"Тамын бодит үнэн" 1-р бүлэг

Энэхүү түүхийг бүтнээр нь уншихыг хүсвэл татах гэдгээр орж уншина уу.

Татах


Өнөөдрөөс эхлэн би та бүхэндээ нэгэн сонирхолтой түүхийг орчуулан толилуулах бөгөөд бидний ихэнх маань ийм зүйлийг мэдэхийг нэг их хүсэхгүй болов уу. Гэсэн ч би Эзэнд итгэдэг чин сэтгэлийн итгэлээсээ болж эл бодит бөгөөд гайхамшигтай ч гэх юм уу аймшигтай ч гэх юм уу энэ түүхийг орчуулахаар шийдсэн билээ. Бид энэ зүйлийг мэдэх хэрэгтэй гэж бодож байна. Та үүнийг уншсаныхаа дараа өөрийн шийдвэрээ гаргана гэдэгт итгэж байна. Таны мэргэн оюун ухаан зөв шийдвэрийг гаргах болтугай.

A Divine Revelation of Hell by Mary K. Baxter

Тамын бодит үнэний тухай өөрийн нүдээр харсан энэхүү гэрчлэлийг сонсогтун. Бурхан Мари Катерин Бакстерт тамын бодит үнэнийг харуулахаар сонгон авсан бөгөөд Есүс Христ өөрийгөө түүнд 40 шөнө дараалан харуулахдаа түүнийг там болон тэнгэрийн улс уруу авч явжээ. Тэр Есүстэй хамт там дундуур алхан олон хүнтэй уулзжээ. Есүс түүнд хүн үхсэний дараа юу тохиолдгийг болон Есүст үл итгэгч нарт болон Бурханы дуудлагыг биелүүлээгүй түүний зарц нарт юу тохиолддогийг харуулсан байна.

Нэгдүгээр бүлэг

Там уруу

1976 оны 3 сард намайг гэртээ залбирч байхад Эзэн Есүс Христ над дээр ирэв. Бурханы бодит оршихуйг мэдрэх тэр үед би Сүнс дотор олон хоногийн турш залбирч байсан юм. Гэнэт гэрт маань түүний хүч чадал, түүний сүр жавхлангаар дүүрэв. Миний залбирч байсан өрөөнд гайхамшигтай гэрэл цацарч миний дотор гайхалтай сайхан зүйлийг мэдэрч эхлэв.
Өрөөн дотор цацрах олон өнгийн гэрлүүд яг л далайн давалгаа шиг бие бие уруугаа уусан шингэж бас эргэн нийлж байлаа. Үнэхээр гайхамшигтай үзэгдэл! Дараа нь Эзэний дуу хоолой надтай ярьж эхлэв.
Есүс: “Би бол чиний Эзэн Есүс Христ, би чамайг миний ариун хүмүүсийг бэлтгэж, олон хүмүүсийг зөв зам руу оруулахын тулд энэ илчлэлтийг өгч байна. Харанхуйн хүч бол бодитой бөгөөд миний шүүлт үнэн” гэв.
“Миний охин, Би чамайг Өөрийнхөө Сүнсээр там уруу аваачих бөгөөд энэ дэлхийн мэдэх ёстой олон зүйлийг чамд харуулах болно. Чам дээр Би олон удаа ирэх бөгөөд сүнсийг чинь биенээс чинь гарган там уруу аваачих болно”.
“Би чамайг ном бичиж, Миний чамд харуулсан бүх зүйл, бүх үзэгдлүүдийг хэлэхийг хүсч байна. Би чамайг там уруу аваачих болно. Урьд байсан, одоо байгаа, ирээдүйд болох зүйлүүдийг бичиж тэмдэглэ. Миний Үг бол үнэн, итгэмжтэй бөгөөд найдвартай. Би бол Би, Надаас өөр хэн ч байхгүй”.
Би “Эзэн минь ээ, Та надаар юу хийлгэхийг хүсч байна вэ?” гэж чангаар хэлэв. Миний хамаг бие түүний оршихуйг мэдрэхдээ Түүнд чанга дуугаар хашгирахыг хүсч байв. Бүр тодруулж хэлвэл би хайрыг мэдэрч байв. Энэ нь миний урьд өмнө нь амьдралдаа хэзээ ч мэдэрч байгаагүй хамгийн сайхан, хамгийн баяр жаргалтай, хамгийн хүчтэй хайр байлаа.
Бурханыг магтах магтаал надаас урсан гарч эхлэв. Гэнэт би түүнд бүх амьдралаа өгч, хүмүүсийг гэм нүглээс нь аврахын тулд түүгээр хэрэглэгдэхийг маш ихээр хүсэв. Надтай хамт миний өрөөнд Бурханы Хүү Есүс Христ байгааг би түүний Сүнсээр мэдэж байлаа. Түүний оршихуйг үгээр илэрхийлээд баршгүй. Гэвч энэ бол Эзэн байсан гэдгийг би мэднэ.
Есүс “Анхаар, миний хүү. Би чамайг Өөрийнхөө Сүнсээр там руу аваачих бөгөөд чи тамын бодит байдлыг бичих бөгөөд там үнэхээр байдгийг энэ дэлхийд хэлж, төөрсөн сүнснүүдийг харанхуйгаас аварч, тэднийг Есүс Христийн сайн мэдээ уруу авчрах болно” гэв.
Агшин зуур миний сүнс биенээсээ гарав. Би Есүстэй хамт байсан бөгөөд өрөөн дээгүүрээ нисэн, тэнгэр уруу хөөрөв. Надад энэ бүхэн үнэхээр тохиолдож байгааг би мэдсэн бөгөөд өөрийн нөхөр, хүүхдүүдээ хэрхэн унтаж байгааг дээрээс нь харж байлаа.
Миний сүнс Есүстэй хамт байшинг орхин дээш одоход орон дээр үлдсэн миний бие яг л үхсэн юм шиг харагдаж байв. Байшингийн дээвэр эргэлдэн эргэлдсээр жижгэрэн холдох үед би зөвхөн гэрийнхнийгээ унтаж байгааг л харсан юм.
Есүс надад хүрэхийг мэдэрч, “Бүү ай. Тэд аюулгүй байх болно” гэж хэлэв. Тэр миний юу бодож байгааг мэдэж байв.
Би та бүхэнд юу мэдэрч, юу харснаа үйл явдлын болсон дэс дарааллаар нь хэлэхийг хичээх болно. Зарим зүйлүүдийг би ойлгоогүй боловч тэдгээрээс ихэнхийг нь Есүс Эзэн надад тайлбарлан хэлж өгсөн, гэхдээ зарим зүйлүүдийг тэр тайлбарлаагүй.
Энэ бүхэн үнэхээр надтай тохиолдсоныг би одоо ч мэдэж байгаа бөгөөд зөвхөн Бурхан л надад ийм зүйлийг харуулж чадна. Түүний ариун нэр магтагдах болтугай. Хүмүүсээ, надад итгээрэй, там үнэхээр байдаг. Би энэ зүйлийг бичиж тэмдэглэхээр бэлтгэгдэж байхдаа там уруу олон удаа Ариун Сүнсээр очсон.
Удалгүй бид тэнгэр өөд өндөрт нисэв. Би Есүсийг харав. Тэр сүр жавхлан, хүч чадлаар дүүрэн байсан бөгөөд түүнээс амар тайван урсан ирж байв. Тэр миний гараас барьж, “Би чамд хайртай, айх хэрэггүй, би чамтай хамт байна” гэж хэлэв.
Түүний дараа бид улам дээш хөөрөхөд дэлхий миний доор байгааг харж байлаа. Гэтэл дэлхийг тойроод өргөн амсар бүхий маш олон хоолой маягийн зүйлс эргэлдэн хөдөлж байхыг харав. Эдгээр хоолойнууд дэлхийг тойрон өндөрт байрлах бөгөөд тасралтгүй хөдлөх аварга нууцлаг хирнээ бохир мэт зүйл харагдаж байлаа. Бид эдгээрийн нэг уруу дөхөн очих үед эдгээр зүйлс юу болохыг би Есүс Эзэнээс асуув.
Есүс “Энэ бол тамын хаалга. Бид үүгээр дамжин там уруу очих болно” гэв.
Бид шууд нэг хоолой уруу ороод явчихав. Энэ нь дотроо ямар нэгэн суваг шиг хирнээ тасралтгүй эргэлдэн хөдлөх бөгөөд заримдаа хажуу тийш налан эргэж байв.
Биднийг гүн харанхуй хучихтай хамт аймшигтай муухай үнэр үнэртэж эхлэв. Сувгийн ханан дээгүүр амьд биет хөдлөн явж байв. Хар саарал өнгөтэй эдгээр амьт биет бидний хажуугаар өнгөрөхдөө бидэн уруу хашгирч байв. Тэдгээр биет хорон муу болохыг би шууд мэдэв.
Эдгээр амьд биет хөдлөх боловч хананы гадаргуун дээгүүр л явж байлаа. Аймшигтай муухай үнэр тэднээс үнэртэх бөгөөд бидэн уруу зэрлэгээр хашгирч байв. Сувгийн дотор ямар нэгэн үл үзэгдэгч хорон муу хүч хөдлөн явахыг би мэдрэв.
Заримдаа би харанхуйд ямар нэгэн биетийг олж харна. Ихэвчлэн тэд бохир манан шиг харагдана. Би Есүсийн гараас чанга барьж, “Эзэн минь ээ, эдгээр зүйлс юу вэ?” гэж асуув.
Тэр “Эд бол дэлхий уруу илгээгдэхээр Сатаны тушаалыг хүлээж байгаа муу сүнснүүд” гэв.
Биднийг эл хонгилоор доош уруудан явах үед эдгээр хорон муу биетүүд бидэн уруу хашгирч бас шоолон инээлдэж байв. Тэд бидэнд хүрэхийг оролдож байсан ч Есүсийн хүч чадлаас болж хүрч чадахгүй байв. Тэнд орчин тойрон нь бохир, заваан, аймшигтай муухай үнэртэй байсан боловч Есүсийн оршихуй намайг тэдгээр зүйлсээс хамгаалж байв.
Тиймээ, би тэнд бүх зүйлийг тодорхой сайн мэдэрч байв. Би үнэртэж, харж, сонсож, мэдэрч байсан тэр ч байтугай тэнд байгаа бузар мууг хүртэл мэдэрч байв. Миний бие илүү их мэдрэмжтэй байсан бөгөөд бохир муухай үнэр намайг өвчтэй болгож байлаа.
Биднийг хонгилын доор ирэхэд хашгираан орчныг дүүргэв. Биднийг харанхуй туннелд жихүүдэс хүргэм хашгираан угтав. Янз бүрийн хашгиралдаан орчныг дүүргэв. Би айдас, үхэл, гэм нүглийг эргэн тойрондоо мэдэрч байв.
Урьд өмнө амьдралдаа хэзээ ч мэдэрч байгаагүй муухай үнэрийг би эргэн тойрондоо мэдрэв. Энэ бол үхсэн хүнээс үнэртдэг үнэр бөгөөд миний бүх талаас ирж байв. Би дэлхий дээр байхдаа хэзээ ч ийм бузар муу зүйлийг, цөхрөнгүй уйлалдааныг сонсож байгаагүй. Удалгүй би энэ уйлалдаан бол үхсэн хүмүүсийн хашгираан бөгөөд там ийм хүмүүсийн гашуудлаар дүүрэн болохыг ойлгосон юм.

Бидний өмнө ямар нэгэн таагүй хүчтэй салхи гарахыг мэдэрч, ямар нэгэн сулавтар хүч биднийг татаж байгааг мэдрэв. Аянга цахилгааны гэрэлтэй адил гэрэл харанхуйд цахилан гэрэлтэж хонгилын хана сааралтан харагдав. Би өмнөө байгаа зүйлийг арай чүү л харж байв. Гэнэт бидний өмнөөс нэгэн том могой ирж байгааг хараад би шоконд орох шиг болов. Би цааш сайн харахад эдгээр эвгүй амьтад хаа сайгүй хөдлөн явахыг олж харав.
“Бид удахгүй тамын зүүн хөл үрүү орно. Чи цааш асар их гуниг зовлон, уй гашуу, үгээр илэрхийлэхийн аргагүй аймшгийг харах болно. Надтай ойр байгаарай. Бид тамаар явах үед би чамд хүч чадал, хамгаалалтыг өгөх болно” гэж Есүс хэлэв.
Есүс “Чиний харах гэж байгаа зүйл бол сануулга юм. Чиний бичих ном олон хүнийг тамаас аврах болно. Чиний харж буй зүйл бодитой. Айх хэрэггүй, би чамтай хамт байх болно” гэв.
Эцсийн эцэст Есүс Эзэн бид хоёр хонгилын доод хэсэгт ирэв. Бид тамын ертөнц үрүү алхан оров. Би юу үзэж харснаа тодорхой сайн хэлэхийг хичээх болно, бас Бурханы надад харуулж өгсөн дарааллаар хэлэх болно.
Миний нүд харж чадах хол зайнд ямар нэгэн биетүүд хаа сайгүй нисч байгааг харав. Гашуудал, цөхрөлийн дуу орчныг дүүргэв. Миний өмнө бүдэг гэрэл байсан бөгөөд бид тийш чиглэн алхав. Зам хуурай, бохир шороотой байлаа. Бид удалгүй нэгэн жижиг харанхуй хонгилын амсар дээр ирэв.
Зарим зүйлийг би үгээр хэлж чадахгүй, тэдгээр нь дэндүү аймшигтай бөгөөд там доторх айдас бол үнэхээр бодитой, хэрэв би Есүстэй хамт байгаагүйсэн бол тэндээс хэзээ ч эргэж ирж чадахгүй байх байсан. Энэ номыг бичиж байх явцад би зарим зүйлийг ойлгоогүй, гэвч Эзэн бүгдийг мэднэ, тэр миний харсан ихэнх зүйлийг ойлгоход тусалсан.
Танд би анхааруулахыг хүсч байна, тэр газарт битгий очоорой. Энэ бол тамлал зовлон, тэсвэрлэшгүй өвдөлт, мөнхий уй гашуутай газар. Таны сүнс хэзээ ч үхэхгүй. Сүнс мөнхөд амьдардаг. Та өөрийгөө тэнд жинхэнээр нь мэдрэх бөгөөд таны сүнс тэнгэрийн улс эсвэл там уруу явна.
Там бол дэлхий дээр байдаг гэж үздэг хүмүүсийн хувьд нэг талаараа энэ нь үнэн юм. Там дэлхийн төвд байдаг, тэнд сүнснүүд өдөр шөнөгүй тамлагдан зовж байна. Тамд үдэшлэг гэж байхгүй, хайр гэж байхгүй, амралт гэж байхгүй. Зөвхөн таны хүч чадлаас даван гарсан гашуудал зовлон байна.

Үргэлжлэлийг доорх линкээр орж үзнэ үү.

http://jesus-faith.blogspot.com/2009/07/blog-post.html

Бурхан надаас асуухгүй

Бурхан надаас чи хэр ихийг бүтээсэн бэ гэж асуухгүй
Харин чи хир ихийг өгсөн бэ гэж асууна

Бурхан надаас чи хэр том байшинтай вэ гэж асуухгүй
Харин чи намайг гэртээ урьсан уу гэж асууна

Бурхан надаас баян хөрштэй юу гэж асуухгүй
Харин чи хөршүүддээ яаж хандсан бэ гэж асууна

Бурхан надаас чи ямар машинтай вэ гэж асуухгүй
Харин чи бусдыг машинаараа дайж байсан уу гэж асууна

Бурхан надаас чи хөөрхөн эхнэртэй юу гэж асуухгүй
Харин чи эхнэрээ хайрлаж байсан уу гэж асууна

Бурхан надаас чи гоё хувцастай юу гэж асуухгүй
Харин чи хувцсаа бусадтай хуваалцаж байсан уу гэж асууна

Бурхан надаас чи мөнгөтэй юу гэж асуухгүй
Харин чи тэнгэрийн улсад баялагтай юу гэж асууна

Бурхан надаас чи хэдэн хүүхэдтэй вэ гэж асуухгүй
Харин чи сайн аав байсан уу гэж асууна

Бурхан надаас чи алдар цуутай юу гэж асуухгүй
Харин чиний тухай хүмүүс юу гэж боддог вэ гэж асууна

Бурхан надаас чи дэлхийгээр аялсан уу гэж асуухгүй
Харин чи дэлхийд нөлөөлсөн үү гэж асууна

Бурхан надаас чи ямар зовлон туулсан бэ гэж асуухгүй
Харин чи зовогсдыг тайвшруулсан уу гэж асууна

Бурхан надаас чи Есүсийн нэр дээр гайхамшгийг бүтээсэн үү гэж асуухгүй
Харин чи намайг таних уу гэж асууна

Тэнгэрийн улсад болсон явдал

Би энэ мail-ийг нэгэн найзаасаа хүлээн авсан юм. Энэ бол надад ирсэн хамгийн гоё mail-үүдийн нэг бөгөөд үнэнийг өгүүлсэн байдаг.

Нэгэн шөнө би тэнгэрийн улсад очиж байна гэж зүүдлэв. Тэнгэр элч надад тэнгэрийн улсыг үзүүлэв. Бид хоёр зэрэгцэн алхсаар олон тэнгэр элчүүдээр дүүрэн нэгэн ажлын өрөөнд хүрч ирэв. Намайг замчлан явж байсан тэнгэр элч эхний эгнээний өмнө очоод “Энэ бол Хүлээн авалтын хэсэг. Энд Бурхан уруу хандсан залбирлууд ирдэг” гэлээ.

Намайг эргэн тойрноо харахад дэлхийн янз бүрийн хүмүүсээс ирсэн залбирал, хүсэлт, гуйлтуудыг бичсэн зузаан давхарлаастай цааснуудыг тэнгэр элч нар эмхэлж цэгцлэн завгүй ажиллацгааж байв. Дараа нь бид нэгэн урт хонгилоор явсаар хоёр дахь хэсэгт хүрч ирэв.

Тэгээд тэнгэр элч “Энэ хэсэг бол Илгээмжийн хэсэг. Энд хүмүүсийн Бурханаас хүсч гуйсан хайр ивээл, нигүүлслүүдийг бэлтгэж дараа нь дэлхий уруу тэдгээр амьд хүмүүс уруу илгээдэг” гэж хэлэв. Энд бас л тэнгэр элчүүд завгүй ажиллаж байгааг харав. Тэд их л шаргуу ажиллацгааж байлаа. Учир нь энд Бурханы ивээлийг хүссэн маш олон хүсэлтүүд байсан бөгөөд тэдгээрийг тэнгэр элч нар дэлхий уруу илгээхээр бэлтгэж байлаа.

Эцэст нь бид хонгилын төгсгөлд буй нэгэн жижиг өрөөний хаалганд хүрч ирэв. Өрөө уруу ороход зөвхөн нэг тэнгэр элч хийх юмаа олж ядан сууж байгааг хараад би маш их гайхав. “Энэ бол Мэдэгдэх хэсэг” гэж тэнгэр элч чимээгүйхэн хэлэв. Тэр ичиж байгаа юм шиг санагдав. “Энд яагаад ямар нэгэн ажил явагдахгүй байгаа юм бэ?” гэж би түүнээс асуув.

“Үнэхээр харамсалтай. Хүмүүс Бурханы ивээлийг авсны дараа тэднээс цөөхөн хүмүүс бидэнд эргэж мэдэгддэг” гэж хэлээд тэнгэр элч уртаар санаа алдав.

“Хүмүүс яаж Бурханы ивээлүүдийн тухай эргэж мэдэгддэг юм бэ?” гэж би асуув.

“Маш энгийн. Түүнд зөвхөн баярлалаа гэж хэлэх хэрэгтэй.”

“Ямар ивээлүүдийн тухай эргэж мэдэгдэх хэрэгтэй вэ?”

“Хэрэв чиний хөргөгчинд хоол байгаа бол, бас өмсөх хувцас, амьдрах байр, унтах газартай бол чи энэ дэлхийн хүмүүсийн 75 %-иас илүү баян гэсэн үг.
"Хэрэв чи банкиндаа, түрийвчиндээ мөнгөтэй бол, бусадтай хуваалцах аяга чиний гэрт байгаа бол чи энэ дэлхийн 8 % -ийг эзэлдэг чинээлэг хүмүүсийн нэг нь гэсэн үг.”
“Хэрэв чи өөрийн гэсэн компьютертэй бол ийм боломж бүхий энэ дэлхийн хүмүүсийн 1 %-ийн нэг хэсэг гэсэн үг.”
“Хэрэв чи энэ өглөө босоод эрүүл байвал энэ өдөр амьд үлдэж чадахгүй байгаа хүмүүсээс илүү ивээлтэй гэсэн үг.”
“Хэрэв чи дайн тулааны аймшгийг мэдрэхгүй байгаа бол, хэрэв чи ганцаардлын шоронд хоригдоогүй бол, хэрэв чи эрүү шүүлтэнд тамлагдан зовоогүй бол эсвэл өлсгөлөнгийн аймшгийг мэдрэхгүй байгаа бол ийм зовлонг эдэлж буй дэлхий дээрх 700 сая хүмүүсийн тоонд багтдаггүй гэсэн үг.”
“Хэрэв чи цуглаандаа явахдаа хавчлага, дарамт, зовлон, үхлээс айх аюулгүй явдаг бол энэ дэлхий дээрх 3 тэрбум хүмүүсээс илүү ивээлтэй гэсэн үг.”
“Хэрэв чиний эцэг эх амьд бөгөөд чи хүнтэй суусан бол ... ховор тохиолдол.”
“Хэрэв чи толгойгоо дээш өргөн инээмсэглэж байгаа бол төөрөгдөл, шаналал зовлон дунд зовж буй хүмүүсээс илүү онцгой нэгэн гэсэн үг.”

“Тэгвэл одоо би яах вэ? Юу хийх хэрэгтэй вэ?” гэж асуув.

Хэрэв чи энэ зүйлийг уншаад хүлээн авахын бол чи бусдаас илүү 2 дахин ивээлтэй бөгөөд энэ дэлхий дээрх уншиж чаддаггүй 2 тэрбум хүмүүсээс илүү ивээлтэй нэгэн гэсэн үг.

Өдрийг сайхан өнгөрүүлээрэй, өөртөө ирсэн ивээлүүдийг тоолоорой, бас хэрэв хүсч байвал бид ямар их ивээлтэй хүмүүс вэ гэдгийг бусдад хэлэхийг хүсч байвал үүнийг илгээгээрэй.

“МЭДЭГДЭХ ХЭСЭГ...”. Баярлалаа Эзэн минь ээ, надад энэ зүйлийг хуваалцах боломж өгсөнд баярлалаа.

Бурханы агуу хайр

Соломоны дуун 2:1. Би бол Шароны сарнай, талын сараана цэцэг билээ.
Соломоны дуун 2:10-14. Миний хайрт надад хэлэх нь: "Босоорой хонгор минь, үзэсгэлэнт гоо бүсгүй минь хамтдаа явъя. Хараач, өвөл өнгөрч, бороо зогсож арилав. Газарт цэцэгс хэдийнээ ургаж, дуу хуурын цаг ирж, нутагт маань хүүрзгэний дуу сонсогдоно. Инжрийн мод жимсээ боловсруулж, цэцэглэж буй усан үзмийн модод анхилуун үнэрээ тараана. Босоорой, хонгор минь, үзэсгэлэн гоо бүсгүй минь хамтдаа явъя" гэнэ. Хадны хавцал, өгсүүр цохионы нуувчид буй тагтаахан минь ээ, надад төрхөө үзүүлж, дуу хоолойгоо сонсгооч. Учир нь дуу хоолой чинь амттай, төрх чинь дур булаам сайхан аж.”


Танд Бурханы хайранд эргэлзэж байсан удаа бий юу? Надад эргэлзэж байсан удаа бий. Тэгээд Бурханаас энэ тухай би баттай хариулт авахыг хүссэн. Бурхан надад хандсан өөрийн хайрын илчлэлтээ өгсөн бөгөөд түүний надад хандсан агуу хайрыг би ойлгосон юм. Үнэндээ Бурхан биднийг хэнийг ч ялгалгүй өөрийн агуу хайраараа хайрладаг, гэвч Сатан биднийг түүний агуу хайрыг мэдэхийг хүсдэггүй. Бидний сүнслэг нүд болон мэдрэхүй маань заримдаа сохор байдаг. Сатан миний нүдийг ч мөн хааж байсан бөгөөд Бурханы агуу хайрыг мэдэх тэр мөчид би Бурханд ямар их үнэ цэнтэй юм бэ гэдгээ мэдсэн. Хэрэв та зүрх сэтгэлдээ түүний хайрыг авахыг зөвшөөрөх юм бол Тэр таны амьдралд өөрийн агуу хайраараа орж ирэх болно. Тиймээс би таныг урамшуулахыг хүсч байна. Түүнээс гуйгтун, түүний агуу хайрыг мэдэхийн төлөө гуйгтун. Тэгвэл та түүний хайраас хэзээ ч салахыг хүсэхгүй болно, үргэлж түүнтэй хамт байхыг хүсэх болно. Энэ үнэхээр гайхамшигтай биш гэж үү! Таныг энэ орчлонгийн цорын ганц үнэн Бурхантай уулзаж түүний танд хандсан агуу хайрыг мэдээсэй гэж би гуйх болно.


Эзэнээс надад ирсэн илчлэлт...


Чиний төлөөх миний хайранд бүү эргэлзэгтүн. Би чиний төлөө Хүүгээ золиосолсон. Чиний хувьд, би чамаар бахархдаг бөгөөд би чамаар баярлан бахддаг. Чамайг надтай ярихад чинь Би дуртай, намайг дууд. Би чамтай хамт байхыг эртнээс хүсч байсан. Би чамд агуу гайхамшигтай зүйлүүдийг харуулах болно. Би бас чамаар дамжуулан агуу гайхамшигтай зүйлүүдийг хийх болно. Надтай үргэлж хамт бай, бүх зүйл дээр намайг дууд. Надаас хүссэнээ гуй, би чамд хариулах болно. Намайг өөрийнхөө амьдралын бүх хэсэг болго. Миний таалал чам дээр байна, тиймээ, миний таалал чам дээр байна. Би чамд болон чиний гэрт урт удаан амьдралыг өгсөн бөгөөд би чиний бүх гуйлтыг алдаршуулах болно. Залбирлаа бүү зогсоо, миний чамд өгөхөөр бэлдэж байгаа ивээлүүдийн алиныг нь ч чи авч эхлээгүй байна. Би чамайг шинэ төвшинд гаргах болно, би чамайг аль хэдийн гаргасан. Надаас бүү холдогтун, учир нь би чамтай хамт байна. Чи хийж байгаа бүх зүйл дээрээ ялалттай байх болно, зөвхөн намайг эхэнд тавь, намайг хай. Чамд би өнөөдөр хэлсэн бүх зүйлүүдээ хийх болно. Би Түмэн цэргийн Эзэн тунхаглаж байна. Би үүрд чиний Иехова Ийрэ (миний хангагч), Иехова Нисе (миний туг), Иехова Шалом (амар амгалангийн ханхүү), Иехова Цикени (миний зөвт байдал), Иехова Рапа (миний эдгээгч) байх болно. Би чамд хайртай, би чамд Хайртай, би чамд ХАЙРТАЙ, ХАЙРТАЙ, ЧАМАЙГ би дэлхийн эхлэлээс хүсч байсан. Би чамайг хүсч байсан. Чиний эцэг эх ямар хүмүүс байсан, тэд чамд юу хийсэн, бас юу хийж чадаагүй нь хамаагүй. Учир нь би чамд амьдралыг өгсөн бөгөөд тэдний чамд хийсэн ямар ч алдааг, мөн чи тэднээс авч чадаагүй ямар ч зүйлийг би чамд эргүүлэн өгөх болно, би чамайг хангах болно. Чи намайг өөрийн эх үүсвэрээ болгосон. Чи хэзээ ч сэтгэл гонсойхгүй, чи хэзээ ч ичгүүр болохгүй, учир нь чи миний Хүү Есүст өөрөөр хэлбэл надад итгэсэн. Есүс миний дотор, би Есүсийн дотор байдаг, Тэр чиний дотор байдаг, бид бүгдээрээ хамтдаа нэгэн бие, бие биенээ дуулгавартайгаар дагадаг бөгөөд чи энэ газар нутгийн сайн сайхныг амтлах болно гэж би чамд хэлж байна. Амен.

Divine revelation of hell

Ene udaa bi ta nartai negen emegtein tuuhiiig huvaaltsahaar shiidlee. Ene emegtei unuudriig hurtel Ezend uilchilseer bgaa buguud uuriin huch chadaltai gerchleleeree olon huniig Jesus ruu avchirsaar bgaa yum. Jesus tuuntei er busiin argaar uulzsan buguud tuund olon uzegdel, ilchleltuudiig damjuulan ugchee.

Mary Kathryn Baxter

The revelations from the Lord came to me in 1976. For a period of thirty nights, Jesus took me into hell, followed by ten nights of visits to heaven.
The Lord appeared to me in 1976 and told me that I was chosen for a special assignment, He said, "My child, I will manifest myself to you to bring people out of darkness into light. For the Lord God has chosen you for a purpose; to write and make a record of the things I will show and tell you.
"I am going to reveal unto you the reality of hell, that many may be saved, many will repent of their evil ways before it is too late.
"Your soul will be taken out of your body, by me, the Lord Jesus Christ, and transmitted into hell and other places that I want you to see. I will also show you visions of heaven and other places and give you many revelations."
… The next night Jesus and I went again into the right leg of hell. I saw as before the love Jesus had for the souls that are lost in hell. And I felt His love for me and for all those who were on earth.
"Child," He said to me, "it is not the Father's will that anyone perish. Satan deceives many, and they follow him. But God is forgiving. He is a God of love. If these had truly come unto the Father and repented, He would have forgiven them." Great tenderness covered Jesus' face as He spoke.
Again we walked among the flaming pits and passed by more people in the torments I described earlier. My Lord, my Lord, such horrors! I thought. On and on we walked past many, many souls burning in hell.
All along the pathway burning hands reached out to Jesus. There were only bones where the flesh should have been-a grayish mass with burning and decayed flesh hanging in shreds. Inside each frame of their skeleton form was a dirty-gray mist-soul caught inside a dry skeleton forever. I could tell by their cries that they felt the fire, the worms, the pain, the hopelessness. And their cries filled my soul with a grief so great I cannot describe it. If only they had listened, I thought, they would not be here.
I knew that the lost in hell had all their senses. They remembered all that was ever told them. They knew there was no way out of the flames and that they were lost forever. Yet, without hope, they still hoped as they cried out to Jesus for mercy.
We stopped at the next pit. It was exactly like all the others. Inside it was the form of a woman, which I knew by her voice. She cried out to Jesus for deliverance from the flames.
Jesus looked on the woman with love and said, "While you were on earth, I called you to come to Me. I pleaded with you to get your heart right with I Me before it was too late. I visited you many times in the midnight hour to tell you of My love. I wooed! you, loved you and drew you to Me by My Spirit.
"Yes Lord,' you said, 'I will follow You,' With your lips you said you loved Me, but your heart did not mean it. I knew where your heart was. I often sent my messengers to you to tell you to repent of your sins and come to Me, but you would not hear Me. I wanted to use you to minister to others, to help others to find Me. But you wanted the world and not Me. I called you, but you would not hear Me, nor would you repent of your sins."
The woman said to Jesus, "You remember, Lord, how I went to church and was a good woman. I joined the church. I was a member of Your church. I knew Your call was on my life. I knew I had to obey that call at all costs, and I did."
Jesus said, "Woman, you are still full of lies and sin. I called you, but you would not hear Me! True, you were a member of a church, but being a church member did not get you to heaven. Your sins were many, and you did not repent. You caused others to stumble at My Word. You would not forgive others when they hurt you. You pretended to love and serve Me when you were with Christians, but when you were away from Christians, you lied, cheated and stole. You gave heed to seducing spirits and enjoyed your double life. You knew the straight and narrow way."
"And," Jesus said, "you also had a double tongue. You talked about your brothers and sisters in Christ. You judged them and thought you were holier than they, when there was gross sin in your heart. This I know, you would not listen to My sweet Spirit of compassion. You judged the outside of a person, without regard to the fact that many were children in the faith. You were very hard.
"Yes, you said you loved Me with your lips, but your heart was far from Me. You knew the ways of the Lord and you understood. You played with God, and God knows all things. If you had sincerely served God, you would not be here today. You cannot serve Satan and God at the same time."
Jesus turned to me and said, "Many in the last days will depart from the faith, giving heed to seducing spirits and will serve sin. Come out from among them, and be separate. Walk not in the way with them." As we walked away, the woman began to curse and swear at Jesus. She screamed and cried with rage. We walked on. I was so weak in body... continues...

Prayer for family protection

Sayhan minii dotnii naiz ger buliinhniihee hamgaalaltiin tuluu zalbirmaar baina, bas udur bolgon alive to Jesus baimaar bnaa gej helsen yum. Tuunii ene asuultad bi uuriinhuuruu haruilah geed uzsiimaldaa.
1-rt bid udur bur ger buliinhniihee hamgaalaltiin tuluu zalbirah heregtei. Bi negen hunii helsen zalbirlaas ish tatii.

"Lord, I cover myself and everyone around me with the blood of Jesus. I cover all of the members of my family (call them by name) with the blood of Jesus. I cover my home, my land, my car, my finances, my marriage, my ministry, with the blood of Jesus. In the Name of Jesus Christ, by the power of His blood, I break off every power of the kingdom of darkness and cancel every argument in heaven that has established itself against the plans of God in my life and spoil every attack of the enemy. I call forth, in the name of Jesus, all of God's plans and purposes for my life, and my family. As for me and my house, we shall serve the Lord. Satan, the blood of Jesus is against you and you have no authority over my life. NO WEAPON FORMED AGAINST ME (OR MY FAMILY) SHALL PROSPER!"

Bid iim maygaar udur bur zalbirch bolno, magadgui uuniig ulam bayjuulaad uursdiin sanhuu, ajil, uilchleliin tuluu huchteigeer zalbirah heregtei. Bas uun deer nemeed itgelguigeer bidnii guilt zalbiral yamar ch huch chadalgui uchraas itgel dotroo zalbirtsgaaya.

Bid herhen alive to Jesus baih ve? Bi ene asuultiig naizaasaa sonschihood bi ch bas tegj Burhanaas asuuj baisnaa sanasan yum. Ene asuultiinhaa haruiltiig avahiin tuld bi Burhantai ulam bur oir dotno bolson. Ene asuultiig bi Burhanaas asuuh bolgond ter nadad "chi nadad ajil uilchleleesee iluu hairtai yu?"gej asuudag bsan. Yagaad gevel bi neg heseg Burhantai ch yarih zavgui urgelj l ajildaa daragdchihsan yvdag baij bilee. Tegeed oroi yadarsan amitan hooloo idcheed shuud or ruugaa yavdag blaa. Yag ter ued Burhan nadaas "chi nadad ajil uilchleleesee iluu hairtai yu?" gej asuudag bsan. Bi Burhanaas "tegeed bi yu hiih yostoi ve? bi tantai tsag unguruulmeer l bna. Daanch nadad tsag garahgui bnashdee. Herev bi ajlaasaa garval bi yaj amidrah bolj bnaa?" gej asuudag blaa. Ter ued miinii itgel baga baisniig odoo l uhaardag yum. Burhan minii guiltad haruilsaan. Minii amidraliin hamgiin negdugeer zuil bol Jesus yum gedgiig oilgoson. Bi unudriin ajil, uilchlel, ger bul, hool, sanhuu, hund hetsuu asuudal, yamar ch yum bsan ter buhnees deeguur hamgiin negdugeert Jesusiig tavih heregtei gedgiig oilgoson. Bi udur bolgon Jesus ta minii zurh setgeld orj ireech, unuudur bii taniig negdugeert tavihad tuslaach gej guidag bolson. Bi Burhanii zurh setgeliig udur bur sonsohiig hicheedeg bolson. Herev bi Burhanii zurh setgeliin daguu, tuunii husliin daguu amidarval bi udur bur alive to Jesus baij chadnaa gedgiig oilgoson. Tuunii zurh setgel, tuunii zurh setgel nadad hamgaas chuhal. Let my heart breaks for what the heart of God breaks gedeg bhaa. Tiimee, Burhan ta minii zurh setgeliig uurchluuch gej bi udur bur guidag bolson.

Ps: za tegeeed humuusee sanal, huselt, gomdol ch hurtel nadad chuluutei ilgeej bolno shuu. Bi huleen avahdaa bayartai baih bolnoo.

God bless you today!

hi all