахь үед амрах.
Амралтын өдөр
Библид хэлэхдээ Төгсгөлийн үеийн дараа сатаныг ёроолгүй гүнд хорьж, хүн төрөлхтөнд энх амгалан цаг буюу амралтын үеүд болох “1000 жил” гэж нэрлэгдэх 1000 жилийн үе ирнэ гэж хэлсэн байдаг.
... ёроолгүй гүнд (сатаныг) хаяжээ. Тэгээд мянган жилийг нь дуустал үндэстнүүдийг цаашид мэхлүүлэхгүйн тулд түүнийг түгжээд лацдав. Үүний дараа тэр ахархан хугацаанд суллагдах ёстой аж. Би сэнтийнүүдийг харав. Тэд дээр нь заларчээ. Тэдэнд шүүх эрх өгөгдсөн байлаа. Мөн Есүсийн гэрчлэл болон Бурханы үгээс болж цаазлуулсан хүмүүсийн болон араатанд ба түүний хөрөгт мөргөөгүй, дух хийгээд гар дээрээ араатны тэмдгийг хүлээн аваагүй хүмүүсийн сэтгэлүүдийг би харав. Тэд амилаад Христтэй хамт мянган жилийн турш хаанчилжээ. Илчлэлт 20:3,4
Томъёолол
1000 жил=Бурханы 1 өдөр
Библид, нэгэн цагт тэнгэрийн улс ба дэлхий дээр шүүлтийн өдөр ирэх боловч Бурханы хувьд 1000 жил 1 өдөртэй тэнцэнэ гэж хэлсэн байдаг.
Харин, хайртууд минь, Эзэний хувьд, нэг өдөр нь мянган жил мэт, мянган жил нь нэг өдөр мэт байдаг нь та нараас бүү нууцлагдаг. 2Петр 3:8
Түүнчлэн 1000 жил 1 өдөртэй тэнцэх төдийгүй үүнийг шөнийн “харуул” гэж хэлсэн байдаг (энэ нь шөнийн сэрэмжлэл гэсэн утгатай).
Учир нь Таны мэлмийд мянган жил бол Өнгөрөн одож буй өчигдөр мэт,
Эсвэл шөнийн манаа мэт буюу. Дуулал 90:4
Одоо бүгдээрээ энгийн нэг арифметикийн үйлдэл хийж үзье.
Хүн 6 өдөр ажлаад 7 дахь өдөр нь амрах ёстой.
1000 жил бол Бурханы хувьд 1 өдөр гэж хэлсэн.
Төгсгөлийн үеийн дараа 1000 жил гэж нэрлэгдсэн 1000 жилийн үе явагдана.
Тэгэхлээр 7000 жил байгаа гэж үзвэл
6000 жил ажлын жил бөгөөд
1000 жил нь амралтын жил болно. Энэ зүйлийг ойлгохын тулд дараахь зүйлийг унших хэрэгтэй.
Библийн цаг хугацаа
Библид дэлхийн эхлэлээс Есүсийн үеийг хүртэлх цаг хугацаа өгөгдсөн байдаг болохоор бид дэлхийн эхлэлээс Есүсийн үеийг хүртэл хичнээн цаг хугацаа өнгөрснийг тооцоолж болно. Дараахь цаг хугацааны графикийг Библи дээр үндэслэн хийсэн юм. Энэ графикийг хийхэд олон жилийн судалгааны ажил шаардсан бөгөөд ард нь батлах ишлэлүүдийг тавьсан байгаа. Библид үйл явдлын цаг хугацаа болон хэдэн насандаа хүүхэдтэй болсныг бичсэн байдаг дээр үндэслэн Адамыг хүн төрөлхтний анхны хүн гэдэг утгаар нь Адамаас эхлэн цаг хугацааг тооцон эдгээр жилүүдийг тооцон гаргасан. Үүнд АХ гэсэн товчлолыг \Адамаас хойш\ хэрэглэхдээ өмнөх үйл явдлаас дараачийн үйл явдал хүртэл хичнээн цаг хугацааг өнгөрснийг харуулсан байгаа.
Библи өөрөө бидэнд энэ цаг хугацааг хэлж өгдөг бөгөөд бид бүгдэд зөвхөн эдгээр цаг хугацааг тооцоолон гаргахад л хангалттай юм.

Тэгэхлээр Адамаас Есүсийг төрөх хүртэл 4000 жил өнгөрсөн бөгөөд Адамаас Есүсийн дахин амилалт хүртэл 4033 жил өнгөрсөн байна. Одоо тэгвэл Есүсийн дахин амилалтаас өнөөг хүртэл хэдэн жил өнгөрснийг Библийн дагуу авч үзье. Энэ үеийг “харь итгэгчдийн үе” гэж нэрлэдэг.
Илдний ирээр тэд унагаагдаж, бүх үндэстнүүд уруу цөлөгдөнө. Харь үндэстний цаг гүйцэх хүртэл Иерусалим харь үндэстнүүдийн хөл доор талхлагдах болно. Лук 21:24
Ах дүү нар аа. Та нарыг өөрсдийнхөө бодлоор мэргэн болчих вий гэсэндээ энэ нууцыг та нар бүү тоомсорлохгүй байгаасай гэж би хүсэж байна. Харь үндэстнүүд дүүрэн орох хүртэл Израилийн хэсэг нь хатуу сэтгэлтэй болжээ. Ром 11:25
Харь итгэгчдийн үеийн шинж тэмдэг
Библид “харь итгэгчдийн үе” ирнэ гэж хэлсэн байдаг. Энэ бол Есүсийн дахин амилалтаас хойш дэлхий дээр энх амгалан тогтох 1000 жилийн өмнөх үеийг хүртэлх цаг хугацаа юм. Энэ 1000 жилийн өмнө төгсгөлийн 7 жил үргэлжилнэ. Тэгэхлээр Есүсийн дахин амилалтаас Төгсгөлийн үеийг хүртэлх цаг хугацаа бол улс, үндэстэн бүрээс Есүст итгэж, Аврагчаа болгон хүлээж авах “харь итгэгчдийн үе” юм. Паул шиг номлогчид үнэнийг харь үндэстнүүдэд тунхаглахаар сонгогдох болно.
Үүний төлөө би тунхаглагч, элч, багшаар томилогдсон юм. 2Тимот 1:11
Есүсийн үеийг хүртэл “Харь итгэгчдийн үе” эхлээгүй байсан гэдгийг яаж мэдэх вэ?
Есүс эдгээр арван хоёрыг явуулахдаа тэдэнд ингэж сургамжилжээ.
— Харь үндэстнүүдийн замаар бүү яв. Самаричуудын ямар ч хотод бүү оч. 6 Харин Израилийн гэрийн төөрсөн хонинууд уруу оч. 7 Та нар явахдаа "Тэнгэрийн хаанчлал ойрхон байна" гэж тунхаглагтун. Матай 10:5-7
Эндээс харвал Есүсийн дахин амилалтаас хойш Төгсгөлийн үе хүртэл ШИНЭ ГЭРЭЭНИЙ үе буюу харь итгэгчид Есүсийг Аврагчаа болгон хүлээн авах тодорхой үе өгөгдсөн байна. Энэ үед иудейчүүд ч гэсэн Есүсийг өөрийн Аврагчаа болгон хүлээн авах боломж байгаа, хэрэв Ром 11-р бүлгийг уншвал Израйлийн сонгогдсон хүмүүс ч гэсэн харь итгэгчдийн үед аврагдана гэдгийг хэлдэг.
Мөн хэрэв тэд итгэлгүй байдалдаа цаашид байхгүй бол бас л залгагдах болно. Учир нь Бурхан тэднийг дахин залгах чадалтай. Ром 11:23
Хэрэв бид дээрх графикаас эргэн харвал Бурханы хүмүүсийн Эцэг болохоор дуудагдан сонгогдсон Абрахам АХ 2000 оны үед төрсөн байна. Хэрэв Бурханы хүмүүсийн тухай амлалт Абрахамтай хамт эхэлсэн гэж үзвэл түүний энэ амлалт АХ 4000 буюу Есүсийг төрөх хүртэл 2000 жил хүртэл үргэлжилсэн гэсэн үг юм. Түүнчлэн Есүсээс хойшхи 2000 жил харь үндэстэн итгэгчдийн үед ч бас үргэлжилж байна.
Өнөөгийн бидний хэрэглэдэг америк календари нь 365 хоногтой бөгөөд МЭ (манай эрин) гэж бид нэрлэдэг. Энэ нь англиар “үхлийн дараа” гэсэн утгатай биш харин “эрх мэдлийн үе” гэсэн утгатай байдаг. Америк календарийн дагуу Есүс МЭ 0 онд төрж, МЭ 33 онд цовлогдож, дахин амилсан.
Тэгэхлээр Адамын үеэс Есүсийн дахин амилалт хүртэл 4033 жил өнгөрсөн байна. Тэгвэл Адамын үеэс одоог хүртэл хичнээн жил өнгөрсөн бэ гэдгийг тооцоолохын тулд МЭ 33 оноос одоог хүртэл хичнээн жил өнгөрснийг тооцоолъё.
Одоо 2009 он байгаа.
МЭ 33 оноос 2009 он хүртэл 1976 жил өнгөрсөн байна.
Тэгвэл 4033 жил дээр 1976 жилийг нэмье.
Нийт дэлхий дээр 6009 жил өнгөрсөн байна.
Тэгэхлээр 7000 жил байгаа гэж үзвэл
6000 жил ажлын жил бөгөөд
1000 жил нь энх амгалангийн буюу амралтын жил болно.
Хөөх... улам ч сонирхолтой болж байна шүү.
Үүнд хүндрэлтэй нэг асуудал байдаг. Бурхан өөрийнхөө амлалтуудыг үндэслэсэн еврей календари бусад календариудаас өөр байдаг. Энэ нь олон жилийн турш олон удаа өөрчлөгдсөөр ирсэн байдаг. Учир нь олон улс үндэстнүүдийн дарлал дор байсан израйльчуудын цаг хугацааг яг таг тодорхойлж хэлэхэд хэцүү байдаг. Магадгүй энэ нь Бурхан тэр цагийг хэнд ч тодорхой болгохыг хүсээгүйтэй холбоотой байх.
Тийм болохоор еврей календари маш олон удаа өөрчлөгдөж ирсэн болохоор жинхэнэ цаг хугацааг тодорхойлох хэцүү байдаг.
Гэвч Адамаас одоо үеийг хүртэл ойролцоогоор 6000 жил өнгөрсөн гэж яаж ч байсан гарч ирдэг нь маш сонирхолтой байдаг.
Эргэн сануулахад Бурханы нэг өдөр хүн төрөлхтний хувьд 1000 жилтэй тэнцэнэ гэдэг. Эхлэл номон дээр Бурхан 6 өдөр ажиллаад 7 дахь өдөр нь амарсан. Энэ тохиолдолд 7 дахь өдөр нь Библид “”1000 жил” гэж нэрлэгдсэн энх амгалан, амралтын жил болох 1000 жилийн үе байж болох юм. Төгсгөл ойрхон байна!