Эзэний Оршихуй ба Тосолгоо 2-р хэсэг

Пастор Бенни Хинн, та олон жил Эзэнд үйлчилсэн. Энэ олон жилийн хугацаанд Эзэний агуу хүмүүс үйлчлэлээсээ авагдаж байсан гол шалтгаан юу байсан бол?

Сайхан асуулт байна, би яг энэ асуултыг Эзэний агуу хүн Орал Робертсоос асуудаг байсан. Энэ асуултын хариулт нь хувь хүний асуудалтай холбоотой учраас би энэ асуултад бүрэн хариулахгүй ч гол хариултыг өгөхийг хичээе. Би Эзэний агуу хүн Катрин Кулмантай өмнө нь хэзээ ч уулзаж байгаагүй боловч түүнийг нас барахад түүний багийнхан намайг түүний дурсамжинд зориулсан үйлчлэлд хамтран зүтгэхийг урьсан. Түүнээс хойш тэдэнтэй хамтран 4 жил үйлчилж байхдаа Бурханы биш хүний үйлчлэлийг хийж байхдаа Катрин Кулманы талаар олон зүйлийг олж мэдсэн юм. Катрин Кулманыг амьд байхад түүний үйлчлэлийг баримтжуулан бичсэн баримтат кино Амьд ус гээд кино байдаг. Бид үйлчлэл эхлэхээс өмнө тэр киног хүмүүст үзүүлж эхэлдэг байсан бөгөөд үүний дараа би сургаалаа номлож эхэлдэг байлаа. Нэгэн удаа бид заалны хойд талд суугаад Катрин Кулманы киног үзэж байсан. Миний хажууд Катрин Кулмантай хамт олон жил үйлчилж байсан түүний баруун гарын туслах Магги Хартнер сууж байсан. Магги тэр үед уйлж байсан. Тэр дэлгэц рүү хуруугаараа заагаад “Катрин бол миний амьдрал байсан. Тэр миний амьдрал байсан. Гэвч тэр нас барахаасаа өмнө ухаан санаагаа алдаж галзуурсан байсан” гэж надад хэлсэн. Би түүний үгэнд шоконд орсон. Би тэр үед 24 настай залуу байсан, юу хэлэхээ мэдээгүй. Катрин Кулман бол миний хамгийн их хүндэлж явдаг хүмүүсийн нэг байсан, Бурханы дараа миний амьдралд 2-рт ордог хүн байсан. Тэгээд би Орал Робертсоос энэ тухай асууж байсан. Тэр манай хөрш байсан учраас бид уулзаж хоорондоо олон зүйлийн тухай яриа өрнүүлдэг байсан. Магги Хартнер надад хэлж байсан зүйлийн талаар Орал Робертсаас би асуухад тэрээр “Катрины зүрх шархалсан учраас тэр нас барсан” гэж хэлсэн. Хэдийгээр хэн түүнээс урваж, хэн түүнд ямар зүйл хийж байсныг тэр надад ярьж байсан боловч би энд бүгдийг хэлж чадахгүй. Орал Робертс надад хэлэхдээ “Урвалт түүнийг сөнөөсөн. Катрин амьдралдаа урвалттай тулгарахад тэр юу хийхээ мэдээгүй учраас маш ууртай хүн болж хувирсан. Тийм учраас Бурхан түүнийг өөрийнх нь ажилд хор хөнөөл учруулахгүйн тулд цагаас нь өмнө эрт авсан. Би Оралаас “та үүнийг яаж мэдэж байгаа юм бэ” гэхэд Катринтай хамт ажиллаж байсан Рекс Хамберт бас ийм зүйлийг дурдаж байсныг хэлсэн юм. Рекс хэлэхдээ “Катрин нөлөө бүхий хүн байсан учраас Эзэн цаашид өөрийнхөө ажилд хор хөнөөд учруулахгүйн тулд цагаас нь өмнө эрт авсан” гэж хэлж байсан.
Тэгээд би Орал Робертсоос Эзэний бусад олон агуу хүмүүсийн тухай, тэдний амьдрал үйлчлэлийн тухай ярилцаж байхдаа яагаад А. А. Ален архи уусаар нас барсан, яагаад Брендон өөрийгөө Елиа гэж боддог байсан тухай Эзэний бусад олон агуу хүмүүсийн ололт амжилт, уналтын тухай олж мэдсэн юм. Энэ бүхний эцэст Орал надад хэлэхдээ би чамд тосолгооны тухай мэддэг бүхнээ хэлмээр байна гэсэн. Тэр хэлэхдээ “Бурхан чамайг өөрийн үйлчлэлдээ тослоход тэр тосолгоо нь чиний дотор байгаа бүх зүйлийг эрчимжүүлж өсгөдөг. Чиний дотор буй тосолгоо чиний дээрээс буух тосолгоо нийлэхэд чиний дуу чангарч, сэтгэл чинь хөдөлж, чиний дотор буй бүхэн эрчимжих болно. Өөрөөр хэлбэл чиний дотор буй сайн муу бүх зүйлүүд эрчимжиж өсч эхэлдэг. Хэрэв чи гэм нүгэл дотроо амьдарсан хэвээрээ байвал Эзэний тосолгоо чиний дотроос ундран оргилохдоо чиний дотор буй сайн муу бүх зүйлийг ил гаргах болно. Тийм учраас Эзэний агуу хүмүүсийн унасан шалтгаан нь тэд өөрсдийн сул дорой, дутагдалтай чанар, гэм нүглээ шийдэж засч чадаагүй байсан учраас тэр байдал нь тэднийг аажим аажмаар устгасан. Тийм учраас Эзэнээр тослогдсон хүмүүс өөрсдийн сул дорой байдал, гэм нүгэлтэйгээ тэмцэж засахгүй бол Эзэний тосолгоо нь тэдний гэм нүглийг ил болгодог. Тиймээс Бурхан тэднийг ашигласны дараа ашиглаж эхлэхээс нь өмнө илүүгээр Бурхантай хамт цаг гаргаж залбирч сурах хэрэгтэй. Хэрэв тэд үйлчлэлийнхээ дараа Бурхантай хамт ойр байж сурахгүй бол унахад амархан байх болно. Эзэний агуу хүмүүс нь Эзэнд үйлчилж байсан агуу цаг мөчүүдийнхээ дараа унаж байсан. Тиймээс Эзэнээр тослогдсон хүмүүс Эзэнтэй хамт илүү их цагийг үйлчилж дууссаныхаа дараа үйлчлэлийнхээ өмнөхөөс ч илүүгээр зориулж Эзэнд ойр байх хэрэгтэй.
Бидний ихэнх нь Бурхан биднийг хэрэглэж дууссаны дараа өмнөхөөсөө илүү, хэрэглэгдэхээсээ өмнө илүүгээр Бурхантай ойр байж залбирч чаддаггүй. Тиймээс миний танд өгөх хариулт бол Бурхан таныг ашигласны дараа илүү их залбирагтун, тэгвэл та хамгаалагдах болно. 

Эзэний Оршихуй ба Тосолгоо 1-р хэсэг

Пастор Бенни Хинн, таны бүхий л уулзалт конференцүүд Бурханы оршихуй ба алдар дотор урсдаг гэдгийг би хардаг, таны хийж буй бүхэн Бурханы Сүнс дотор урсдаг, тэгвэл Бурханы оршихуйн энэ урсгалд саад болдог 3 зүйлийг та нэрлээч.
Би өмнө нь уур амьсгалыг бүрдүүлэх нь чухал байдгийг хэлж байсан. Үнэхээр уур амьсгал байхгүй бол саад учирдаг. Уур амьсгалыг үгүй хийдэг хэд хэдэн зүйлүүд байдаг. Тэдгээрийн нэг нь хоосон сандал гэвэл хүмүүс гайхах байх. Тиймээ, энэ бол үнэхээр тийм. Хоосон сандал итгэлийг устгадаг. Олон олон агуу үйлчлэлүүд жижиг цугларалтаас болж устаж үгүй болж байсан. Яагаад гэвэл хүмүүсийн сэтгэл хөдлөл маш чухал. Агуу еванжелист Катрин Кулман дандаа жижиг зааланд уулзалтуудаа хийдэг байсан, дээд тал нь 700 хүнтэй заал байдаг байсан. Бурханы оршихуйн урсгалд саад болдог бас нэг зүйл бол таны эргэн тойронд буй ойр дотны хүмүүсээс хэн нэг нь гэм нүгэл дотроо амьдарсаар байгаа бол танд нөлөөлөх болно, та Эзэнтэй холбогдож чадахгүйд хүрдэг. Бас нэг гурав дахь зүйл бол анхаарал сарних. Ямар нэг гадны анхаарал сарниах зүйлүүд нь таны анхаарлыг Эзэнээс холдуулдаг. Тийм ч учраас Эзэн тэмдэг гайхамшгийг үйлдсэнийхээ дараа буцах замдаа хэнтэй ч мэндэлдэггүй байсан. Елиа мөн адил үйлчлэлээ хийж дууссаны дараа хэнтэй ч ярьдаггүй байсан. Яагаад гэвэл оршихуй өргөгддөг гэдгийг тэр болгон хүмүүс мэддэггүй. Бурханы оршихуй танаас холдон одож болно харин бэлэг авъяас танаас холдон оддоггүй тантай үргэлж хамт байдаг. Бурханы оршихуй ба тосолгоо (бэлэг авъяас) хоёрын хооронд маш том ялгаа бий. Бурханы оршихуй нь бидний зүрх сэтгэл ба сүнс хүн дотор байдаг бол Бурханы тосолгоо нь бидний бие махбод, сэтгэл санаанд нөлөөлдөг. Жишээ нь, 2 шилэн лонх байна гэж бодъё. Нэг дэх шилэн лонхонд тал аяга ус хийе. Дараа нь нөгөө шилэн лонхыг авч, нэг дэх шилэн лонхыг дүүртэл нь ус хийе. Тэгвэл нэг дэх шилэн лонхонд байгаа хоёр хэсэг ус нэгэн бүхэл бүтэн нэгдмэл ус болно. Ийнхүү таны сүнс хүн авралыг хүлээж авсны дараа Ариун Сүнстэй нэгдмэл нэг болно. 1Коринт 6:17-д хэлснээр би Эзэний дотор, Эзэн миний дотор нэгдмэл нэг болдог. Тэгвэл энэ хоёр нэгдлээс 2 гол урсан гардаг. Нэг нь таны дотор буй тосолгоо урсан гарна. Нөгөө нь таны дээр бууж ирэх тосолгоо урсан гарна. 1Иохан 2:27 ба Үйлс 1:8 хооронд маш том ялгаа бий. 1Иохан 2:27 дээр таны дотор буй тосолгооны тухай хэлсэн бол Үйлс 1:8 дээр таны дээр бууж буй тосолгооны тухай ярьж байна. Та Эзэнд итгэж аврагдсаны дараа Ариун Сүнсийг хүлээн авч, Ариун Сүнс дотор алхах хэрэгтэй. Энэ нь Эзэний оршихуй дотор алхах юм. Библид бид бол Ариун Сүнсний орших сүм гэж хэлсэн байдаг. Өөрөөр хэлбэл би Эзэний дотор, Эзэн миний дотор алхаж эхлэхэд би Эзэний оршихуйд алхаж эхэлдэг. Энэ нэгдмэл байдлаас Бурханы хүч чадлын хоёр гол урсан гардаг. Нэг дэх гол бол миний сүнс хүнд зөвхөн миний сүнс хүнд нөлөөлөх Бурханы хүч чадал урсан гардаг, 1Иохан 2:27 дээр хэлэхдээ энэ тосолгоо нь хэн ч заах шаардлагагүй бөгөөд үнэний илчлэлт ба илэрхийлэлийн тосолгоо ба өөрчлөлтөд хүргэдэг тосолгоо гэсэн байдаг. Харин таны дээр буудаг тосолгоо нь, Данни чи олон удаа Африк явж, крусайд хийж байсан, тэгвэл чиний бие дээр ямар нэгэн зүйл бууж ирэхийг мэдэрч байсан байх, тэгвэл тэр бол чиний дотор буй Есүс илчлэгдэн гарахын тулд чиний дээр бууж буй тосолгоо юм. Энэ нь Бурханы хүч чадлыг бусдад гэрчлэн харуулдаг. Таны сүнс хүн дотор буй тосолгоо нь Эзэнээр ангаж цангах, Эзэнийг эрэн хайх таны эрэн хайлтаас шалтгаалах бол харин таны дээр бууж ирэх тосолгоо нь Бурханаар ангаж цанган, Түүний хүч чадлыг эрэн хайж буй хүмүүсийн эрэн хайлтаас шалтгаалдаг. Эзэний хүч чадалтай залуу хүмүүс та нар хэн нэгэнд үйлчилж байх үед танаас ямар нэг зүйл урсан гарахыг мэдэрдэг байх, энэ нь тэр тосолгоон дээр буй хүмүүсийн шаардлага хэрэгцээг онцолж байна. Харин таны дотор буй, таны сүнс хүн дотор буй тосолгоо хэн рүү ч дамжин урсахгүй, өөрөөр хэлбэл та хэн нэгэн дээр гар тавьж аврагд гэж залбирч чадахгүй юм. Яагаад гэвэл таны дотор буй тосолгоо нь зөвхөн танд хамаатай, харин та бусад хүмүүс дээр гар тавиад эдгэр гэж залбирч чадна, яагаад гэвэл тэр тосолгоо нь танаар дамжин бусад руу урсдаг тосолгоо юм.
Бурханы оршихуй дотор та 3 арга байдлаар алхдаг. Нэгдүгээрт, нөхөрлөл юм. Та Эзэнтэй нөхөрлөхөд Эзэн өөрийгөө танд илчилдэг. Хоёрдугаарт, магтаал хүндлэл. Та Эзэнийг магтан хүндлэхэд Тэр өөрийгөө танд илчлэх болно. Гуравдугаарт, Үгийг гүн судлах. Эзэнийг үгийг судлах 3 төвшин байдаг. Библийг та анх удаа уншиж эхлэхэд Библийн түүхэн үйл явдлуудтай танилцдаг. Адам, Ева, Каин, Абелаас авахуулсаад Абрахам, Исаак, Иаков эш үзүүлэгчид хүртэл түүхийн бүхий л цаг үеүдтэй танилцдаг. Энэ нь библийн үгийн эхний төвшин юм. Хоёр дахь төвшин бол Израильчуудад зориулсан Бурханы төлөвлөгөөг та мэдэх болно. Гурав дахь төвшин бол та Библи доторх Есүсийг мэдэх болно. Эзэн танд өөрийн Үгээрээ дамжуулан Өөрийгөө илчлэх үед таны амьдрал өөрчлөгдөх болно. Иосефын жишээ нь Есүсийн амьдралыг харуулдаг. Иосеф эцгийнхээ цорын ганц хайртай хүү нь байсан, Есүс ч мөн адил тийм байсан. Иосеф ах нартаа үзэн ядагдаж гадуурхагдсан. Есүс ч бас гадуурхагдсан. Дараа нь Иосеф нүхэнд хаягдсан. Энэ нь Есүсийн үхлийг харуулдаг. Тэгээд Иосеф шоронд хоригдсон нь Есүс нас барсныхаа доод ертөнцөд очсоныг илэрхийлдэг. Дараа нь Иосеф шоронгоос суллагдсан. Энэ нь Есүс Эзэний амилалтыг илэрхийлдэг. Иосеф дараа нь Фараон хааны баруун гар талд заларсан. Энэ нь Есүс Эзэний тэнгэр өөд одсоныг илэрхийлдэг. Иосеф харь үндэстнээс эхнэр авдаг. Энэ нь Есүс Эзэн сүм болсон өөрийн сүйт бүсгүйтэй гэрлэснийг илэрхийлдэг.

Ийнхүү та Эзэний үгийн гүн илчлэлтүүдийг авч эхлэхэд Эзэн танд өөрийгөө илчилдэг. Үр дүнд нь та Эзэний оршихуйд алхаж эхэлдэг. Эзэний үг танд амьд болж эхлэхэд таны амьдралд өөрчлөлтийг авчирдаг.
Катрин Кулман хэлэхдээ “Библи бол цорын ганц хүний тухай буюу Есүс Эзэний илчлэлт” гэдгийг мэдсэний дараа миний амьдрал өөрчлөгдсөн гэжээ.

Эзэний Оршихуйн Илчлэлт

Хэдэн жилийн өмнө Эзэн намайг шөнө дунд сэрээдэг болов. Ихэвчлэн 2.30 цагт сэрээх бөгөөд Түүний оршихуйгаар би сэрдэг байв. Би босож суугаад нэг цаг магадгүй 1 цаг 30 минут эсвэл шөнийн турш Түүний оршихуйд суудаг байв. Дараагийн шөнө мөн адил Түүний оршихуйд сууна. Тэр үед миний дотроос хүчтэй магтаалын дуу урсан гардаг байв. Нэгэн удаа Эзэн миний дэргэд ирж орны хөлд зогссон. Дараа нь тэр дуулж эхэлсэн бөгөөд тэр дуу нь надад зориулсан дуу байв. Эзэн миний өрөөнд янз бүрийн байдлаар ирдэг байв. Ихэвчлэн хаалга тогших чимээгээр би сэрдэг байсан. Эзэн хэрхэн тогшихоор нь Түүнийг ямар байдалтай байгааг мэддэг байлаа. Хэрэв тэр яаралтай явж байвал тогшилт нь яарч буй байдалтай байдаг байсан. Заримдаа тогшилт нь бараг сонсогдохгүй байдаг бөгөөд тэр үед Эзэн надтай хамт хайрын харилцаанд байхыг хүсч буй илэрхийлэл байдаг байсан. Би Эзэнээс чухам яагаад 2.30 цагт ирдэгийг асуусан юм. Эзэн надад хэлэхдээ “Яагаад гэвэл би Эзэнтэй 2.30 цагт нөхөрлөхийн тулд хангалттай нойрыг авсан байх бөгөөд энэхүү нөхөрлөлийн дараа эргээд унтахад дараагийн өдрийн ажлаа эхлэх хүртэл хангалттай амрах хугацаа байдаг байлаа. Энэ зүйлийг надад Эзэн ойлгуулсны дараа Эзэн миний сайн сайхан байдлын төлөө хичнээн анхаардаг, ойлгодог болохыг ойлгосон юм.
Мэдээж Эзэнийг ингэж хүлээж цаг гаргах нь намайг өөрөө өөрийгөө хянан захирах чадварт сургасан. Жишээ нь, би орой болтол зурагтаар шоу нэвтрүүлэг үздэггүй байсан бөгөөд найз нөхөдтэйгээ оройн цагаар гадагш гарч чаддаггүй байлаа. Ямар ч чухал хүн манайд ирсэн би яг л цагтаа унтахаар явдаг байв. Яагаад гэвэл Эзэнтэй уулзах цаг маань илүү чухал байсан юм.
Нэгэн шөнө Эзэн миний орны хажуугаар алхан өнгөрөх чимээгээр би сэрсэн. Түүний хувцас цагаан өнгөтэй байсан бөгөөд алхаж буй чимээ нь яг л модны навчис шажигнах мэт чимээг сонссон. Миний өрөө Эзэний оршихуйгаар дүүрэх мөч 2.30 цагийг зааж байлаа. Би зуухны хажууд сандлаа тавьж, тухлан суув. Тэгээд 4.45 цаг хүртэл Түүний оршихуйд суусан. Түүний дараа би Эзэнээс унтаж болох уу гэж асуухад ямар ч хариулт ирээгүй учир би орондоо орж унтав. Хэсэг унтаж байтал 2 гар миний мөрнөөс хүчтэй татаж намайг босгож суулгасан. Яаж ийм зүйл болсныг би мэдээгүй ч би өрөөндөө ганцаараа байсан. Үүний дараа Түүний оршихуй өрөөнд маш хүчтэй болсон. Энэ үед яг 5 цаг болсон байсан. Тэгээд би Түүний оршихуйд 7 цаг хүртэл суугаад Эзэнд би “сургууль руу явах хэрэгтэй байна” (орч. тэрээр библийн сургуульд багшилдаг байв) гэж хэлээд хувцасласан. Тэр үед Эзэн тэр өдөр юу хийх гэж байгаа талаар надад өчүүхэн ч таамаглал байгаагүй юм.
Тэр өглөө миний заах хичээл Хосеа номноос байлаа. Хосеа ном нь Бурханы шархалсан зүрх сэтгэлийн тухай нарийн ойлголтуудыг өгсөн байдаг. Би хичээлээ зааж эхлээд 10 минут өнгөрч байв. Гэнэт би Эзэний онцгой оршихуйг мэдэрсэн. Би уншиж буй номоо хойш тавиад оюутнуудад хандаж “Эзэний оршихуй энд байна. Бүгдээрээ хэсэг завсарлаад юу болохыг харъя” гэж хэлсэн. Гэнэт эш үзүүллэгийн илчлэлтүүд нэг нэгээрээ ирж, анги танхим тэр чигээрээ тогонд цохиулах шиг болсон. Оюутнуудын гар дээш өргөгдөж, магтаал хүндлэл тэдний зүрх сэтгэлээс оргилж эхэлсэн. Эзэний оршихуй бялхам дүүрэн болсон. Дараа нь хэсэг чимээгүй болоход нэгэн охин маш сайхнаар дуулж эхэлсэн. Түүний хоолойны өнгө ер бусын байдлаар өндөр болж, мөн доод нотоор дуулж байлаа. Яг л дуурийн дуучин шиг дуулж байв. Бас нэг охин түүнтэй хоршиж эхлэхэд тэд нар бие биетэйгээ сүнс дотор харилцан дуулж байв. Үүний дараа хэн нэгэн тэр дууг тайлбарлахад дууны утга нь Эзэн өөрийн сүмтэй тогтоосон хайрын харилцааны тухай байв.
Дараа нь оюутнууд дахин хүч чадлаар дүүрч, ер бусын баяр жаргалд умбасан. Хичээлийн цаг дуусч хонх дуугарав. Оюутнууд ангийг орхиж явах ёстой байсан боловч хэн ч хөдөлсөнгүй. Яагаад гэвэл хүн бүр Эзэнийг магтан хүндэлж байлаа. Дараагийн орж ирэх ёстой анги үүдэн дээр юу хийхээ мэдэхгүй хүлээн зогсов. Тийн зогсох үед Ариун Сүнс тэдний дээр бууж, тэд нар ч бас магтаал хүндэтгэлээр дүүрсэн. Ийм байдалтай 1 цаг өнгөрсөн.
Хичээлийн дараагийн цаг дуусч хонх дуугарахад эхний ангийн оюутнууд ангид хэвэээрээ байсан бөгөөд уг ангид орж ирэх ёстой гурав дахь ангийн оюутнууд мөн л үүдэнд юу хийхээ мэдэхгүй зогсож байтал Ариун Сүнс тэдний дээр унаж, гайхамшигтай магтаал хүндлэлүүд урсан нийлсэн. Үдээс хойш гэхэд Ариун Сүнс бүхэл бүтэн сургууль даяар хүн бүрийн дээр буусан. Оройн хоолны цаг болоход бүхэл бүтэн сургууль даяараа Эзэнийг магтсан хэвээрээ байлаа. Энэхүү Ариун Сүнсний сэргэлт сургууль долох 10 хоног үргэлжилсэн бөгөөд Эзэн өөрийн гайхамшгаараа тэдний дунд хөдөлсөн юм. Энэхүү сэргэлт нь Эзэнтэй уулзсан тэр л шөнөөс эхэлсэн бөгөөд хэрэв би Эзэний намайг сэрээх тэрхүү хөдөлгөгдөлтөнд хариулаагүй бол энэ сэргэлт болохгүй байх байсан. Өөрөөр хэлбэл Эзэнийг хүлээсэн тэдгээр цагууд, тэдгээр шөнүүдээс энэ сэргэлт үүдэлтэй байлаа. Бид Эзэнийг ийнхүү эрэн хайж Түүний оршихуйд хүлээх юм бол бидэнд гайхамшигтай үнэ цэнийг авчирдаг юм…

“Эзэний оршихуйн илчлэлт” номыг дараахь линкээр орж, англиар уншина уу.

"The Manifest Presence of God" by Walter Beauttler

http://walterbeuttler.com/the-manifest-presence-of-god/

Бурханы дуу хоолойг сонсч сурах нь

Бурханы дуу хоолойг сонсч сурах нь

Нэгэн өдөр би заншил ёсоороо грек үгний судлал хийгээд сууж байсан. Энэ нь миний шинээр бичиж байсан номны судлалтай холбоотой байсан. Ном бичиж байх үед Эзэн надтай их ярьдагийг би мэддэг байсан. Тэгээд би Бурхантай ярьж байсан, Эзэн минь, та дараагийн 20 жилд юу хийхээр төлөвлөж байна вэ, хэрэв би таны тэр хийх зүйлийг тантай хамт хийвэл баяртай байх болно гэсэн. Тэгтэл Эзэн, Чи миний явах газар явахыг хүсч байна уу гэсэн. Тэр үед миний дотроос Ариун Сүнс ярьж байгааг би ойлгосон. Би чамайг эцэггүй хүүхдүүдийн эцэг болгохыг хүсч байна. Энэ газар тийм хүмүүсийн цугларах газар байх болно гэсэн. Яг одоо бидний байгаа энэ газар хоосон тал газар байсан. Бидний сууж байгаа энэ сүмийн газар тэр үед миний өмч биш байсан. Эзэний хэлсэн эдгээр үгс 8 жилийн турш баригдсан өнөөдрийн энэ сүмийн барилга болон энд явагдаж байгаа библийн сургуул, сайн мэдээний үйлчлэлийн үндэс суурь болсон юм. Эзэн надтай миний далд ухамсарт Ариун Сүнсээр дамжуулан ярьж байгааг ойлгосон. Бид нар сэрүүн байх үед Бурхан бидэнтэй далд ухамсраар дамжуулан ярьдаг бол унтаж байх үед дотоод ухамсраар дамжуулан ярьдаг. Бид ямар нэгэн зүйлд оюун бодолдоо ятгагдах үед энэ нь бидний далд ухамсарт явагдаж байгаа үйл ажиллагаа байдаг. Тэгвэл Бурхан бидэнтэй яаж ярьдаг вэ Бурхан бидний сүнснээс бидний далд ухамсар руу хандан ярьдаг. Тэр үед та Эзэний хэлж байгаа үгийг сонсдог. Тэгээд би Эзэнд хэлсэн, Эзэн минь ээ, надад үл хөдлөх хөрөнгө хэрэгтэй, надад газар хэрэгтэй, надад барилга хэрэгтэй гэж хэлсэн. Би бүхэл хот даяар хайсан боловч тохиромжтой газрыг олж чадахгүй байна гэсэн.
Тэгтэл Эзэн надад машиндаа суу гэж хэлсэн. Миний сүнснээс миний далд ухамсар руу ярьж байгааг би мэдсэн. Тэгээд би нөгөө өрөөнд ажиллаж байгаа эхнэр дээрээ очоод хоёулаа машиндаа сууя гэж хэлэхэд нягтлангийн ажилтай эхнэр маань би одоо ажилтай байна гэж тайлбарлаж эхлэхэд Эзэн биднийг машиндаа суу гэж хэлсэн гээд бид хоёр машиндаа суун явж эхэлсэн. Бид явсаар Мичиган гэдэг хотын хэсэгт ирж баруун тийш эргэхэд 20 акр бүхий цагаан байшинтай эзэмшил газар байхыг харсан. Тэр газрын эзэнтэй уулзахад манай сүмийн зөвлөлд багтдаг хүний ах нь байсан, түүний гэр бүлийнхэн гарч ирэхэд бид бүгдээрээ ярилцаж эхэлсэн. Газрын эзэн надаас “Та энэ 20 акр газрыг аваад юу хийхээр төлөвлөж байна вэ? Tа юу хийдэг хүн бэ?” гэж асуусан. Би сүмийн пастор бөгөөд ирээдүйд телевизийн үйлчлэл байгуулах, библийн сургууль байгуулах гээд хийхээр төлөвлөсөн бүх зүйлүүдээ ярьж эхэлсэн. Мөн илгээлтийн хөтөлбөр явуулах тухайгаа хэлэхэд газрын эзэн гэнэт уйлж эхэлсэн. “Та сая юу гэж хэлсэн бэ?” гэж тэр надаас асуусан. Илгээлтийн хөтөлбөр явуулна гэхэд газрын эзэн зайдуу буй цагаан байшинг зааж “Та тэр цагаан байшинг харж байна уу? Tэр цагаан байшинд миний ээж өөрийн хүүхдүүдээ өсгөсөн. Миний ээж баптист сүмд явдаг хүн байсан. Баптист сүмд эмэгтэй хүн сургаал заахыг хэзээ ч зөвшөөрдөггүй байсан. Миний ээж Бурхан түүнийг илгээлтэнд дуудсан гэдэгт итгэдэг байсан. Гэвч тэр өөрийн дуудлагаа биелүүлж чадаагүй. Гэвч миний ээж байшингийнхаа сүүдрэвчинд суугаад өвс өндөр болж ургац хураах цаг болоход хүмүүсийн сүнсний авралын ургацын төлөө залбирдаг байсан” гэв.

Тэр газрын үнэ 225,000 доллар байсан, газрын эзэн надад энэ түүхийг өгүүлээд гэр бүлийнхэнтэйгээ ярилцахаар явсан. Хэсэг хугацааны дараа тэр эргэж ирээд миний ээж амьд байхдаа, одоо ч тэнгэрийн улсаас харж байгаа, маш олон хүмүүсийн сүнсийг аврахыг хүсдэг байсан учраас би танд энэ эзэмшлийг 40,000 доллараар хямдруулан өгье гэсэн. Одоо бид нарын сууж буй энэ суурин дээр түүний ээжийн залбирч байсан энэ суурин дээр барьсан энэхүү 2 барилга нь өнөөдрийн бидний дэлхий дахинд түгээж буй сайн мэдээний үндэс суурь болсон юм. Хэрэв би тэр үед Бурханы хэлсэн үгийг дагаагүй бол өнөөдөр энэ зүйл тохиолдохгүй байх байсан. Тэгэхлээр бидний амьдралдаа хийж буй жижиг зүйл нь биднийг том зүйл рүү хөтөлдөг. Миний аав нас барахаасаа өмнө надад нэгэн зүйлийг хэлсэн. Тэр хэлэхдээ “Хүн бүр залбирч чаддаг харин хүн бүр Бурханыг сонсч чаддаггүй” гэсэн. Тийм учраас би та бүхэнд хэрхэн, яаж Бурханыг сонсч сурах вэ гэдэг талаар заахыг хүсч байна. 1-рт, та Бурханыг сонсохын тулд Ариун Сүнсний баптисмыг хүртсэн байх ёстой. Яагаад гэвэл таны дотор байгаа Ариун Сүнс Бурханаас ирж буй мэдээллийг тан руу дамжуулдаг. Тийм учраас нэгдүгээрт Ариун Сүнсээр дүүрэн байх. 2-рт, та библийн үгийг судлах ёстой. Яагаад гэвэл Есүс хэлэхдээ миний хонь миний дууг таньдаг гэсэн. Хэрэв бид нар Бурханы үгийг мэдэж байвал библи дээр хэлэгдсэн зүйлүүдийг хийхэд амархан байх болно. Бид Бурханы үгтэй өөрийгөө нийцүүлснээр диавол уу эсвэл Ариун Сүнс ярьж байна уу гэдгийг ялгаж таньж чадна. 3-рт, та залбирдаг байх ёстой. Паул хэлэхдээ та нарын сүнслэг ойлголт нээгдэхийн төлөө залбирдаг гэсэн байдаг. Гэвч миний олон жилийн туршлагаас хуваалцахад бас ингэж залбирмаар санагддаг. Бидний сүнсний чихийг нээгээч гэж. Еврей 5:11 дээр хатуу чихний тухай дурдсан байдаг. Тийм болохоор та гараа чихэн дээрээ тавиад ингэж залбирах хэрэгтэй. Эзэн минь, миний сүнслэг чихийг нээгээч. Таныг би сүнснээсээ сонсож, таны дуу хоолойг танихын тулд сүнслэг чихийг минь нээгээч гэж залбирах хэрэгтэй. Та нар энэ зүйлийг залуугаасаа сурч мэдээсэй гэж хүсч байна. Яагаад гэвэл бидний амьдарч буй дэлхий эргэн тойронд маань аюултай зүйлс их байна. Хэрэв та Эзэнийг сонсож сурвал Эзэн таныг ямар ч аюулаас хамгаалах болно. Миний аав нэгэн орой эцэг эх дээрээ очихоор явж байсан. Маш харанхуй болсон байсан, замдаа бие засах газар орох хэрэгтэй байсан учраас замын хажуугийн тэмдэгт дээр зогссон аж. Бие засах газрын ойролцоо гэр бүлийн машин байгааг харсан бөгөөд машины цонх нь бүдэг хар сүүдэртэй болохыг анзаарчээ. Машинаа унтрааж түлхүүрээ сугалах үед гэнэт түүнд мэдлэгийн үг иржээ. Бурхан түүнд “Хүү минь, тэр машин дотор 4 хиппичүүд байгаа, ямар нэгэн хүн бие засах газар руу ороход дээрэмдэхээр отон хүлээж байна. Хэрэв чи тийшээ очвол тэр 4 хиппичүүд чиний араас орж чамайг дээрэмдэж, зодож гэмтээх болно. Тэгээд чамд байгаа бүх мөнгө эд зүйлийг чинь авах болно” гэжээ.
Аав минь тэр үгийг сонсоод машиныхаа хаалгыг хааж, түлхүүрээ түлхүүрдэж машинаа асаах үед нөгөө машинаас 4 хиппичүүд гарч ирж түүний машиныг чиглэн гүйж эхэлсэн. Маш их сандарсан тэрээр “Бурхан минь, би одоо яах вэ?” гэхэд “Хурдан зугт” гэхийг сонсжээ.